ដូចពាក្យចាស់ថា «ធ្វើល្អ បានល្អ» ។ លោក ម៉ាត់ ព្រហស្បត្តិ៍ កសិករនៅក្រុងសៀមរាបម្នាក់ទៀតហើយដែលមានឪពុកទើបចេញពីធ្វើបុណ្យនៅឯវត្ត បានទិញភេសជ្ជៈប៉ូវកម្លាំង វើក (WURKZ) ៥ កំប៉ុងចែកកូនៗ ហើយបានគាស់ត្រូវរង្វាន់ ៤០លានរៀល ។
លោក ព្រហស្បត្តិ៍ បញ្ជាក់ថា៖ «ពុកខ្ញុំតែងតែពិសាភេសជ្ជៈប៉ូវកម្លាំង វើក (WURKZ) ជាប្រចាំ ។ ហើយថ្ងៃឈ្នះរង្វាន់ហ្នឹង គឺពេលគាត់ចេញពីវត្តភ្លាម គាត់ទិញវើក WURKZ ៥ កំប៉ុងហុចចែកកូនៗ ហើយអាកំប៉ុងចុងក្រោយគាត់គាស់ពិសាខ្លួនឯង ស្រាប់តែគាត់ឃើញលេខ ៤ ក្នុងក្រវិលកំប៉ុង ។ ភ្នែកគាត់អត់ច្បាស់ គាត់ក៏រត់ទៅសួរប្រពន្ធខ្ញុំឱ្យជួយពិនិត្យមើល ប្រពន្ធខ្ញុំថា ត្រូវ ៤០លានហើយ ។ ឮហើយមួយគ្រួសារនាំគ្នាហ៊ោពេញផ្ទះតែម្តងឡើងផ្អើលអ្នកជិតខាង» ។
លោក ព្រហស្បត្តិ៍ បន្តថា៖ «ទឹកប្រាក់ដែលទទួលបាននឹងប្រគល់ឱ្យឪពុកខ្ញុំទាំងអស់ ព្រោះរង្វាន់នេះកើតចេញពីសទ្ធារបស់គាត់ផ្ទាល់ ។ ណាមួយគាត់ចាស់ហើយ ចង់យកលុយធ្វើបុណ្យសន្សំកុសល»៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ