ខ្លាញ់ ឬប្រេងដែលយើងទទួលទាន វាតែងស្រូបចូលក្នុងឈាមដូចស្ករដែរ ។ ទាក់ទិនករណីនេះ លោកសាស្ត្រាចារ្យមហាបរិញ្ញាវេជ្ជបណ្ឌិត សេង សេរី ឯកទេសជំងឺទឹកនោមផ្អែម នៃមន្ទីរពេទ្យព្រះកុសុមៈ បានប្រាប់កោះសន្តិភាពថា ខ្លាញ់ក្នុងសរសៃឈាម គេចែកជាបីប្រភេទសំខាន់ៗ ៖
ខ្លាញ់ ឬប្រេងដែលយើងទទួលទាន វាតែងស្រូបចូលក្នុងឈាមដូចស្ករដែរ ។ ទាក់ទិនករណីនេះ លោកសាស្ត្រាចារ្យមហាបរិញ្ញាវេជ្ជបណ្ឌិត សេង សេរី ឯកទេសជំងឺទឹកនោមផ្អែម នៃមន្ទីរពេទ្យព្រះកុសុមៈ បានប្រាប់កោះសន្តិភាពថា ខ្លាញ់ក្នុងសរសៃឈាម គេចែកជាបីប្រភេទសំខាន់ៗ ៖
១-កូលេស្តេរុល (Cholesterol) ដែលជួយការពារជំងឺបេះដូង សរសៃឈាម ហៅថា HDL Cholesterol ឬកូលេស្តេរុលល្អ ឬក៏កូលេស្តេរុលមានប្រយោជន៍ ដោយសារតែវាមានលក្ខណៈ និងគុណសម្បត្តិទ្រទ្រង់សុខភាពយើង ហើយភាគច្រើនមនុស្សយើងតែងតែចង់បានកូលេស្តេរុលប្រភេទនេះ ច្រើននៅក្នុងឈាម ។ អាហារដែលមានជាតិប្រេងពីរុក្ខជាតិ និងការធ្វើលំហាត់ប្រាណ តែងជួយឱ្យកូលេស្តេរុលប្រភេទនេះក្នុងឈាមកើនឡើងលើសពីធម្មតា ។
២-កូលេស្តេរុលដែលមានឈ្មោះ អិលឌីអិល (LDL Cholesterol) កូលេស្តេរុលប្រភេទនេះ កាលណាអត្រាក្នុងឈាមកើនឡើងច្រើន វាតែងបង្កឱ្យកើតមានជំងឺបេះដូង សរសៃឈាម គេឱ្យឈ្មោះថា កូលេស្តេរុលអាក្រក់ កាលណាអត្រាវាឡើងខ្ពស់ក្នុងឈាម គ្រូពេទ្យធ្វើការព្យាបាលឱ្យចុះមកវិញក្នុងកម្រិតក្រោម១៥០មិល្លីក្រាម ក្នុងមួយដេសុីលីត្រ ។ ចំណីអាហារដែលបានមកពីខ្លាញ់សត្វ លើកលែងតែត្រី និងការកង្វះលំហាត់ប្រាណតែងធ្វើឱ្យកូលេស្តេរុលប្រភេទនេះមានច្រើននៅក្នុងឈាម ។
៣-ខ្លាញ់មួយប្រភេទទៀតមានឈ្មោះថា ទ្រីគ្លីសីរីត (Try glyceride) គឺជាប្រភេទខ្លាញ់អាក្រក់អាចបង្កគ្រោះថ្នាក់ដល់បេះដូង សរសៃឈាម ជួនកាលធ្វើឱ្យរលាកលំពែងធ្ងន់ធ្ងរថែមទៀត ។ ខ្លាញ់ប្រភេទនេះ តែងកើតមានច្រើនលើអ្នកជំងឺទឹកនោមផ្អែមជាងមនុស្សធម្មតា ។
តាមការសិក្សាស្រាវជ្រាវថ្មី បានឱ្យដឹងថា អ្នកជំងឺបេះដូងដែលបានទទួលទានផ្លែក្រូចថ្លុងអស់មួយផ្លែក្នុងមួយថ្ងៃ អាចកាត់បន្ថយកូលេស្តេរុលក្នុងឈាមបានមួយចំនួន បើប្រៀបធៀបទៅនឹងអ្នកដែលមិនបានទទួលទាន ។ តាមការសិក្សារបស់អាមេរិកបានឱ្យដឹងថា ផ្លែក្រូចថ្លុងមានសារធាតុម្យ៉ាងអាចជួួយព្យាបាល និងការពារជំងឺមហារីកបាន ។ ក្រៅពីនេះ វាមានសារធាតុជួយកម្ចាត់នូវពពួករ៉ាឌីកាល់សេរី ដែលធ្វើឱ្យមានជំងឺរ៉ាំរ៉ៃមួយចំនួនបានថែមទៀតផង ៕
ចែករំលែកព័តមាននេះ