ខេត្តសៀមរាប ៖ ស្ត្រីជនជាតិវៀតណាមម្នាក់លក់គ្រឿងទេសត្រូវបានឃាតករមិនស្គាល់មុខសម្លា.ប់ដោយយកភួយខ្ទប់មុខរួចដាក់កេសស្រាបៀរសង្កត់ពីលើរហូតជះក្លិនស្អុយចេញមកក្រៅទើបមានការសង្ស័យក៏ភ្ញាក់ផ្អើលដឹងដល់សមត្ថកិច្ចកាលពីវេលាម៉ោង២និង៣០នាទីរសៀលថ្ងៃទី១ មេសា ក្នុងភូមិតាភុល សង្កាត់ស្វាយដង្គំ ក្រុងសៀមរាប ។
ខេត្តសៀមរាប ៖ ស្ត្រីជនជាតិវៀតណាមម្នាក់លក់គ្រឿងទេសត្រូវបានឃាតករមិនស្គាល់មុខសម្លាប់ដោយយកភួយខ្ទប់មុខរួចដាក់កេសស្រាបៀរសង្កត់ពីលើរហូតជះក្លិនស្អុយចេញមកក្រៅទើបមានការសង្ស័យក៏ភ្ញាក់ផ្អើលដឹងដល់សមត្ថកិច្ចកាលពីវេលាម៉ោង២និង៣០នាទីរសៀលថ្ងៃទី១ មេសា ក្នុងភូមិតាភុល សង្កាត់ស្វាយដង្គំ ក្រុងសៀមរាប ។
ខណៈពេលដែលសមត្ថកិច្ចចុះមកពិនិត្យបានធ្វើឱ្យមនុស្សម្នាដែលធ្វើដំណើរតាមផ្លូវចោមរោមមើលបណ្ដាលឱ្យកកស្ទះចរាចរណ៍ផងដែរ ។ តាមប្រភពពីឈ្មោះអ៊ុក ឌន ភេទប្រុស អាយុ៣៥ឆ្នាំ រស់នៅភូមិកើតហេតុខាងលើបានប្រាប់កោះសន្ដិភាពថា ជនរងគ្រោះជាស្ត្រីវៀតណាមនេះបានមកជួលតូបរបស់គាត់លក់ដូរបាន២ឆ្នាំហើយឈ្មោះជៀវ ពៅ ហៅអាមួយ អាយុ៣០ឆ្នាំ មានកូនស្រីម្នាក់អាយុ១០ឆ្នាំ បានទៅលេងបងស្រីឈ្មោះអាចាង ដែលមានប្ដីជាជនបរទេស ។
តាមប្រភពពីអ្នកជិតខាងដែលលក់ដូរដូចគ្នាឈ្មោះចាន់ បូរ៉ា ភេទស្រីបានប្រាប់ថា នាងបានឃើញតូបអត់ចាក់សោក៏ហៅជីតារបស់នាងមកជួយមើល ។ ពេលនោះជីតារបស់នាងយកសោថ្មីមកដាក់ថ្ពក់ពីលើដោយមិនបានបើកចូលទៅក្នុងតូបទេ ។ លុះស្អែកឡើងថ្ងៃទី៣១ មីនា នាងក៏ពុំឃើញមានការបើកតូបលក់ដូរទៀតគឺស្ងាត់ឈឹង ។ ហើយនៅពេលយប់ថ្ងៃដដែល នាងក៏ធុំក្លិនស្អុយជះចេញមកក្រៅក៏ហៅមាមីងដែលរស់នៅជិតខាងមកជួយមើល ។
អ្នកលក់ដូរជិតខាងរូបនេះបានបន្តថា ស្អែកឡើងថ្ងៃទី១ មេសា តូបលក់គ្រឿងទេសនោះនៅតែធុំក្លិនស្អុយដដែលគឺធំស្អុយរយៈពេល៣ថ្ងៃហើយ នាងក៏ហៅជីតាមកមើលទៀតក៏ឃើញសោដែលគាត់ចាក់នោះនៅដដែលរួចក្លិនក៏នៅតែស្អុយ ។ ពេលនោះជីតានាងក៏ទូរស័ព្ទទៅប៉ូលិសប៉ុស្ដិ៍ស្វាយដង្គំ ឱ្យចុះមកជួយមើលព្រោះមានការសង្ស័យ ។ ពេលសមត្ថកិច្ចប៉ុស្ដិ៍ចុះមកដល់ក៏បានទាក់ទងទៅលោកអធិការក្រុងក៏មានការចុះមកមើលរួមគ្នាព្រមទាំងឃើញមានវត្តមានលោក ជួន សុបញ្ញា ព្រះរាជអាជ្ញារងអមសាលាដំបូងខេត្តមកជាមួយផងដែរ ។
លោកវរសេនីយ៍ទោ ដួង សុខា នាយការិយាល័យនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តបានប្រាប់កោះសន្ដិភាពថា បើតាមការសន្និដ្ឋានរបស់ប៉ូលិសជំនាញបានប្រាប់ថា ស្ត្រីជនជាតិវៀតណាមនេះស្លាប់ដោយសារឃាតករយកភួយមកខ្ទប់មុខហើយមានគ្នាប្រហែលជា២ទៅ៣នាក់ទើបអាចសម្លាប់ស្ត្រីជនជាតិវៀតណាមនេះបាន ។ នគរបាលដដែលនិយាយថា បើមួយទល់នឹងមួយគឺមិនអាចសម្លាប់ស្ត្រីរូបនេះបានទេ ពីព្រោះស្ត្រីរងគ្រោះមានមាឌធំគួរសមដែរ ។ លោកបន្តថា ពេលនេះសពស្ត្រីរងគ្រោះត្រូវបាននគរបាលយកទៅបូជានៅវត្តព្រះរាជដំណាក់ដោយមិនចាំសាច់ញាតិមកទេ ព្រោះសពធុំក្លិនស្អុយខ្លាំងពេក ។
មានការសន្និដ្ឋានថា ការសម្លាប់នោះគឺជាអំពើប្លន់ដោយសារស្ត្រីរងគ្រោះបាត់បង់អស់លុយកាក់ ។ ចំពោះមុខសញ្ញាឃាតករប៉ូលិសកំពុងស្រាវជ្រាវ ។ ទោះជាបែបណាការចូលទៅសម្លាប់ក្នុងតូបនោះគឺអាចធ្វើឡើងដោយមនុស្សស្គាល់គ្នាទើបសម្លាប់បំបិទមាត់បាន ៕
ចែករំលែកព័តមាននេះ