ខេត្តព្រះវិហារ ៖ យ៉ាងហោចណាស់ប្រជាពលរដ្ឋខ្មែរ០៣នាក់បានស្លាប់ ដោយសារទាហានព្រំដែនថៃបាញ់សម្លាប់ ០៣នាក់ទៀតបាត់ខ្លួន និង រត់រួចម្នាក់ ខណៈពួកគេបានឆ្លងដែនចូលដីថៃដោយខុសច្បាប់ដើម្បីរកកាប់ឈើគ្រញូង ។
ខេត្តព្រះវិហារ ៖ យ៉ាងហោចណាស់ប្រជាពលរដ្ឋខ្មែរ០៣នាក់បានស្លាប់ ដោយសារទាហានព្រំដែនថៃបាញ់សម្លាប់ ០៣នាក់ទៀតបាត់ខ្លួន និង រត់រួចម្នាក់ ខណៈពួកគេបានឆ្លងដែនចូលដីថៃដោយខុសច្បាប់ដើម្បីរកកាប់ឈើគ្រញូង ។
ហេតុការណ៏នេះបានកើតឡើងនៅម៉ោង ១១ព្រឹកថ្ងៃទី១១ មីនា ២០១៤ នៅពេលដែលពលរដ្ឋខ្មែរខាងលើបានឡើងតាមចំណុចដំណាក់ផ្តៀក ឆ្លងកាត់តាមព្រលានស្រទុំ ស្ថិតក្នុងភូមិឈើទាលគង ឃុំជំាក្សាន្ត ស្រុកជំាក្សាន្ត ជាប់នឹងចំណុចឈរជើងរបស់វរៈសេនាតូចលេខ៤០៥ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីស្រ្តីឈ្មោះ គន្ឋា ដែលអះអាងថាជាអ្នកចំណាកស្រុកមកស្នាក់នៅភូមិឈើទាលគង និងថាជាអ្នកបានរត់រួចពីការបាញ់សម្លាប់របស់ទាហានថៃបានឲ្យដឹងថា អ្នកឡើងភ្នំដងរែកទំាងអស់មានគ្នា០៧នាក់ គិតទំាងខ្លួនស្រ្តីឈ្មោះ គន្ឋ ក្នុងនោះមានបុរស០៥នាក់ បាននំាគ្នាឡើងទៅកាប់ឈើគ្រញូងក្នុងទឹកដីថៃ ។
ប្រភពបានបញ្ជាក់ទៀតថា ខណៈពួកខ្លួនកំពុងដើរចូលក្នុងព្រៃរកកាប់ឈើគ្រញូងនោះ ស្រាប់តែទាហានបានបាញ់ស្រោចមកលើមនុស្សទំាង០៧នាក់ បណ្តាលឲ្យស្លាប់៣នាក់ភ្លាមៗនៅកន្លែងកើតហេតុ ហើយ០៣នាក់បាត់ខ្លួន ចំណែកសខ្លួនបានរត់រួច ហើយវិលចូលមកក្នុងទឹកដីខ្មែរវិញ ។
ស្រ្តីឈ្មោះ គន្ឋ បានបន្តថា បន្ទាប់ពីបានបាញ់រួចទាហានថៃ ក៏បានដុតសាកសពខ្មែរទំាង០៣នាក់នោះ នៅនឹងកន្លែងតែម្តង ។
រីឯប្រភពពីសមត្ថកិច្ចដែលអះអាងថាពិតជាមានការកើតហេតុនេះមែនបានបញ្ជាក់បន្ថែមថា ពលរដ្ឋខ្មែរដែលស្លាប់ទំាង០៣នោះមានឈ្មោះ ៖ ០១- ទិន ទិ ភេទប្រុស អាយុ២៥ឆ្នាំ រស់នៅខេត្តកំពត , ០២-អ៊ន ជីង ភេទស្រី អាយុ៥០ឆ្នាំ រស់នៅភូមិឈើទាលគង និង ទី៣-ឈ្មោះ ម៉ៅ ម៉ន អាយុ២១ឆ្នាំ រស់នៅខេត្តកំពត និងអ្នកបាត់ខ្លួន០៣នាក់ទៀត មិនទាន់ស្គាល់អត្តសញ្ញាណ ៕
ចែករំលែកព័តមាននេះ