ខេត្តកំពង់ចាម៖ អំពើហិ.ង្សាក្នុងគ្រួសារមួយ ដោយប្តីចោទប្រកាន់ប្រពន្ធថាមានសាហាយក៏ឈ្លោះប្រកែកគ្នាតឹងសសៃក ហេតុតែប្តីមិនស្តាប់ក៏ស្រ្តីជាប្រពន្ធ ទ្រាំមិនបានទើបពន្លះមួយអង្រែបុកគ្រឿង បែកក្បាលហូរឈាម ។ ប្តីឈឺពេកខឹងពេកទប់ចិត្តមិនបាន ក៏ស្ទុះយកពូថៅមកកា.ប់ត្រូវប្រពន្ធ ១ពូថៅនិងក្បាល១ដងពូថៅរងរបួសធ្ងន់ ។ ហេតុការណ៏នេះបានកើតឡើង នៅវេលា
ខេត្តកំពង់ចាម៖ អំពើហិង្សាក្នុងគ្រួសារមួយ ដោយប្តីចោទប្រកាន់ប្រពន្ធថាមានសាហាយក៏ឈ្លោះប្រកែកគ្នាតឹងសសៃក ហេតុតែប្តីមិនស្តាប់ក៏ស្រ្តីជាប្រពន្ធ ទ្រាំមិនបានទើបពន្លះមួយអង្រែបុកគ្រឿង បែកក្បាលហូរឈាម ។ ប្តីឈឺពេកខឹងពេកទប់ចិត្តមិនបាន ក៏ស្ទុះយកពូថៅមកកាប់ត្រូវប្រពន្ធ ១ពូថៅនិងក្បាល១ដងពូថៅរងរបួសធ្ងន់ ។ ហេតុការណ៏នេះបានកើតឡើង នៅវេលាម៉ោង១និង២០នាទីរសៀលថ្ងៃទី ១ មេសា ២០១៤ ស្ថិតនៅ ភូមិបុសខ្នុរ ឃុំបុសខ្នុរ ស្រុកចំការលើ ស្រ្តីជាប្រពន្ធត្រូវបាននាំមកសង្រ្គោះជាបន្ទាន់ នៅមន្ទីរពេទ្យបង្អែកខេត្ត ។
លោកវរសេនីយ៏ត្រី អ៊ិត ដារ៉ា អធិការនគរបាលស្រុកចំការលើ បានឲ្យដឹងថាស្រ្តីដែលរងគ្រោះដោយអំពើហឹង្សាក្នុងគ្រួសារនេះឈ្មោះ ហ៊ាន ណាន អាយុ ៤១ ឆ្នាំ ត្រូវរបួស១ពូថៅចំកំភួនជើងស្តាំនិងក្បាលផ្នែកខាងស្តាំ ដោយឈាមហូរស្រោចពេញខ្លួនប្រាណ ក្នុងពេលដែលអាកាសធាតុកំពុងក្តៅ ។
លោកវរសេនីយ៏ត្រី អ៊ិត ដារ៉ា អធិការនគរបាលស្រុកចំការលើ បានបន្តថា ក្រោយពីករណីកើតឡើងងបុរសជាប្តីបានរត់គេចខ្លួន ចេញពីកន្លែងមួយទៅកន្លែងមួយក្នុងភូមិ ហើយត្រូវបានរូបលោកចាត់ឲ្យកំលាំងជំនាញព្រហ្មទណ្ឌស្រុកចុះសហការជាមួយនឹងប៉ុស្ត៏រដ្ឋបាលឃុំបុសខ្នុរ រុកតាមប្តីដែលប្រើហឹង្សារហូតដល់វេលាម៉ោង៦និង២០នាទី ល្ងាចថ្ងៃដដែល ត្រូវបានសមត្ថកិច្ចចាប់ខ្លួនបាន ដោយដកហូតបានពូថៅ១ ដែលបានកាប់ទៅលើប្រពន្ធរបស់ខ្លួន ។ ជាមួយនោះបុរសឈ្មោះ អ៊ួង ធឿន ឆ្លើយថានៅវេលាម៉ោងប្រហែលជា ៦ព្រឹក ថ្ងៃទី ១ មេសា មិនបានចេញទៅស៊ីឈ្មួលជំរះស្មៅឲ្យគេនោះទេបានទៅទិញស្រាសកន្លះលីត្រ មកផឹកជាមួយនឹងប្រពន្ធនៅក្រោមផ្ទះ ។ លុះពេលផឹកអស់ម៉ោង៨ព្រឹកបានចេញទៅទិញកន្លះលីត្រសំរាប់យកមកផឹកបន្តទៀត តែមិនបានផឹកនោះទេគឺឲ្យប្រពន្ធយកទៅទុកគាត់(អ៊ួង ធឿន ) បានដើរទៅផ្ទះឈ្មោះ ណេន នៅភូមិបុសខ្នុរដែរ ក៏គេហៅផឹកស្រាបៀររូបដំរីអស់២កំប៉ុងទៀត ។ នៅម៉ោងជាង១ រសៀលបានត្រឡប់មកផ្ទះវិញ សួរប្រពន្ធរកស្រា ដែលទិញមកនោះទុកនៅឯណា ហើយប្រពន្ធឆ្លើយតបវិញថា ផឹកអស់ហើយលោកប្តីអើយ ក្នុងពេលនោះក៏មានការឈ្លោះប្រកែកគ្នាតឹងសសៃក ត្រូវបានប្រពន្ធយកអង្រែបុកគ្រឿង មកសំពង់ត្រូវក្បាលគាត់១អង្រែបែកក្បាលហូរឈាម ។ ហេតុតែខឹងពេកទប់ចិត្តមិនបានក៏ស្ទុះទៅយកពូថៅ កាប់ត្រូវប្រពន្ធវិញបណ្តាលឲ្យរងរបួសធ្ងន់ហើយរត់គេចខ្លួន តែត្រូវបានសមត្ថកិច្ចតាមចាប់បាន ។
ចំនែកស្រ្តីជាប្រពន្ធឈ្មោះ ហ៊ាន ណាន បាននិយាយប្រាប់ឲ្យដឹងក្នុងមន្ទីរពេទ្យនាល្ងាចថ្ងៃទី ២មេសាថា នាថ្ងៃកើតហេតុនោះគាត់បានទៅទិញម្ហូបមកចំអិនរួចរាល់ រហូតដល់ពេលរសៀលប្តីបានត្រឡប់មកពីផឹកនៅផ្ទះរបស់គេវិញក្នុងភូមិ គ្រាន់តែមកដល់ក្រោមផ្ទះវិញ ស្រាប់តែឃើញបុរសម្នាក់ដើរនៅតាមផ្លូវខាងមុខផ្ទះបែរជាចោទប្រកាន់ថា អ្នកនោះជាសាហាយ ទើបមានការឈ្លោះប្រកែកគ្នាត្រូវបានប្តីកាប់ត្រូវកំភួនជើងស្តាំ១ពូថៅ ជាហេតុបណ្តាលឲ្យរបូតផ្លែពូថៅចេញ នូវសល់តែដងពូថៅយកមកសំពងក្បាលគាត់បន្ថែមរយៈហូរឈាមកក្លាក់ ។ ត្រូវបានកូនហៅរថយន្តដឹកទៅសង្រ្គោះនៅមន្ទីរពេទ្យបង្អែកស្រុកចំការលើ និងបាននាំបន្តមកសង្រ្គោះនៅមន្ទីរពេទ្យបង្អែកខេត្ត ចំពោះករណីនេះគាត់សូមសមត្ថកិច្ចធ្វើការអប់រំប្តីកុំឲ្យមានការជាប់ពិរុទ្ធភាព ដោយគ្រាន់តែអប់រំ សុខចិត្តលែងលះគ្នាជាធម្មតា។
ស្រ្តីរងគ្រោះឈ្មោះ ហ៊ាន ណាន បញ្ជាក់ថា រូបគាត់ជាស្រ្តីមេម៉ាយកូន៥នាក់ យកប្តីក្រោយជាបុរសពោះម៉ាយឈ្មោះ ធឿន មានកូន៨នាក់ យកគ្នាជិត១០ឆ្នាំ ទើបបានកូនស្រីតូចម្នាក់ប៉ុណ្ណោះ ៕
ចែករំលែកព័តមាននេះ