ខេត្តកណ្តាល ៖ បុរសចំណាស់ម្នាក់ចុះងូតទឹកជាមួយកុមារីអាយុ៥ឆ្នាំឃើញឱកាសល្អបន្លំអោប និងធ្វើសកម្មភាពរំលោភរហូតបានសម្រេច កាលពីវេលាម៉ោង៩ និង៣០នាទីព្រឹក ថ្ងៃទី២ មេសា ២០១៤ នៅចំណុចកំពង់ទឹក ក្នុងទន្លេបាសាក់ ស្ថិតក្នុងភូមិព្រែកតាកេរ ឃុំកោះធំ(ខ) ស្រុកកោះធំ ហើយត្រូវសមត្ថកិច្ចឃាត់ខ្លួនតាមពាក្យបណ្តឹងឪពុក ម្តាយកុមារីរងគ្រោះកាលពីវេលាម៉ោង១១ និង៣០នាទីព្រឹក ថ្ងៃទី២ មេសា ២០១៤ ។
លោកមុយ ចាន់ពេជ្រ អធិការនគរបាលស្រុកកោះធំបានឱ្យដឹងថា ជនសង្ស័យដែលត្រូវចាប់ខ្លួនឈ្មោះឡឹង សែ ភេទប្រុស អាយុ៤១ឆ្នាំ រស់នៅភូមិ-ឃុំកើតហេតុខាងលើ។ ជននេះបើតាមការអះអាងពីអ្នកភូមិថា មានជំងឺសរសៃប្រសាទ។
លោកអធិការបានឱ្យដឹងទៀតថា មុនពេលកើតហេតុ កុមារីរងគ្រោះបានចុះងូតទឹកទន្លេបាសាក់ជាមួយកុមារាម្នាក់ទៀតអាយុ១១ឆ្នាំ ។ ពេលនោះជនសង្ស័យបានទៅកំពង់ទឹកកន្លែងក្មេងស្រីរងគ្រោះងូត ហើយបានចុះងូតទឹកនៅទីនោះដែរ លុះពេលឃើញឱកាសល្អជនសង្ស័យក៏ចាប់អោបក្មេងស្រីរងគ្រោះ និងបន្លំដាក់លិង្គចូលប្រដាប់ភេទនាង តែមិនបានស៊ីជម្រៅទេ ។ បន្ទាប់មកគេក៏យកម្រាមដៃលូកចូលប្រដាប់ភេទនាងទៀតធ្វើឱ្យក្មេងស្រីរងគ្រោះស្រែកយំ។ ឃើញដូចនោះកុមារាដែលងូតទឹកក្បែរគ្នាបានរត់ទៅប្រាប់ឪពុក ម្តាយក្មេងស្រីរងគ្រោះ។ ពេលឪពុក ម្តាយយកកូនមកពិនិត្យឃើញមានស្នាមដាច់រលាត់ត្រង់ប្រដាប់ភេទក៏ប្តឹងនគរបាលឱ្យចាប់ខ្លួនតែម្តង។
បច្ចុប្បន្នជនសង្ស័យត្រូវនគរបាលស្រុកកោះធំកសាងសំណុំរឿងដើម្បីចាត់ការតាមច្បាប់៕
ចែករំលែកព័តមាននេះ