ក្រុមអ្នកស្រាវជ្រាវនៅប្រទេសហូឡង់បានអះអាងថា សូកូឡាពណ៌ខ្មៅមានប្រសិទ្ធភាពជួយកាត់បន្ថយហានិភ័យត្បៀតសរសៃឈាមក្រហម ។ ការសិក្សាលើបុរសធាត់ប្រមាណ៤០នាក់អាយុចន្លោះពី៤៥ឆ្នាំទៅ៧០ឆ្នាំ បានរកឃើញថា ភាពទន់យឺតរលាស់នៃសរសៃឈាមអាក់ទែររបស់អ្នកដែលទទួួលទានសូកូឡាត្រូវបានជួយឱ្យប្រសើរឡើងវិញ ។ បន្ថែមពីលើនេះទៀត បណ្តាកោសិកាឈាមស
ក្រុមអ្នកស្រាវជ្រាវនៅប្រទេសហូឡង់បានអះអាងថា សូកូឡាពណ៌ខ្មៅមានប្រសិទ្ធភាពជួយកាត់បន្ថយហានិភ័យត្បៀតសរសៃឈាមក្រហម ។ ការសិក្សាលើបុរសធាត់ប្រមាណ៤០នាក់អាយុចន្លោះពី៤៥ឆ្នាំទៅ៧០ឆ្នាំ បានរកឃើញថា ភាពទន់យឺតរលាស់នៃសរសៃឈាមអាក់ទែររបស់អ្នកដែលទទួួលទានសូកូឡាត្រូវបានជួយឱ្យប្រសើរឡើងវិញ ។ បន្ថែមពីលើនេះទៀត បណ្តាកោសិកាឈាមសរបស់គេក៏ត្រូវបានទប់ស្កាត់មិនឱ្យជាប់ស្អិតនឹងផ្ទៃជញ្ជាំងសរសៃឈាមផងដែរ ។
នេះមានន័យថា ការត្បៀតសរសៃឈាមឬការឡើងរឹងនៃសរសៃឈាមដោយសារការពូនផ្តុំខ្លាញ់កូឡេស្តេរ៉ូលនិងសារធាតុផ្សេងទៀត អាចត្រូវបានវាយបំបែកទៅជាបំណែកតូចៗដោយការប្រើប្រាស់សូកូឡាពណ៌ខ្មៅទៀងទាត់ ។
អំឡុងការពិសោធដែលមានរយៈពេលមួយខែ ក្រុមអ្នកចូលរួមតម្រូវឱ្យទទួលទានសូកូឡា៧០ក្រាមក្នុងមួយថ្ងៃ ។ បើទោះបីជាក្រុមមួយ ទទួលទានសូកូឡាខ្មៅទៀងទាត់ខណៈក្រុមមួយផ្សេងទៀតទទួលទានផលិតផលសូកូឡាពិសេស ដែលមានកម្រិត flavanols ខ្ពស់ ប៉ុន្តែលទ្ធផលគឺមិនភាពខុសគ្នាឡើយ ។
សាស្ដ្រាចារ្យ Diederik Esser មកពីសាកលវិទ្យាល័យ Wageningen University ប្រទេសហូឡង់បានថ្លែងថា៖«យើងបានផ្តល់ជូននូវអត្ថប្រយោជន៍ថ្មីនៃការប្រើប្រាស់សូកូឡាចំពោះ សុខភាពបេះដូងនិងបង្ហាញថា ការបង្កើនបរិមាណសមាសធាតុ flavanols មិនបានបន្ថែមប្រសិទ្ធភាពនៃការប្រើប្រាស់សូកូឡាទៅលើសុខភាពបេះដូងនោះឡើយ »។ លោកសាស្ត្រាចារ្យបានបន្ថែមថា ៖«ទោះជាយ៉ាងណា ការបង្កើនកម្រិតសមាសធាតុ flavanols នេះគឺបានធ្វើឱ្យប៉ះពាល់ដល់រសជាតិ ហើយបញ្ហានេះក៏ជាការលើកទឹកចិត្តឱ្យមានការទទួលទានសូកូឡាទាំងនេះផងដែរ ។ ដូច្នេះ ពណ៌ខ្មៅរបស់សូកូឡាគឺជាផ្នែកមួយដែលផ្តល់នូវអត្ថប្រយោជន៍ចំពោះសុខភាព»៕
ចែករំលែកព័តមាននេះ