ភាពរឹងរបស់អង្គជាតិគឺជាកត្តាចម្បងមួយនាំឱ្យបុរសទទួលបានក្តីរីករាយក្នុងជីវិតសិច ។ យ៉ាងណាក៏ដោយ ភាពរឹងនេះមិនអាចស្ថិតស្ថេរបានយូរអង្វែងឡើយ ហើយបុរសគ្រប់រូបមិនមែនសុទ្ធតែទទួលបានសំណាងបែបនេះនោះទេ ។ មានកត្តាច្រើនយ៉ាងដែលប៉ះពាល់ដល់ភាពរឹងនេះ ប៉ុន្តែ កត្តា Stress(អារម្មណ៍តានតឹង)និងកត្តាគ្រឿងស្រវឹងគឺលេចធ្លោជាងគេ ។
+ Stress(អារម្មណ៍តានតឹង)៖
Stressអាចមាននៅគ្រប់ទីកន្លែងក្នុងជីវិតមនុស្សម្នាក់ៗ ហើយវាជាឃាតកលាក់មុខដែលសម្លាប់ជីវិតសិចរបស់បុរស ។ នៅពេលបុគ្គលម្នាក់មានអារម្មណ៍ធុញថប់ខ្លាំងនិងមានកំហឹងក្នុងចិត្តជាបន្តបន្ទាប់ Stressក៏បង្ហាញវត្តមានផងដែរ ។ ក្នុងពេលដែលវាចាប់ផ្តើមគ្រប់គ្រងលើខ្លួនបុគ្គលម្នាក់ ការឆ្លើយតបមួយនៃរាងកាយក៏កើតមាន នោះគឺការបញ្ចេញអ័រម៉ូនធម្មតា មានល្បឿនយឺត ដែលជាយថាហេតុធ្វើឱ្យប៉ះពាល់ដល់អ័រម៉ូនភេទ Testosterone ។ ទន្ទឹមនឹងនេះ លំហូរឈាមទៅកាន់អង្គជាតិក៏មានល្បឿនយឺតផងដែរ បណ្តាលឱ្យភាពងើបរឹងចុះខ្សោយ ។
ដើម្បីកាត់បន្ថយនិងឈានទៅបំបាត់ Stressឱ្យអស់ពីជីវិត គេគួររក្សាចិត្តឱ្យស្រស់ស្រាយគ្រប់ពេល គ្មានកំហឹង គ្មានការគុំកួនគួបផ្សំនឹងការហាត់ប្រាណយ៉ាងតិច៣០នាទីក្នុងមួយថ្ងៃ ។
+ គ្រឿងស្រវឹង ៖
សម្រាប់បុរសភាគច្រើន ការទទួលទានស្រាបៀរឬស្រាពី១-២កែវក្នុងមួយថ្ងៃមិនធ្វើឱ្យប៉ះពាល់ដល់សុខភាពទេ ។ ប៉ុន្តែប្រសិនជាទទួលទានចាប់ពីឬច្រើនជាង៣កែវក្នុងមួយថ្ងៃសម្រាប់រយៈពេលខ្លី វានឹងក្លាយជាថ្នាំពុលខណៈសម្រាប់រយៈពេលវែង ហើយធ្វើឱ្យប៉ះពាល់ដល់ភាពរឹងរបស់អង្គជាតិ ។ ក្នុងករណីការប្រព្រឹត្តបែបនេះក្លាយជាទម្លាប់ប្រចាំថ្ងៃនិងទៀងទាត់ នោះភាពរឹងនិងការដល់កាមតម្រេករបស់អង្គជាតិអាចនឹងគ្មាន ។
សូមបញ្ជាក់ថា កម្រិតជាតិស្រវឹងច្រើនក្នុងឈាម នឹងធ្វើឱ្យប៉ះពាល់ដល់ផលិតកម្មម៉ូលេគុលនីទ្រីតអុកស៊ីដ ហើយរំខានដល់លំហូរឈាមទៅកាន់អង្គជាតិ ។ ក្រៅពីប៉ះពាល់បែបនេះ ការប្រើប្រាស់គ្រឿងស្រវឹងជោកជាំ ក៏អាចបណ្តាលឱ្យជួបគ្រោះហានិភ័យពីជំងឺ ថ្លើម សួត បេះដូងនិងជំងឺហូរឈាមក្នុងខួរក្បាលផងដែរ ។
នៅមានកត្តាចម្បងពីរផ្សេងទៀតផងដែរដែលបណ្តាលឱ្យលិង្គមិនងើបរឹង ។ កត្តាទាំងនោះមានដូចជា ការវិវឌ្ឍនៃវ័យអាយុរបស់បុគ្គល(អាយុកាន់តែចាស់)និងបញ្ហាប្រព័ន្ធផ្លូវដង្ហើមដែលបណ្តាលឱ្យបុរសស្រមុកខ្លាំងពេលកំពុងលង់លក់ក្នុងដំណេក ។
១ – កត្តាវិវឌ្ឍរបស់វ័យ ៖
ស្ថិតក្នុងវ័យពេញកម្លាំង ភាពរឹងនៃអង្គជាតិបុរសអាចកើតឡើងភ្លាមៗនៅទីកន្លែងនិងពេលវេលាណាមួយក៏បាន ដោយគ្រាន់តែយកអារម្មណ៍គិតពីនារីស្អាតម្នាក់ប៉ុណ្ណោះ ។ បុរសមួយចំនួនតែងជួបភាពអាម៉ាស់ខណៈអង្គជាតិរបស់គេងើបរឹងឆ្កិលនៅចំពេលនិងទីកន្លែងមិនសមគួរមានដូចជា ក្នុងចំណោមហ្វូងមនុស្ស ខណៈកំពុងឈរលើវេទិកាទទួលបានរង្វាន់អ្វីមួយឬសន្ទនាជាមួយស្រ្តីជាដើម ។
ពេលវេលាកន្លងផុតទៅ អ្វីគ្រប់យ៉ាងលើរាងកាយ ក្នុងនោះរួមទាំងចិត្តគំនិតនិងអង្គជាតិផងដែរបានផ្លាស់ប្តូរទាំងអស់ ។ ស្ថិតក្នុងវ័យ២១ឆ្នាំ អង្គជាតិបុរសរឹងមិនខុសពីដែកថែប ។ វាមានកម្លាំងដ៏ខ្លាំង និងកម្រើកបះឆ្កឹងឡើងលើពេលរឹងដល់កម្រិត ។ តែពេលចូលដល់វ័យ៤០ឆ្នាំឡើងទៅ អ្វីទាំងនេះបានផ្លាស់ប្តូរ ។ បើទោះណាអង្គជាតិនៅតែរឹង ប៉ុន្តែកម្លាំងរបស់វាមិនដូចជា២០ឆ្នាំមុនឡើយ ។ ពេលរឹងដល់កម្រិតក៏មិនអាចបះស្មើនឹងពេលមុននោះទេ ហើយអាចល្អៀងទៅម្ខាងទៀតផង ។ មូលហេតុនេះ ត្រូវបានក្រុមអ្នកឯកទេសអះអាងថា បណ្តាលមកពីការធ្លាក់ចុះនៃអ័រម៉ូនភេទ Testosterone ។ កម្រិតអ័រម៉ូនភេទ Testosterone ចាប់ផ្តើមធ្លាក់ចុះបន្តិចនៅពេលបុរសមានវ័យចាប់ពី៤០ឆ្នាំឡើងទៅ ។
ទោះជាយ៉ាងនេះក្តី បុរសនៅអាចកែកុនបញ្ហានេះបានដោយការផ្លាស់ប្តូរបែបបទនៃការរស់នៅ ទទួលទានចំណីអាហារដែលផ្តល់នូវថាមពល និងការហាត់ប្រាណជាដើម ។
២- កត្តាបញ្ហាប្រព័ន្ធផ្លូវដង្ហើម (Sleep apnea)
ជាភាពច្របូកច្របល់នៃប្រព័ន្ធផ្លូវដង្ហើមដែលប៉ះពាល់ទៅលើបុរសពេញវ័យពី៤%ទៅ៩% ។ សញ្ញាដ៏សាមញ្ញរបស់វាគឺបុរសដេកស្រម៉ុកឮៗហើយដកដង្ហើមដាច់ៗចំពេលដែលសំឡេងស្រមុកមិនឮសូរ ។ វាកើតជាច្រើនដងក្នុងដំណេកមួយយប់ៗ ៕
ចែករំលែកព័តមាននេះ