រាជធានីភ្នំពេញ ៖ ជនសង្ស័យម្នាក់ ត្រូវសមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ ចាប់ឃាត់ខ្លួនបាន ខណៈរូបគេលួចម៉ូតូបានហើយ ជិះទៅរកទិញថ្នាំញៀន កាលពីថ្ងៃទី២៥ កុម្ភៈ ២០១៤ ស្ថិតនៅចំណុចភូមិបឹងឈូក សង្កាត់ទឹកថ្លា ខណ្ឌសែនសុខ ។
រាជធានីភ្នំពេញ ៖ ជនសង្ស័យម្នាក់ ត្រូវសមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ ចាប់ឃាត់ខ្លួនបាន ខណៈរូបគេលួចម៉ូតូបានហើយ ជិះទៅរកទិញថ្នាំញៀន កាលពីថ្ងៃទី២៥ កុម្ភៈ ២០១៤ ស្ថិតនៅចំណុចភូមិបឹងឈូក សង្កាត់ទឹកថ្លា ខណ្ឌសែនសុខ ។
ប្រភពបានឱ្យដឹងថា ជនសង្សយ័ឈ្មោះយ៉ុង យុទ្ធថៃ ហៅបារាំង អាយុ២១ឆ្នាំ មានទីលំនៅផ្ទះលេខ២៣ ផ្លូវលំ សង្កាត់ស្ទឹងមានជយ័។ ការឃាត់ខ្លួនជនសង្សយ័ខាងលើនេះ ត្រូវបានមន្ត្រីនគរបាលព្រហ្មទណ្ឌកម្រិតធ្ងន់រាជធានីភ្នំពេញឱ្យដឹថា ជនសង្ស័យបានធ្វើសកម្មភាពលួចម៉ូតូម៉ាកស្គូពីមួយគ្រឿង ពណ៌.ស ពាក់ស្លាកលេខភ្នំពេញ ២-BL៦២០៧ នៅចំណុចជិតមុខហាងកាត់សក់ឆន សុវណ្ណរាជ ក្នុងសង្កាត់ទឹកល្អក់២ ខណ្ឌទួលគោក ។
បន្ទាប់ពីលួចបានហើយ ២ម៉ោងក្រោយមក ក៏ជិះទៅរកទិញថ្នាំញៀននៅក្នុងភូមិបឹងឈូក សង្កាត់ទឹកថ្លា ខណ្ឌសែនសុខ ដើម្បីប្រើប្រាស់ លុះមកដល់មុខមន្ទីរពេទ្យព្រះកុសុមៈ ត្រូវសមត្ថកិច្ចព្រហ្មទណ្ឌកម្រិតធ្ងន់ដែលកំពុងល្បាតតាមដងផ្លូវ ប្រទះឃើញស្លាកលេខម៉ូតូខាងលើ ក៏មានការសង្សយ័ និងបានធ្វើការឃាត់ខ្លួនសាកសួរ ពេលនោះទើបដឹងថា ជននោះទើបតែលួចគេមុននេះ២ម៉ោង ។
ចែករំលែកព័តមាននេះ