ខេត្តពោធិ៍សាត់ ៖ មន្ត្រីរដ្ឋបាលជលផលសហការជាមួយនគរបាលប៉ុស្តិ៍រដ្ឋបាលសហគមន៍នេសាទភូមិដូងជ្រុំ និងកម្លាំងប្រជាការពារកាលពីវេលាម៉ោង៤រសៀលថ្ងៃទី២ មីនា ២០១៤ បានធ្វើការឃាត់ខ្លួនមនុស្ស៤នាក់ ពាក់ព័ន្ធនឹងសកម្មភាពបូមពង្រីងបឹង ដើម្បីចាប់ត្រីនៅភូមិដូង ជ្រំឃុំបឹងបត់កណ្ដោល ស្រុកបាកាន ។
ខេត្តពោធិ៍សាត់ ៖ មន្ត្រីរដ្ឋបាលជលផលសហការជាមួយនគរបាលប៉ុស្តិ៍រដ្ឋបាលសហគមន៍នេសាទភូមិដូងជ្រុំ និងកម្លាំងប្រជាការពារកាលពីវេលាម៉ោង៤រសៀលថ្ងៃទី២ មីនា ២០១៤ បានធ្វើការឃាត់ខ្លួនមនុស្ស៤នាក់ ពាក់ព័ន្ធនឹងសកម្មភាពបូមពង្រីងបឹង ដើម្បីចាប់ត្រីនៅភូមិដូង ជ្រំឃុំបឹងបត់កណ្ដោល ស្រុកបាកាន ។
ប្រភពបានឱ្យដឹងថា ជនសង្ស័យទាំង៤នាក់ ១-ឈ្មោះឆាំ មោង ភេទប្រុស អាយុ៣៥ឆ្នាំ ២-ឈ្មោះឆាំ ឆៃយា ភេទប្រុស អាយុ១៥ឆ្នាំ ៣-ឈ្មោះឈឿប ឈៅ ភេទប្រុស អាយុ២៧ឆ្នាំ និង៤-ឈ្មោះឈឿប ឈឿន ភេទប្រុស អាយុ២០ឆ្នាំ ទាំង៤នាក់រស់នៅភូមិដូងជ្រំ ឃុំបឹងបត់កណ្ដោល ស្រុកបាកាន ។ វត្ថុតាងដែលសមត្ថកិច្ចរឹបអូសបានមានគោយន្តកន្ត្រៃមួយគ្រឿង ម៉ាស៊ីនបូមទឹក៣គ្រឿង ភ្ជាប់ដោយទុយោ ឌីណាម៉ូសាកអាគុយ១គ្រឿង អាគុយ២គ្រឿង ប្រដាក់ឆក់ត្រី១គ្រឿង ម៉ូតូវ៉េវមួយគ្រឿង ទ្រុងដាក់ត្រី និងសម្ភារមួយចំនួនទៀត ។ ជនសង្ស័យទាំង៤នាក់ និងវត្ថុតាង បានបញ្ជូនទៅតុលាការ ដើម្បីចាត់ការទៅតាមនីតិវិធី ។
លោកជិន ចាន់ថន មានប្រសាសន៍ថា កន្លងមកនេះ មន្ត្រីរដ្ឋបាលជលផលបានចុះផ្សព្វផ្សាយច្បាប់ស្ដីពីជលផលដល់ប្រជាពលរដ្ឋគ្រប់ទីកន្លែងឱ្យមានការយល់ដឹង ដើម្បីជួយការពារ និងទប់ស្កាត់ទាំងអស់គ្នា ពិសេសហាមដាច់ខាតការបូមពង្រីងបឹង អូរ ព្រែកដើម្បីចាប់ត្រី ។ ការប្រើប្រដាប់ឆក់ អួនក្រឡាញឹក ការដុត ឬកាប់ព្រៃលិចទឹក ដែលជាជម្រកត្រីពងកូន និងសត្វរស់នៅ ការធ្វើនេសាទក្នុងរដូវបិទនេសាទ និងការនេសាទក្នុងឡូត៍អភិរក្សជាដើម ដែលទង្វើទាំងអស់នេះ វាធ្វើឱ្យហិនហោចពូជត្រី និងជីវចម្រុះគ្រប់ប្រភេទ។
ចែករំលែកព័តមាននេះ