រាជធានីភ្នំពេញ ៖ បើទោះបីជាពស់កេងកងបានស្លា.ប់អស់រយៈពេលជា១០ឆ្នាំមកហើយក៏ដោយ ប៉ុន្តែរូបរាងរបស់សត្វពស់មួយក្បាលនេះនៅតែថែរក្សាសម្រាប់មនុស្សទូទៅគោរពបូជាទៅតាមជំនឿសាសនាដដែល ហើយម្ចាស់ពស់លោកតាគង់ លន់ គ្រោងនឹងកសាងជាស្តូប និងរូបសំណាកសត្វពស់មួយនេះផងដែរ។
រាជធានីភ្នំពេញ ៖ បើទោះបីជាពស់កេងកងបានស្លាប់អស់រយៈពេលជា១០ឆ្នាំមកហើយក៏ដោយ ប៉ុន្តែរូបរាងរបស់សត្វពស់មួយក្បាលនេះនៅតែថែរក្សាសម្រាប់មនុស្សទូទៅគោរពបូជាទៅតាមជំនឿសាសនាដដែល ហើយម្ចាស់ពស់លោកតាគង់ លន់ គ្រោងនឹងកសាងជាស្តូប និងរូបសំណាកសត្វពស់មួយនេះផងដែរ។
សត្វពស់កេងកង ត្រូវបានគេទទួលការចាប់អារម្មណ៍ បន្ទាប់ពីសត្វពស់មួយនេះត្រូវបានផលិតករលោកហ្វៃ សំអាង យកទៅថតខ្សែភាពយន្តខ្នាតធំរឿង «ចៅពស់កេងកង» កាលពីអំឡុងឆ្នាំ២០១១ ។ ប៉ុន្តែបន្ទាប់ពីសត្វពស់ដែលមានទម្ងន់ជិត២០០គីឡូក្រាមមួយនេះ បានថតបញ្ចប់រឿងនេះហើយ វាក៏បានស្លាប់បាត់បង់ជីវិតយ៉ាងអាថ៌កំបាំង ក្រោមពាក្យចចាមអារ៉ាមជាច្រើន ។
យ៉ាងណាក៍៏ដោយ បើតាមការបញ្ជាក់ពីលោកតាគង់ លន់ ដែលជាម្ចាស់ប្រាសាទវិមានផុសអណ្តែត ដែលស្ថិតនៅក្នុងភូមិកោះផុស ឃុំដីឥដ្ឋ ស្រុកកៀនស្វាយ ខេត្តកណ្តាល ធ្លាប់បានអះអាងថា ពស់កេងកងបានស្លាប់ដោយសារតែវាពួល ក៏សម្លាប់ខ្លួនឯង។លោកតាបញ្ជាក់ថា កន្លងមកមានពាក្យចចាមអារ៉ាមជាច្រើន បានវាយប្រហារមកលើរូបលោកតាពាក់ព័ន្ធទៅនឹងការស្លាប់របស់សត្វពស់នេះ ដោយមួយចំនួនបានសន្មត់ពីការស្លាប់នេះថា ដោយសារតែលោកតាបានបណ្តោយឱ្យពស់នេះ ទៅថតជាមួយមនុស្សស្រី ខណៈពេលពស់នេះមានប្ញទ្ធិបារមី និងមានរូបសណ្ឋិតទើបវាស្លាប់។
យ៉ាងណាក៏ដោយ ពាក្យចចាមអារ៉ាមទាំងនេះ ត្រូវបានលោកតាគង់ លន់ ធ្វើការបដិសេធ ដោយលោកតាបញ្ជាក់ថា ពស់នេះបានមួរ.កសម្លាប់ខ្លួនឯង នៅទឹកបឹងក្រោយប្រាសាទរបស់លោកតា ។ លោកតាបញ្ជាក់ថា សត្វពស់នេះលោកតាមានការស្រឡាញ់ជាទីបំផុត ហើយការដែលវានៅរស់ គឺតែងតែមកលេងលោកនៅរៀងរាល់ថ្ងៃសីល ដើម្បីចៀសវាងនាំឱ្យមានការខ្លាចរអាលពីកូនចៅរបស់លោកតា ។ លោកតាបន្ថែមថា នៅមុនថ្ងៃដែលវាស្លាប់នោះ វាបានឃើញលោកតាយំ ដោយសារតែលោកតាមានការសោកស្តាយចំពោះការខនខានមិនបានយាងមកពីព្រះមហាក្សត្រព្រះបាទ នរោត្តម សីហមុន្នី ព្រះមហាក្សត្រកម្ពុជា ដើម្បីយាងមកចូលរួមបញ្ចុះសីមាប្រាសាទរបស់លោកតា ។ ក្រោយពីពស់នេះ បានឃើញលោកតាយំដូច្នេះ ពស់កេងកងបានប្រាប់លោកតាថា ខ្លួននឹងសម្លាប់ខ្លួនឯង ដើម្បីជួយលោកឪ (លោកតាគង់ លន់) ។
ក្រោយពីពោលពាក្យដូច្នេះហើយ ពស់កេងកងមិនបានមកលេងលោកតាដូចសព្វដងឡើយ ធ្វើឱ្យលោកតាមានការភ្ញាក់ផ្អើលហើយក៏នាំកូនចៅដើររក ហើយក៏បានឃើញវាស្លាប់នៅខាងក្រោយប្រាសាទនោះតែម្តង។
ចែករំលែកព័តមាននេះ