រាជធានីភ្នំពេញ ៖ កូនភ្លោះស្រី២នាក់ បានលង់ទឹកស្រះស្លា.ប់យ៉ាងអាណោចអាធ័ម បន្ទាប់ពីពួកគេនិងកូនអ្នកភូមិម្នាក់ទៀត(រួចជីវិត) នាំគ្នាហែលទឹកយកស្នោជិះលេង បណ្តាលឱ្យលង់ស្លា.ប់ ខណៈម្តាយឪពុកជាប់រវល់ទៅធ្វើការ ។
រាជធានីភ្នំពេញ ៖ កូនភ្លោះស្រី២នាក់ បានលង់ទឹកស្រះស្លាប់យ៉ាងអាណោចអាធ័ម បន្ទាប់ពីពួកគេនិងកូនអ្នកភូមិម្នាក់ទៀត(រួចជីវិត) នាំគ្នាហែលទឹកយកស្នោជិះលេង បណ្តាលឱ្យលង់ស្លាប់ ខណៈម្តាយឪពុកជាប់រវល់ទៅធ្វើការ ។
ហេតុការណ៍នេះកើតឡើងកាលពីវេលាម៉ោង១និង៤៥នាទីរសៀលថ្ងៃទី០២ មេសា ២០១៤ ដែលស្រះទឹកនោះមានចម្ងាយពីផ្ទះប្រមាណ៥០ម៉ែត្រ ស្ថិតក្នុងភូមិតានួន សង្កាត់កំបូល ខណ្ឌពោធិ៍សែនជ័យ ។
បើតាមសេចក្តីរាយការណ៍បានឱ្យដឹងថា ក្មេងស្រីភ្លោះទាំង២នាក់ដែលស្លាប់ ម្នាក់ឈ្មោះ ឆើន ចាន់នីយ៉ា និងម្នាក់ទៀតឈ្មោះ ឆើន ចាន់ ដារ៉ា អាយុ៨ឆ្នាំ មានឪពុកឈ្មោះ ឆន ប៊ុននី អាយុ៤១ឆ្នាំ និងម្តាយឈ្មោះ លី វាសនា អាយុ៣២ឆ្នាំ ជាកម្មកររោងចក្រ ស្នាក់នៅភូមិត្រាចទោល ឃុំបែកចាន ស្រុកអង្គស្នួល និងមានស្រុកកំណើតនៅភូមិជើងឆ្នុក ឃុំតាំងក្រាំង ស្រុកបាធាយ ខេត្តកំពង់ចាម ។ កូនស្រីភ្លោះនេះជាកូនទី១ក្នុងគ្រួសារ ។
សេចក្តីរាយការណ៍បន្តថា មុនពេលកើតហេតុ ក្មេងស្រីភ្លោះទាំង២នាក់ និងអ្នកកូនអ្នកភូមិម្នាក់ទៀត បាននាំគ្នាទៅងូតទឹកស្រះ ពេលនោះពួកគេក៏បានហែលទឹកទៅយកស្នោជិះលេងនៅកន្លែងទឹកជ្រៅ ក៏បណ្តាលឱ្យលង់ស្លាប់តែម្តង ចំណែកកូនអ្នកភូមិដែលទៅជាមួយរួចផុតជីវិត ។
ចែករំលែកព័តមាននេះ