ខេត្តបន្ទាយមានជ័យ ៖ សេចក្តីរាយការណ៍បឋមបានឲ្យដឹងថា គ្រាន់តែស៊ីផ្លេម៉ូតូដាក់ លេងមកកាប់មនុស្សរបួស៣នាក់ ត្រូវបានកម្លាំងនគរបាលស្រុកមង្គលបូរីបានចាប់ឃាត់ខ្លួនជនសង្ស័យចំនួន២នាក់ បញ្ជូនមកកាន់ស្នងការដ្ឋាននគរបាលខេត្តបន្ទាយមានជ័យ ពីបទប្រើអំពើហិង្សាយកកាំបិតកាប់ទៅលើគូទំនាស់របស់ខ្លួន ។ លោកវរសេនីយ៍ឯកស៊ិន…
ខេត្តបន្ទាយមានជ័យ ៖ សេចក្តីរាយការណ៍បឋមបានឲ្យដឹងថា គ្រាន់តែស៊ីផ្លេម៉ូតូដាក់ លេងមកកាប់មនុស្សរបួស៣នាក់ ត្រូវបានកម្លាំងនគរបាលស្រុកមង្គលបូរីបានចាប់ឃាត់ខ្លួនជនសង្ស័យចំនួន២នាក់ បញ្ជូនមកកាន់ស្នងការដ្ឋាននគរបាលខេត្តបន្ទាយមានជ័យ ពីបទប្រើអំពើហិង្សាយកកាំបិតកាប់ទៅលើគូទំនាស់របស់ខ្លួន ។
លោកវរសេនីយ៍ឯកស៊ិន ណារ៉ាក់ អធិការនគរបាលស្រុកមង្គលបូរីបានឲ្យដឹងថា កាលពីវេលាម៉ោង៧និង៥០នាទីយប់ ថ្ងៃទី២៣ ខែកញ្ញានេះ នៅលើផ្លូវភូមិស្តីក្រោម ឃុំគយម៉ែង ស្រុកមង្គលបូរី ខេត្តបន្ទាយមានជ័យ មានករណីក្មេងទំនើងជិះម៉ូតូដេញកាប់ម៉ូតូ១គ្រឿងផ្សេងទៀត បណ្តាលឲ្យមានអ្នករងរបួសចំនួន៣នាក់ ។
ក្រោយពីកើតហេតុជនដៃដល់ចំនួន២នាក់ត្រូវបាននគរបាលជំនាញអធិការដ្ឋាននគរបាលស្រុក និងកម្លាំងនគរបាលប៉ុស្តិ៍រដ្ឋឃុំគយមែងចាប់ខ្លួនបាន ។ ក្រុមជនដៃដល់មានឈ្មោះកាត ម៉ុនថៃ អាយុ២៣ឆ្នាំ នៅភូមិផ្លូវសៀម ឃុំគយម៉ែង ស្រុក មង្គលបូរី និងឈ្មោះ ថន លាប អាយុ១៩ឆ្នាំ នៅភូមិតានង ឃុំគយម៉ែង ។ ពួកគេទាំង២នាក់បានជិះម៉ូតូ១គ្រឿងតាមពីក្រោយហើយបានយកកាំបិតកាប់ទៅលើក្រុមជនរងគ្រោះ០៣នាក់ ដែលកំពុងជិះម៉ូតូបណ្តាលឲ្យរងរបួសមាន ១-ឈ្មោះ ស៊ី ណារ៉ុង អាយុ១៨ឆ្នាំ នៅភូមិប្រឡាយលួងក្រោម ឃុំ ឫស្សីក្រោក ស្រុកមង្គលបូរី របួសខ្នងមួយកន្លែង ២-ឈ្មោះ ឃួន តូច អាយុ២២ឆ្នាំ នៅភូមិ ប្រឡាយលួងក្រោមរបួសកែងដៃឆ្វេងមួយកន្លែង ៣-ឈ្មោះ ឆែម វាសនា អាយុ២១ឆ្នាំ ភូមិប្រលាយលួងក្រោមរបួសលើចង្កេះក្រោយផ្នែកខាងឆ្វេង ។
ចំពោះមូលហេតុដែលបង្កឲ្យកើតមានអំពើហិង្សានេះបណ្តាលមកពីពួកក្រុមជនរងគ្រោះជិះម៉ូតូស៊ីផ្លេដាក់ ។ បច្ចុប្បន្នជនដៃដល់ទាំង២នាក់ត្រូវបានរៀបចំសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធីច្បាប់ ។ ចំណែកជនរងគ្រោះទាំង៣នាក់កំពុងសម្រាកព្យាបាលនៅមន្ទីរពេទ្យ ៕ កែសម្រួលដោយ ៖ សុឃាក់
ចែករំលែកព័តមាននេះ