បញ្ហាសន្តិសុខដែលអាជីវកម្មភាគច្រើនជួបប្រទះក្នុងសតវត្សទី២១នេះបានផ្លាសប្តូរហើយ ។ បច្ចុប្បន្នបញ្ហាដែលតែងតែកើតមានឡើង គឺទាក់ទិននឹងប្រព័ន្ធកុំព្យូទ័រ និងទិន្នន័យរបស់អតិថិជនជាដើម ប៉ុន្តែអាជីវកម្មជាច្រើនមិនយល់ដឹងពីសារៈប្រយោជន៍នៃការការពារខ្លួន ដើម្បីទប់ទល់នឹងបញ្ហាថ្មីនេះឡើយ ។ ក្រៅពីបញ្ហាទាំងនេះ សុវត្ថិភាពរបស់បុគ្គលិកផ្ទាល់ក៏គួរតែទទួលបានការយកចិត្តទុកដាក់ដែរ…
បញ្ហាសន្តិសុខដែលអាជីវកម្មភាគច្រើនជួបប្រទះក្នុងសតវត្សទី២១នេះបានផ្លាសប្តូរហើយ ។ បច្ចុប្បន្នបញ្ហាដែលតែងតែកើតមានឡើង គឺទាក់ទិននឹងប្រព័ន្ធកុំព្យូទ័រ និងទិន្នន័យរបស់អតិថិជនជាដើម ប៉ុន្តែអាជីវកម្មជាច្រើនមិនយល់ដឹងពីសារៈប្រយោជន៍នៃការការពារខ្លួន ដើម្បីទប់ទល់នឹងបញ្ហាថ្មីនេះឡើយ ។
ក្រៅពីបញ្ហាទាំងនេះ សុវត្ថិភាពរបស់បុគ្គលិកផ្ទាល់ក៏គួរតែទទួលបានការយកចិត្តទុកដាក់ដែរ ។ ដូច្នេះដើម្បីការពារទាំងបុគ្គលិក និងអតិថិជនអាជីវកម្មគួរតែធ្វើតាមគន្លឹះទាំង៤ខាងក្រោម ដើម្បីធានាដល់សន្តិសុខ ៖ ១. តឡើងឧបករណ៍ចាំបាច់ ៖ គ្រាន់តែចាក់សោរតែមួយ គឺមិនគ្រប់គ្រាន់ទេ ។ អាជីវកម្មគួរតែវិនិយោគលើប្រព័ន្ធតាមដាន និងឲ្យដំណឹង ដើម្បីការពារការខាតបង់ ប្រសិនបើមានករណីលួច ។ លើសពីនេះទៅទៀត ប្រសិនបើមានសមត្ថភាពអាជីវកម្មគួរតែមានក្រុមឆ្លើយតប ប្រសិនបើមានបញ្ហាផងដែរ ។ ឧទាហរណ៍កាមេរ៉ាសុវត្ថិភាព គឺជាឧបករណ៍ចាំបាច់មួយដែលអាជីវកម្មគួរតែវិនិយោគលើវា ។
២. ត្រួតពិនិត្យការចេញចូល ៖ អាជីវកម្មដែលមានអ្នកផ្គត់ផ្គង់ចេញចូលអគារគួរតែមានការប្រុងប្រយ័ត្ន ព្រោះអ្នកផ្គត់ផ្គង់ភាគច្រើនមិនទទួលខុសត្រូវឡើយ ប្រសិនបើបុគ្គលិករបស់ពួកគេបង្កបញ្ហាដល់អាជីវកម្មរបស់អ្នក ។ ដោយហេតុដូចនេះ អ្នកគួរតែត្រួតពិនិត្យការចេញចូលឲ្យបានច្បាស់លាស់ និងមានការកត់ត្រាត្រឹមត្រូវផងដែរ ។ ៣. វិនិយោគលើសន្តិសុខទិន្នន័យ ៖ ប្រព័ន្ធទិន្នន័យរបស់អាជីវកម្មរបស់អ្នកក៏ជាកត្តាសំខាន់ដែលអ្នកត្រូវយកចិត្តទុកដាក់ដែរ ជាពិសេសក្នុងសម័យកាល Hacker នេះ ។ អាជីវកម្មគួរតែមានកម្មវិធីការពារមេរោគដែលបើកទ្វារប្រព័ន្ធដំណើរការឲ្យទៅជនឆ្លៀតឱកាស និងធ្វើបច្ចុប្បន្នភាពប្រព័ន្ធដំណើរការក្នុងអាជីវកម្មជាប្រចាំតាមសមត្ថភាពជាដើម ។
៤. កម្ទេចឯកសារមុនពេលបោះចោល ៖ ឯកសារជាទម្រង់ក្រដាស់គួរតែឆ្លងកាត់ម៉ាស៊ីនកម្ទេចមុនពេលធ្វើការបោះចោល ដើម្បីជៀសវាងការលេចចេញព័ត៌មានដែលសាធារណជនមិនគួរដឹង ។ លើសពីនេះទៅទៀត ឯកសារលើកុំព្យូទ័រក៏គួរតែឆ្លងកាត់កម្មវិធីដែលអាចធានាថា ឯកសារទាំងនោះមិនត្រូវបានរក្សាក្នុងប្រព័ន្ធកុំព្យូទ័រដែរ ៕ កែសម្រួលដោយ ៖ សុឃាក់
ចែករំលែកព័តមាននេះ