រាជធានីភ្នំពេញ ៖ សិស្សប្រលងជាប់សញ្ញាប័ត្រមធ្យមសិក្សាទុតិយភូមិទទួលបាននិទ្ទេស A ក្នុងខណ្ឌច្បារអំពៅចំនួន៨នាក់ ទទួលជួបសំណេះសំណាលជាមួយលោក ចេង មុនីរ៉ា អភិបាលខណ្ឌច្បារអំពៅ និងទទួលបានរង្វាន់លើកទឹកចិត្តជាកំព្យូទ័រ…
រាជធានីភ្នំពេញ ៖ សិស្សប្រលងជាប់សញ្ញាប័ត្រមធ្យមសិក្សាទុតិយភូមិទទួលបាននិទ្ទេស A ក្នុងខណ្ឌច្បារអំពៅចំនួន៨នាក់ ទទួលជួបសំណេះសំណាលជាមួយលោក ចេង មុនីរ៉ា អភិបាលខណ្ឌច្បារអំពៅ និងទទួលបានរង្វាន់លើកទឹកចិត្តជាកំព្យូទ័រ ឡេបថបម្នាក់មួយគ្រឿងផងដែរ នាវេលាព្រឹកថ្ងៃទី១៦ ខែកញ្ញានេះ នៅក្នុងសាលប្រជុំរបស់សាលាខណ្ឌច្បារអំពៅផ្ទាល់តែម្តង ។
ក្នុងការជួបសំណេះសំណាលនោះលោកអភិបាលខណ្ឌបានមានប្រសាសន៍ធ្វើការកោតសសើរ និងលើកទឹកចិត្តខ្ពស់ចំពោះសមត្ថភាពរបស់ប្អូនទាំង៨នាក់ខាងលើក្នុងការខិតខំប្រឹងប្រែងរៀនសូត្ររហូតប្រលងជាប់បាននិទ្ទេសA ដែលជាលទ្ធិផលល្អបំផុតសម្រាប់សិស្សពូកែ ។
លោកអភិបាលខណ្ឌបន្តថា ប្អូនៗទាំងអស់គ្នា គឺជានិមិត្តរូបរបស់ខណ្ឌសម្រាប់ក្មួយៗជំនាន់ក្រោយយកធ្វើជាគំរូ និងរៀនសូត្រតាម ដើម្បីអភិវឌ្ឈន៍សមត្ថភាពខ្លួនឱ្យរៀនពូកែដូចពួកប្អូន ។ មិនត្រឹមតែប៉ុណ្ណោះ ប្អូនៗ គឺជាធនធានមនុស្សដែលសង្គមត្រូវការបំផុត ដូច្នេះហើយសូមប្អូនៗ និងក្មួយត្រូវប្រឹងប្រែងរៀនសូត្របន្តនៅថ្នាក់មហាវិទ្យាល័យ ដើម្បីលើកមុខមាត់ និងកិត្តិយសរបស់គ្រួសារក៏ដូចជា សង្គមជាតិទៅមុខបន្តទៀត ៕ កែសម្រួលដោយ ៖ សុឃាក់
ចែករំលែកព័តមាននេះ