រាជធានីភ្នំពេញ ៖ ក្រុមហ៊ុនឆ្នោតមហាសំណាង បានប្រគល់រង្វាន់ជូនអតិថិជនដែលបានឈ្នះទឹកប្រាក់រហូតដល់៤០លានរៀល ពីឆ្នោតកោសឈ្មោះថា ឃ្មុំមាស ។ រង្វាន់នេះ ត្រូវបានប្រគល់ជូនអតិថិជនកាលពីរសៀលថ្ងៃទី ០៩…
រាជធានីភ្នំពេញ ៖ ក្រុមហ៊ុនឆ្នោតមហាសំណាង បានប្រគល់រង្វាន់ជូនអតិថិជនដែលបានឈ្នះទឹកប្រាក់រហូតដល់៤០លានរៀល ពីឆ្នោតកោសឈ្មោះថា ឃ្មុំមាស ។ រង្វាន់នេះ ត្រូវបានប្រគល់ជូនអតិថិជនកាលពីរសៀលថ្ងៃទី ០៩ កញ្ញា ២០១៩ នៅការិយាល័យកណ្ដាល ក្រុមហ៊ុនមហាសំណាង ផ្លូវមុនីវង្ស ។ អតិថិជនដែលឈ្មោះ រង្វាន់ធំរហូតដល់៤០លានរៀលនេះ មានឈ្មោះថា ទូច លាភី រស់នៅផ្ទះលេខ ៣៧ ផ្លូវ ២២២ ភូមិសែនសុខទី៤ សង្កាត់ឃ្មួញ ខណ្ឌសែនសុខ រាជធានីភ្នំពេញ ។
នៅក្នុងពិធីប្រគល់រង្វាន់ធំលុយសុទ្ធ៤០លានរៀល លោក អៀង ធាង តំណាងដេប៉ូក្រុងភ្នំពេញ បានអោយដឹងថា ការប្រគល់រង្វាន់នេះ គឺជាការប្រគល់រង្វាន់ជូនដល់អតិថិជនមានសំណាងពិតប្រាកដជាលុយសុទ្ធ៤០លានរៀល ដោយគ្មានការក្លែងបន្លំនៅក្នុងរូបភាពណាមួយនោះទេ។ លើសពីនេះ អតិថិជនពិតជាមានឱកាសឈ្នះរង្វាន់ធំរហូតដល់ ៨៨លានរៀលពីឆ្នោតមហាសំណាង ដោយគ្រាន់តែធ្វើការផ្សងសំណាងចំណាយទឹកប្រាក់បន្តិចបន្តួច ១០០រៀលសល់ពីការអាប់ប្រាក់ ដែលមិនមានប៉ះពាល់ដល់ជីវភាពប្រចាំថ្ងៃនោះទេ ។
លោកបានបន្ថែមទៀតថា ក្រុមហ៊ុនឆ្នោតមហាសំណាងតែងតែបង្កើតភាពសប្បាយរីករាយជូនប្រជាជនកម្ពុជា ដែលនិយមកំសាន្តផ្សងសំណាងឆ្នោតស្របច្បាប់ ក៏ដូចជាកាត់បន្ថយនូវល្បែងហាមឃាត់ផ្សេងៗផងដែរ ។
លោក សំ ថុនា តំណាងផ្នែកលក់ឆ្នោតមហាសំណាងបានមានបានថ្លែងថា «ការប្រគល់រង្វាន់ធំនេះ មិនមែនជាលើកទី1នោះទេ ។ ពិធីជួបជុំនៅថ្ងៃនេះ បានជំរះនៅមន្ទិលទាំងឡាយដែលបញ្ជាក់កាន់តែច្បាស់អំពីឆ្នោតមហាសំណាងដែលតែងតែប្រកាន់ជំហរតម្លាភាពក្នុងការប្រគល់ប្រាក់រង្វាន់ពិតៗជូនទៅអតិថិជនអ្នកឈ្នះ។ ថ្ងៃនេះក៏បានបង្ហាញយ៉ាងច្បាស់អំពីរង្វាន់ធំពិតប្រាកដមែនពីឆ្នោតមហាសំណាង។ ការឈ្នះរង្វាន់៤០ លានរៀលដែលមិនទាន់ជារង្វាន់ធំបំផុតនៅឡើយនោះទេ រង្វាន់ធំបំផុតអតិថិជនអាចឈ្នះរង្វាន់ដល់១៥ម៉ឺនដុល្លារទៅ ៣០ម៉ឺនដុល្លារ ឬអាចលើសពីចំនួននេះទៀត ។ ហើយចំនួនធំនេះ អាចទិញផ្ទះល្វែងពីបីល្វែង នៅសល់ខ្លះទុកជាដើមទុនរកស៊ីបានយ៉ាងល្អប្រសើរ។
លោក ទូច លាភី អតិថិជនមានសំណាងឈ្នះរង្វាន់ធំ៤០លានរៀលពីឆ្នោតមហាសំណាង បានបង្ហាញអារម្មណ៍យ៉ាងក្តុកក្តួលត្រេកអរជាខ្លាំង ដោយបានឈ្នះរង្វាន់ធំពីឆ្នោតមហាសំណាង ព្រមទាំងបានលើកឡើងថា «ពិតជារឿងដែលមិននឹកស្មានដល់សូម្បីតែយល់សុបនិ ថា ខ្ញុំពិតជាមានសំណាងបានទទួលប្រាក់រង្វាន់ធំពីក្រុមហ៊ុនឆ្នោតមហាសំណាងជាមួយថវិកា៤០លានរៀល ស្មើនឹង1ម៉ឺនដុល្លារ អាមេរិក។ ទឹកប្រាក់នេះ ខ្ញុំទុកជាដើមទុនពង្រីកមុខរបរបន្ថែម ផ្គត់ផ្គង់ជីវភាពគ្រួសារអោយកាន់តែប្រសើរឡើង នឹងមួយចំណែកទៀត ទុកសំរាប់ធ្វើបុណ្យក្នុងពិធីបុណ្យភ្ជុំបិណ្ឌដែលនឹងខិតជិតមកដល់ក្នុងពេលខាងមុខនេះ» ។
គួរបញ្ជាក់ផងដែរថា ក្រុមហ៊ុនឆ្នោតមហាសំណាង គឺជាប្រតិបត្តិករឆ្នោតកំសាន្តផ្សងសំណាងស្របច្បាប់ ដែលទទួលបានអាជ្ញារបណ្ណពីរាជរដ្ឋាភិបាលនៃព្រះរាជាណាចក្រកម្ពុជា ដើម្បីប្រតិបត្តិការលក់ឆ្នោតឡូតូ5ខ្ទង់ ជាមួយរង្វាន់លួងចិត្ត2ខ្ទង់ និង3ខ្ទង់ និងឆ្នោតកោសភ្លាម ឈ្នះភ្លាម។ ប្រភេទឆ្នោតកោសភ្លាម ឈ្នះភ្លាម មានរង្វាន់យ៉ាងធំសន្ធឹកសន្ធាប់ ប្រាក់រង្វាន់រហូតដល់ 88លានរៀល។
លើសពីនេះក៏មានប្រភេទឆ្នោតដែលកំពុងពេញនិយមគាំទ្រយ៉ាងខ្លាំងនៅលើទីផ្សារ មានដូចជា ឆ្នោតកោសយាយសំក្តីស្រម៉ៃ ឆ្នោតកោសយាយសំយាយសយ ឆ្នោតកោសសប្បាយកោស ឆ្នោតកោសឃ្មុំមាស ឆ្នោតកោសបាល់ទាត់ពិភពលោក និងប្រភេទឆ្នោតកោសដទៃផ្សេងៗទៀត៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ