ខេត្តកំពង់ចាម៖ ក្មេងស្រីជំទង់ពីរនាក់បងប្អូនជីដូនមួយ អាយុ១៥ឆ្នាំដូចគ្នារស់នៅភូមិគៀនជ្រៃក្រៅឃុំគៀនជ្រៃ ស្រុកកំពង់សៀម បានរអិលជើងធ្លាក់ពីលើច្រាំង ចូលទៅក្នុងទឹកទន្លេមេគង្គដោយបានបាត់ខ្លួនម្នាក់ និងសង្រ្គោះរួចផុតពីសេចក្តីស្លា.ប់ម្នាក់ ។ ហេតុការណ៏ភ្ញាក់ផ្អើលនេះបានកើតឡើងនៅ វេលាម៉ោង៣ រសៀល
ខេត្តកំពង់ចាម៖ ក្មេងស្រីជំទង់ពីរនាក់បងប្អូនជីដូនមួយ អាយុ១៥ឆ្នាំដូចគ្នារស់នៅភូមិគៀនជ្រៃក្រៅឃុំគៀនជ្រៃ ស្រុកកំពង់សៀម បានរអិលជើងធ្លាក់ពីលើច្រាំង ចូលទៅក្នុងទឹកទន្លេមេគង្គដោយបានបាត់ខ្លួនម្នាក់ និងសង្រ្គោះរួចផុតពីសេចក្តីស្លាប់ម្នាក់ ។ ហេតុការណ៏ភ្ញាក់ផ្អើលនេះបានកើតឡើងនៅ វេលាម៉ោង៣ រសៀល ថ្ងៃទី០៣ មេសា ២០១៤ ហើយរហូតមកដល់វេលាម៉ោង៧និង០០នាទីយប់ក៏នូវតែរកក្មេងស្រីដែលបាត់នោះ មិនទាន់ឃើញនូវឡើយ សន្និដ្ឋានស្លាប់បាត់ទៅហើយ ។
លោកកៅ សារ៉េត នាយប៉ុស្តិ៍រដ្ឋបាលឃុំគៀនជ្រៃ ប្រាប់ឲ្យដឹងថា នៅពេលមុនកើតហេតុក្មេងស្រីឈ្មោះ សុខុម និងឈ្មោះ មន សូមួយ បាននាំគ្នាដើរចេញពីផ្ទះរបស់ខ្លួន សំដៅទៅច្រាំងទន្លេស្ថិតនៅខាងក្រោយផ្ទះ ដើម្បីបោកសំលៀកបំពាក់ដូចសព្វមួយដងអញ្ជឹង ។
លោកកៅ សារ៉េត នាយប៉ុស្តិ៍រដ្ឋបាល ឃុំគៀនជ្រៃ ប្រាប់បន្តថា ពេលដែលទៅដល់មាត់ទន្លេនោះចៃដន្យស្រាប់តែរអិលជើង ជាហេតុបណ្តាលឲ្យទាំងពីរនាក់ធ្លាក់ ចូលទៅក្នុងទឹកទន្លេមេគង្គតែម្តងរំពេចនោះត្រូវបានអ្នកភូមិ ដែលគេមកងូតទឹកទន្លេនៅក្បែរនោះ ឃើញនាំគ្នារត់មកលោតចូលទៅក្នុងទឹកទន្លេជួយសង្រ្គោះបានម្នាក់ឈ្មោះ សូមួយ ។ ចំនែកឈ្មោះ សុខុម បានបាត់រាវមិនឃើញសោះជាមួយនោះដែរក្រុមសាច់ញាតិជាច្រើននាក់ រួមនឹងអ្នកភូមិជាច្រើននាក់បានតាមរក រហូតដល់វេលាម៉ោង៦និង៣០នាទីល្ងាចនូវតែមិនទាន់ឃើញទៀត លោកថាក្មេងស្រីដែលបាត់ខ្លួននោះមិនចេះហែលទឹកឡើយ ទោះបីជាមេឃងងឹតចូលមកដល់ក្តី ក៏មានទូកជាច្រើនគ្រឿង ដែលបានបំពាក់ទៅដោយ ភ្លើងគោមបានតាមរាវរកបន្តទៀតក្រោមមេឃកំពុងបង្អុរភ្លៀងធ្លាក់ចុះមកតក់ៗក្តី ។
លោក កៅ សារ៉េត នាយប៉ុស្តិ៍រដ្ឋបាលឃុំគៀនជ្រៃ បញ្ជាក់ថា កន្លែងដែលក្មេងស្រីលង់ទឹកបាត់ខ្លូននោះមានជំរៅប្រហែលពី៤ទៅ៥ម៉ែត្រផងដែរ តាមដំណឹងចុងក្រោយទូកម៉ាស៊ីន២គ្រឿង ដែលបានចេញទៅតាមរកនោះ ដោយសារតែរកអស់រយៈពេល៤ម៉ោង មិនឃើញបាននាំគ្នាមកចូលសំរាកច្រាំងទន្លេ។ហើយនៅព្រឹកស្អែកទី០៤មេសា នឹងបន្តតាមរកបន្តទៀត ដោយគ្រួសារក្មេងស្រីរួមជាមួយនឹងអ្នកភូមិបានបែរបន់ដល់ព្រះគង្គារ ឲ្យឆាប់ឃើញក្មេងស្រី ដែលបាត់នោះផងដែរ ។
ចែករំលែកព័តមាននេះ