រាជធានីភ្នំពេញ ៖ បញ្ហាព្រំដែនកម្ពុជា និងប្រទេសឡាវ បានធ្វើការរួមគ្នាសម្រេចបាន៨១% នៅសល់១៩%ទៀតដែលកំពុងតែបន្តការងារជាមួយគ្នាឱ្យបានចប់សព្វគ្រប់ នៅពេលឆាប់ៗនៅពេលខាងមុននេះ ។
រាជធានីភ្នំពេញ ៖ បញ្ហាព្រំដែនកម្ពុជា និងប្រទេសឡាវ បានធ្វើការរួមគ្នាសម្រេចបាន៨១% នៅសល់១៩%ទៀតដែលកំពុងតែបន្តការងារជាមួយគ្នាឱ្យបានចប់សព្វគ្រប់ នៅពេលឆាប់ៗនៅពេលខាងមុននេះ ។
បើតាមការលើកឡើងរបស់អ្នកនំាពាក្យទីស្តីការគណៈរដ្ឋមន្ត្រីប្រាប់អ្នកសារព័ត៌មាន បន្ទាប់ពីចប់ជំនួបទ្វេភាគីរវាងលោក ឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ជាមួយលោក Bounkeat sangsomsak អនុរដ្ឋមន្ត្រីក្រសួងការបរទេស និងជាប្រធានគណៈប្រតិភូកិច្ចការព្រំដែននៃសាធារណរដ្ឋប្រជាធិបតេយ្យ ចូលជួបពិភាក្សាការងារពីបញ្ហាព្រំដែន កាលពីព្រឹកថ្ងៃទី២៨ កុម្ភៈ ២០១៤ នៅទីស្តីការគណៈរដ្ឋមន្ត្រី ។
ក្នុងកិច្ចជំនួបនោះ លោកឧបនាយករដ្ឋមន្ត្រីសុខ អាន មានការពេញចិត្តចំពោះការធ្វើកិច្ចសហប្រតិបត្តិការរវាងកម្ពុជា-ឡាវ ដែលភាគីកម្ពុជា ដឹកនំាដោយលោកទេសរដ្ឋមន្ត្រី វ៉ា គឹមហុង ប្រធានគណៈកម្មាធិការកិច្ចព្រំដែនកម្ពុជា ដែលបានជួបជុំគ្នាចំនួន៦លើកមក
ហើយ ទំាងលើកនេះ នៅទីស្តីការគណៈរដ្ឋមន្ត្រី។
ការប្រជុំគ្នារយៈពេលពីរថ្ងៃនេះ (ថ្ងៃទី២៦-២៧ កុម្ភៈ) បានយល់ព្រមឯកភាពដូចអ្វីដែលបានប្រជុំគ្នា កាលពីលើកទី៥ ។ លោកឧបនាយករដ្ឋមន្ត្រីសុខ អាន បានលើកឡើងថា ក្រោយពីទស្សនកិច្ចរបស់សម្តេចតេជោនាយករដ្ឋមន្ត្រី ហ៊ុន សែន ទៅកាន់សាធារណៈប្រជាមានិតឡាវកន្លងមកនេះ បានរួមចំណែកក្នុងការធ្វើទំនាក់ទំនងកាន់តែខ្លាំងឡើងរវាងប្រទេសទំាងពីរ ។ ការងារព្រំដែនរវាងកម្ពុជា-ឡាវ បានទទួលជោគជ័យយ៉ាងល្អប្រសើរ គឺបាន៨១% និងនៅសល់តែ១៩%តែប៉ុណ្ណោះ តែភាគីទំាងពីរសង្ឃឹមថា នឹងបញ្ចប់នៅពេលខាងមុននេះ។
ចែករំលែកព័តមាននេះ