របាយការណ៍នៃការស្រាវជ្រាវថ្មីចំនួន២បានបង្ហាញថា បុគ្គលដែលលេបថ្នាំគ្រាប់ជំនួយខ្លាញ់ត្រីអូមេហ្គា-៣ជាប្រចាំដើម្បីធ្វើឱ្យល្អប្រសើរដល់សុខភាពបេះដូងអាចនឹងខកបំណង ដ្បិតទង្វើនោះទំនងជាមិនបានផ្តល់ផលប្រយោជន៍អ្វីឡើយ ។
របាយការណ៍ដដែលបានបង្ហាញទៀតថា អាស៊ីតខ្លាញ់អូមេហ្គា-៣នៅក្នុងថ្នាំគ្រាប់ខ្លាញ់ត្រីមិនបានផ្តល់នូវកិច្ចការពារពិសេសណាមួយប្រឆាំងនឹងជំងឺបេះដូងនោះទេ បើប្រៀបធៀបជាមួយនឹងប្រភេទខ្លាញ់ដទៃទៀតដែលបានមកពីរបបអាហារទទួលទានប្រចាំថ្ងៃ។
វេជ្ជបណ្ឌិត Rajiv Chowdhury អ្នកដឹកនាំការសិក្សាព្រមទាំងសហការីរបស់ខ្លួនមកពីសាកលវិទ្យាល័យ University of Cambridgeបានថ្លែងថា ៖«ពិនិត្យមើលឡើងវិញនូវលទ្ធផលពិសោធន៍កន្លងមកចំនួន១៧ ជាពិសេសការពិសោធដែលមានទ្រង់ទ្រាយធំនិងទើបកន្លងទៅថ្មីៗមិនបានបង្ហាញឱ្យឃើញពីប្រសិទ្ធភាពជាដុំកំភួនរបស់ថ្នាំគ្រាប់ខ្លាញ់ត្រីអូមេហ្គា-៣ទៅលើជំងឺបេះដូងនោះទេ ។ ឯការសិក្សាខ្លះគឺគ្មានសោះតែម្តង »។
ចុះផ្សាយនៅក្នុងព្រឹត្តិបត្រ Annals of Internal Medicine ក្រុមអ្នកស្រាវជ្រាវបានបញ្ជាក់ជារួមថា ផ្អែកលើការពិនិត្យសើរើឡើងវិញនិងវិភាគលើលទ្ធផលមុនៗគឺមានតែប្រភេទខ្លាញ់មិនឆ្អែតប៉ុណ្ណោះដែលផ្តល់ផលអវិជ្ជមានចំពោះសុខភាពបេះដូង ។
ចំណែកការសិក្សាទី២ដែលធ្វើលើមនុស្ស ១១០០នាក់បង្ហាញថា អ្នកដែលប្រើប្រាស់អាស៊ីតខ្លាញ់អូមេហ្គា-៣ក្នុងរូបភាពជាថ្នាំគ្រាប់ ហានិភ័យកើតមានជំងឺបេះដូង ជំងឺដាច់សរសៃឈាមខួរក្បាលឬជំងឺខ្សោយបេះដូង មិនបានថយចុះនោះឡើយ ៕
ចែករំលែកព័តមាននេះ