រាជធានីភ្នំពេញ ៖ អ្នកចាត់ការទូទៅរបស់ផលិតកម្មថោន លោក មាស សុខរតនៈ បានសម្តែងការភ្ញាក់ផ្អើលក្នុងពេលដែលលោកបានលឺសារព័ត៌មានផ្សាយពីការហាមឃាត់របស់ក្រសួងព័ត៌មាន ក្នុងគម្រោងស្នើសុំដល់ស្ថានីយវិទ្យុ និងទូរទស្សន៍មិនឲ្យចាក់ផ្សាយនូវបទចម្រៀងចូលឆ្នាំរបស់ផលិតកម្មលោក។
រាជធានីភ្នំពេញ ៖ អ្នកចាត់ការទូទៅរបស់ផលិតកម្មថោន លោក មាស សុខរតនៈ បានសម្តែងការភ្ញាក់ផ្អើលក្នុងពេលដែលលោកបានលឺសារព័ត៌មានផ្សាយពីការហាមឃាត់របស់ក្រសួងព័ត៌មាន ក្នុងគម្រោងស្នើសុំដល់ស្ថានីយវិទ្យុ និងទូរទស្សន៍មិនឲ្យចាក់ផ្សាយនូវបទចម្រៀងចូលឆ្នាំរបស់ផលិតកម្មលោក។ លោក មាស សុខរតនៈ បានចាត់ទុកព័ត៌មានមួយនេះថា ជាការភ្ញាក់ផ្អើលមួយសម្រាប់ផលិតកម្មរបស់លោក ក្នុងពេលដែលផលិតកម្មបានខិតខំផលិតបទចម្រៀងដែលជាស្នាដៃខ្លួនឯងសម្រាប់ផ្តល់ការកម្សាន្តដល់ប្រជាពលរដ្ឋនៅក្នុងឱកាសបុណ្យចូលឆ្នាំប្រពៃណីខ្មែរនាពេលខាងមុខនេះ។
ការអះអាងរបស់លោក មាស សុខរតនៈ ពេលនេះធ្វើឡើងបន្ទាប់ពីសារព័ត៌មានអេឡិចត្រូនិចនៅក្នុងស្រុកមួយបានធ្វើការចុះផ្សាយនូវព័ត៌មានដ៏គួរឲ្យភ្ញាក់ផ្អើលដែលបានបញ្ជាក់ថា ក្រសួងព័ត៌មាននឹងចេញបម្រាមដល់បណ្ដាស្ថានីយវិទ្យុ និងទូរទស្សន៍នៅក្នុងស្រុកទាំងអស់ មិនឲ្យចាក់ផ្សាយបទចម្រៀងវ៉ុលចូលឆ្នាំរបស់ផលិតកម្មTown នោះទេ បន្ទាប់ពីទទួលរងការរិះគន់ពីមហាជនមួយចំនួននាពេលកន្លងមក។
ឆ្លើយតបបញ្ហាខាងលើនេះអ្នកចាត់ការទូទៅក្នុងផលិតកម្ម Town លោក មាស សុខរតនៈ បានអះអាងប្រាប់កោះសន្តិភាពតាមទូរស័ព្ទនៅថ្ងៃទី២៥ មីនា ថា បម្រាមនេះផលិតកម្មរបស់លោកនៅមិនទាន់បានទទួលពីក្រសួងព័ត៌មាននៅឡើយទេ ពោលគឺលោកបានលឺតែសារព័ត៌មានចុះផ្សាយប៉ុណ្ណោះ។
ចែករំលែកព័តមាននេះ