រាជធានីភ្នំពេញ ៖ បន្ទាប់ពីរៀបការជាមួយស្វាមី ជនជាតិហូឡង់ តាំងពីឆ្នាំ២០១១មក ពេលនេះអ្នកនាងទូច ស្រីលក្ខណ៍ ពពោះកូនដំបូងដូចបំណងហើយ។ នាងបានប្រកាសជាចំហថា កូនក្នុងផ្ទៃរបស់នាងជាង៥ខែហើយ និងមានគម្រោងចេញទៅសម្រាលកូននៅប្រទេសកំណើតរបស់ប្តី ។ទូច ស្រីលក្ខណ៍ តារានិយមតែងខ្លួនឆើតឆាយរូបនេះ ទោះជាមានផ្ទៃពោះក្តី នៅតែឡើងច្រៀង ឡើង
រាជធានីភ្នំពេញ ៖ បន្ទាប់ពីរៀបការជាមួយស្វាមី ជនជាតិហូឡង់ តាំងពីឆ្នាំ២០១១មក ពេលនេះអ្នកនាងទូច ស្រីលក្ខណ៍ ពពោះកូនដំបូងដូចបំណងហើយ។ នាងបានប្រកាសជាចំហថា កូនក្នុងផ្ទៃរបស់នាងជាង៥ខែហើយ និងមានគម្រោងចេញទៅសម្រាលកូននៅប្រទេសកំណើតរបស់ប្តី ។ទូច ស្រីលក្ខណ៍ តារានិយមតែងខ្លួនឆើតឆាយរូបនេះ ទោះជាមានផ្ទៃពោះក្តី នៅតែឡើងច្រៀង ឡើងសម្តែងតាមទូរទស្សន៍ដដែល គឺមិនសម្ងំថែខ្លួននៅផ្ទះទេ ។
ក្នុងជំនួបជាមួយអ្នកនាងទូច ស្រីលក្ខណ៍ ពេលចូលរួមក្នុងកម្មវិធី «តន្ត្រីប៉ុស្តិ៍លេខ៥ ឆ្នាំ២០១៤» កាលពីថ្ងៃសៅរ៍ ទី២២ មីនា នាងបានរៀបរាប់ឱ្យដឹងថា នាងដឹងខ្លួនថាពពោះតាំងពីមុនថ្ងៃរៀបការរបស់តារាសម្តែង គីម លីហ្សា ម៉្លេះ ។ អំឡុងពេលនោះនាងពពោះបានជាង១ខែហើយ ។ ពេលនោះនាងមិនទាន់ហ៊ានប្រកាសប្រាប់គេឯង ពិសេសអ្នកសារព័ត៌មានទេ ព្រោះខ្លាចមិនប្រាកដ ។ ទោះជាយ៉ាងណាក្តី នាងប្រយ័ត្នប្រយែងខ្លួន មិនហ៊ានធ្វើអ្វីធ្ងន់ ឬលេងសើចហួសហេតុដូចមុនឡើយ ។ ទើបតែពេលនេះ ដែលនាងប្រាប់មហាជនទូទៅឱ្យបានដឹង ព្រោះកូនក្នុងផ្ទៃចេះតែដំណើរការទៅមុខ និងពោះរបស់នាងកាន់តែរីក ធំទៅៗ ។
តារាដែលត្រៀមខ្លួនធ្វើជាម្តាយគេរូបនេះនិយាយថា នាងឱ្យគ្រូពេទ្យពិនិត្យសុខភាពជាប្រចាំតាមការកោះអញ្ជើញ ដើម្បីតាមដានសុខភាពទាំងម្តាយ និងកូន ។ នាង និងកូនមានសុខភាពល្អប្រសើរទាំងអស់គ្នាទេ ហើយគ្រូពេទ្យប្រាប់ថា អាចបន្តសម្តែងបាន ។ ការសម្តែងប្រៀបដូចការហាត់ប្រាណ ព្រោះអ្នកពពោះគេមិនឱ្យនៅស្ងៀមពេកទេ គឺឱ្យធ្វើនេះ ធ្វើនោះដើម្បីសម្រាលកូនបានស្រួល ។ ម៉្លោះហើយស្រីលក្ខណ៍ សប្បាយចិត្តដែលអាចនៅបន្តពេលវេលាសម្តែងបានយូរទៀតជូនអ្នកដែលស្រឡាញ់ចូលចិត្តនាងទស្សនាកម្សាន្ត ។ ទោះជានាងពពោះក្តី តែស្រីលក្ខណ៍ អះអាងថា អ្នកគាំទ្រនៅតែចង់ឃើញនាងសម្តែង ដែលនេះហើយជាការផ្តល់កម្លាំងចិត្តឱ្យនាងចូលរួមបម្រើវិស័យសិល្បៈ ។
អ្នកនាងទូច ស្រីលក្ខណ៍ មានផែនការដកថយពីទីលានសិល្បៈ មុនពេលនាងសម្រាលកូនមួយខែ ។ នាងត្រៀមខ្លួនឆ្លងទន្លេកូនប្រុសទីមួយ នៅពាក់កណ្តាលខែកក្កដា ។ បើតាមគម្រោងនាងនឹងជិះយន្តហោះទៅប្រទេសហូឡង់ជាមួយស្វាមី មុនឆ្លងទន្លេមួយខែ ដើម្បីសម្រាលកូននៅទីនោះតាមការស្នើសុំពីសាច់ញាតិខាងប្តី ដែលកំពុងតែនៅរង់ចាំឃើញនាង និងស្វាមីនៅ ទីនោះ ។ ពេលនាងទៅឆ្លងទន្លេនៅផ្ទះខាងប្តីនោះ បងប្អូនរបស់នាងមួយចំនួននឹងទៅតាមមើលថែនាងដែរ ។
ទូច ស្រីលក្ខណ៍ មានប្រភពដើមជាអ្នកចម្រៀង តែបានវិវឌ្ឍខ្លួនជាតារាបង្ហាញម៉ូដ និងតារាសម្តែងថែមទៀត ៕
ចែករំលែកព័តមាននេះ