ក្តីស្រលាញ់ជាធាតុផ្សំសំខាន់សម្រាប់អាជីវកម្មដែលជោគជ័យ
អ្នកស្រី Cheryl Snapp Conner ដែលជានាយកប្រតិបត្តិរបស់ក្រុមហ៊ុន SnappConner PR បានចែករំលែកលើទស្សនាវដ្តី Forbes កាលពីដើមខែកញ្ញាឆ្នាំ…
អ្នកស្រី Cheryl Snapp Conner ដែលជានាយកប្រតិបត្តិរបស់ក្រុមហ៊ុន SnappConner PR បានចែករំលែកលើទស្សនាវដ្តី Forbes កាលពីដើមខែកញ្ញាឆ្នាំ…
អ្នកស្រី Cheryl Snapp Conner ដែលជានាយកប្រតិបត្តិរបស់ក្រុមហ៊ុន SnappConner PR បានចែករំលែកលើទស្សនាវដ្តី Forbes កាលពីដើមខែកញ្ញាឆ្នាំ ២០១៩ កន្លងមកថា ក្តីស្រលាញ់ដែលបង្ហាញដាក់បុគ្គលិក អតិថិជន ផលិតផលរបស់ក្រុមហ៊ុន និងការឈ្នះជាធាតុផ្សំសំខាន់ក្នុងអាជីវកម្ម ។ ក្តីស្រលាញ់ប្រៀបបានជាការវិនិយោគមួយដែលបង្កើតបានផលចំណេញទាំងរយៈពេលខ្លី និងរយៈពេលវែងទៅមុខ ហើយខាងក្រោមនេះគឺជាក្តីស្រលាញ់ដែលអាជីវករគួរតែវិនិយោគក្នុងផ្នែកផ្សេងៗដើម្បីទទួលបានភាពជោគជ័យក្នុងអាជីវកម្មរបស់ពួកគេ ៖
១. ធ្វើអ្វីដែលអ្នកស្រលាញ់ដើម្បីមនុស្សដទៃ៖ ពេលដែលក្តីស្រលាញ់ក្លាយជារចនាសម្ព័ន្ធរបស់ស្ថាប័នការងាររបស់អ្នក បុគ្គលិក និងអតិថិជនរបស់អ្នកនឹងទទួលបានការឲ្យតម្លៃ និងធ្វើឲ្យពួកគេស្មោះត្រង់ មានភាពច្នៃប្រឌិត និងមានកម្លាំងចិត្តផងដែរ ។ មានន័យថា ពេលដែលបុគ្គលិកត្រូវបានឲ្យតម្លៃ ក្រុមហ៊ុនមានភាគរយកច្រើនក្នុងការបង្កើតផលិតផល ឬសេវាកម្មដែលអតិថិជនពេញចិត្ត ។ ជាលទ្ធផលអតិថិជនផ្តល់ជាសំណងដល់ក្រុមហ៊ុនវិញជាមួយនឹងភាពស្មោះត្រង់ ឬថវិកាជាដើម ។
២. ផ្តល់សេវា ឬផលិតផលដែលអតិថិជនត្រូវការ៖ ពេលខ្លះអតិថិជនមិនតែងតែត្រូវរហូតទេ ហើយអ្នកគួរយល់ពីភាពខុសគ្នារវាងការផ្តល់អ្វីដែលអតិថិជនត្រូវការ និងអ្វីដែលពួកគេចង់បាន ។ ពេលខ្លះអ្វីដែលពួកគេចង់បាន និងត្រូវការខុសពីអ្វីដែលពួកគេទាមទារថែមទៀត ។ ដូច្នេះតើអ្នកគួរធ្វើដូចម្តេចក្នុងករណីនេះ? អ្នកស្រីបានបន្តឲ្យដឹងថា ក្តីស្រលាញ់ក្នុងករណីនេះអាចមានទម្រង់ជាការផ្តល់យោបល់ ឬផលិតផល និងសេវាដែលមនុស្សត្រូវការមុនពេលពួកគេដឹងថាពួកគេចង់បានវា ។ ឧទាហរណ៍ដូចជាក្រុមហ៊ុន Apple ជាដើម ។ ក្រុមហ៊ុននេះបង្កើតស្មាតហ្វូនទាំងមុនពេលមនុស្សគិតថាពួកគេចង់បានស្មាតហ្វូនទៅទៀត ។
ទម្រង់នៃក្តីស្រលាញ់មួយទៀតដែលអ្នកអាចផ្តល់ជូនអតិថិជនបានគឺការជួយផ្តល់ទីប្រឹក្សា និងវែកញែកដល់អតិថិជន ។ មានករណីជាច្រើនដែលអតិថិជនមិនយល់ច្បាស់ពីស្ថានការណាមួយ ឬហានិភ័យដែលពាក់ព័ន្ធឡើយ ។
ដូច្នេះក្នុងនាមជាអ្នកជំនាញ អ្នកគួរតែវែកញែក និងជួយឲ្យអតិថិជនយល់ពីអ្វីដែលពួកគេចង់បាន និងត្រូវការមុនពេលធ្វើការសម្រេចចិត្តឲ្យបានច្បាស់លាស់ ។ ពេលដែលអ្នកផ្តល់ក្តីស្រលាញ់ក្នុងទម្រង់ទាំងនេះដល់អតិថិជនរបស់អ្នក វាជួយបង្កើនជំនឿចិត្ត និងធ្វើឲ្យពួកគេបន្តគាំទ្រអាជីវកម្មរបស់អ្នកនៅថ្ងៃមុខទៀត ៕ កែសម្រួលដោយ ៖ សុឃាក់
ចែករំលែកព័តមាននេះ