ADផ្ទាំងផ្សព្វផ្សាយពាណិជ្ជកម្ម

Picture

លោក Bill Gates ៖ ស្ថាបនិក​មិន​គួរ​មាន​ថ្ងៃ​វិស្សមកាល​ទេ​ពេល​ចាប់ផ្តើម​ដំបូង

4 ឆ្នាំ មុន

លោក Bill Gates បាន​ធ្វើការ​ទាំង​ថ្ងៃ​ចុង​ស​ប្តា​ហ៍ និង​មិន​ដែល​មាន​ថ្ងៃ​វិស្សមកាល​ឡើយ​ពេល​ដែល​លោក​ចាប់ផ្តើម​ក្រុមហ៊ុន Microsoft របស់​លោក​ដំបូង ហើយ​លោក​បាន​មាន​ប្រសាសន៍​ថា វា​ជា​ការ​លះបង់​ដែល​ស្ថាបនិក​ត្រូវ​តែ​ជួប​ប្រទះ ។…

លោក Bill Gates បាន​ធ្វើការ​ទាំង​ថ្ងៃ​ចុង​ស​ប្តា​ហ៍ និង​មិន​ដែល​មាន​ថ្ងៃ​វិស្សមកាល​ឡើយ​ពេល​ដែល​លោក​ចាប់ផ្តើម​ក្រុមហ៊ុន Microsoft របស់​លោក​ដំបូង ហើយ​លោក​បាន​មាន​ប្រសាសន៍​ថា វា​ជា​ការ​លះបង់​ដែល​ស្ថាបនិក​ត្រូវ​តែ​ជួប​ប្រទះ ។

គួរ​បញ្ជាក់​ដែរ​ថា លោក Bill Gates គឺជា​មហាសេដ្ឋី​ដែល​មានទ្រព្យ​សម្បត្តិ​ច្រើន​ជាងគេ​លេខ​ពីរ​លើ​ពិភពលោក ហើយ​បច្ចុប្បន្ន​នេះ​លោក​មានទ្រព្យ​សម្បត្តិ​សរុប​ប្រមាណ ១០៧ ប៊ី​លាន​ដុល្លារ ។ លោក​ជា​សហ​ស្ថាបនិក​ក្រុមហ៊ុន Microsoft ដែល​បាន​បង្កើត​ឡើង​ក្នុង​ឆ្នាំ ១៩៧៥ ។ លោក​បាន​ចែករំលែក​ពី​ទម្លាប់​ធ្វើការ​របស់​លោក​កាលពី​លោក​នៅ​អាយុ​ខ្ទង់ ២០ ឆ្នាំ នេះ​ជាមួយនឹង​អ្នកស្រី Julia Hartz ដែល​ជា​សហ​ស្ថាបនិក និង​នាយក​ប្រតិបត្តិ​របស់​ក្រុមហ៊ុន Eventbrite កាលពី​ខែមិថុនា​ឆ្នាំ ២០១៩ ។

យោង​ទៅ​តាម​សេចក្តីរាយការណ៍​របស់ Tech Crunch លោក​បាន​និយាយ​ថា «​វា​ពិត​ណាស់​ដែល​ខ្ញុំ​មិន​ដែល​មាន​ថ្ងៃ​ចុង​ស​ប្តា​ហ៍​ទេពី​មុន ខ្ញុំ​មិន​ជឿ​លើ​ថ្ងៃ​វិស្សមកាល​ឡើយ​» ។ យ៉ាងណា​ក្តី លោក​បាន​បន្ថែម​ថា ការ​រស់នៅ​របស់​លោក​បាន​ធូរស្រាល​ជាង​មុន​នៅ​ពេល​លោក​មាន​អាយុ​ខ្ទង់ ៣០​ឆ្នាំ​ពិតមែន ប៉ុន្តែ​លោក​នៅ​តែ​គិត​ថា​ការ​លះបង់​របស់​លោក​សំខាន់​ដដែល ជា​ពិសេស​នៅ​ពេល​អាជីវកម្ម​របស់​លោក​ទើបតែ​ចាប់ផ្តើម​ដំបូង ។​ប្រាកដ​ណាស់ លោក​បាន​កត់សម្គាល់​ដែរ​ថា ពេល​ខ្លះ​មនុស្ស​មួយ​ចំនួន​ពិត​ចា​ធ្វើការ​ហួស​កម្រិត​ពិតមែន ហើយ​លោក​គិត​ថា​ការ​ធ្វើការ​ដោយ​មិន​មាន​ថ្ងៃ​ឈប់​សម្រាក​គឺ​សម្រាប់​មនុស្ស​គ្រប់​គ្នា​ដែរ ។

ក្នុង​បទ​សម្ភាស​តែ​មួយ​ជាមួយ​អ្នកស្រី Hartz លោក​ក៏​បាន​ចែករំលែក​ពី​កំហុសឆ្គង​ដែល​ធ្វើ​ឲ្យ​លោក​ស្តាយក្រោយ​ជាងគេ​ដែរ នោះ​គឺ​លោក​បរាជ័យ​ក្នុង​ការ​បង្កើត​ប្រព័ន្ធ​ដំណើរការ​មួយ​ដែល​អាច​ប្រកួតប្រជែង​ជាមួយនឹង iOS របស់​ក្រុមហ៊ុន Apple ដែល​បង្ក​ឲ្យ​លោក​ខាតបង់​ថវិកា​អស់​ដល់​ទៅ ៤០០ ប៊ី​លាន​ដុល្លារ ៕ កែសម្រួលដោយ ៖ សុឃាក់

អត្ថបទសរសេរ ដោយ

កែសម្រួលដោយ