Javier Hernandez ចេញពី West Ham ទៅកាន់ Sevilla ភ្លាមក្លិបបោះពាក្យចាក់ដោតភ្លែត
តាមប្រភពព័ត៌មាន The Sun បានឱ្យដឹងថា ក្លិបញញួរ West Ham បានប្រកាសជាផ្លូវការថា ជើងខ្លាំង Javier…
តាមប្រភពព័ត៌មាន The Sun បានឱ្យដឹងថា ក្លិបញញួរ West Ham បានប្រកាសជាផ្លូវការថា ជើងខ្លាំង Javier Hernandez បានទៅលេងឱ្យក្លិប Sevilla ក្នុងតម្លៃខ្លួន ៧.២លានផោន។
កីឡាករម៉ិចស៊ីកូអាយុ៣១ឆ្នាំ បានរកគ្រាប់បាល់ជូនក្លិបញញួរដល់ទៅ១៧គ្រាប់នៅក្នុងការប្រកួត៦៣ដង តែនៅពេលនេះបានសម្រេចចិត្តចាកចេញពីក្លិប ជាមួយនឹងពាក្យជូនពររបស់ម្ចាស់ក្លិបលោក David Gold។
លោក Gold បានសរសេរនៅក្នុង Twitter ភ្ជាប់ជាមួយនឹងរូបរបស់ Hernandez ថា៖«អារុណសួស្តី! ខ្ញុំអាចបញ្ជាក់ប្រាប់ថា Javier Hernandez បានទៅលេងឱ្យក្លិបអេស្ប៉ាញ Sevilla ជាមួយនឹងតម្លៃខ្លួនដែលបើកចំហ។ សូមជូនពរសំណាងល្អ Javier»។
អ្នកគាំទ្រម្នាក់បានសរសេរ Twitter ថា៖«សង្ឃឹមថា Haller (Sebastien Haller) នឹងនៅធូរសះស្បើយ ឬក៏ អាចយក Hugill មកវិញ ដើម្បីធ្វើឱ្យក្លិបកាន់តែប្រសើរ»។
តែអ្នកខ្លះមានអារម្មណ៏ថា មិនចាំបាច់ធ្វើបែបនេះទេ។ គេយល់ថា ការទុកកីឡាករដែលមិនអាចប្រកួតបាននៅម្តុំ គឺជាការដែលគួរធ្វើ។ ទោះបីជាយ៉ាងណាក៏ដោយ អ្នកគាំទ្រមួយចំនួនបានសរសេរ អរគុណដល់អតីតកីឡាករ Manchester United ដែលបានចំណាយពេល២ឆ្នាំនៅលេងឱ្យ West Ham៕
ប្រភព ៖ Thesun , កែសម្រួលដោយ ៖ សំណាង
ចែករំលែកព័តមាននេះ