ការសិក្សាមួយរបស់សហរដ្ឋអាមេរិកបានបង្ហាញថា ស្ត្រីផឹកស្រាពីកម្រិតតិចតួចទៅមធ្យម ការប្រឈមនឹងជំងឺមហារីកដោះរបស់ពួកគេមានការកើនឡើងធៀបជាមួយបណ្តាស្ត្រីដែលមិនផឹក ។
ការសិក្សាមួយរបស់សហរដ្ឋអាមេរិកបានបង្ហាញថា ស្ត្រីផឹកស្រាពីកម្រិតតិចតួចទៅមធ្យម ការប្រឈមនឹងជំងឺមហារីកដោះរបស់ពួកគេមានការកើនឡើងធៀបជាមួយបណ្តាស្ត្រីដែលមិនផឹក ។
លទ្ធផលនៃការសិក្សាស្រាវជ្រាវដែលធ្វើឡើងដោយសាកលវិទ្យាល័យHarvard Universityនិងមន្ទីរពេទ្យ Brigham and Women’s Hospitalបានពិនិត្យឃើញថា បណ្តាស្ត្រីដែលផឹកស្រាចន្លោះពី៣ទៅ៦កែវក្នុងមួយសប្តាហ៍ ទទួលរងផលប៉ះពាល់ដោយជំងឺមហា រីកដោះ១៥ភាគរយ ខ្ពស់ជាងស្ត្រីដែលមិនផឹក ។ ប៉ុន្តែសម្រាប់អ្នកដែលផឹកជាមធ្យម២កែវរៀងរាល់ថ្ងៃ ផលប៉ះពាល់ដោយជំងឺខាងដើមមានដល់ទៅ៥១ភាគរយ ។
ការសិក្សាដែលបានចុះផ្សាយនៅក្នុងព្រឹត្តិប័ត្រAmerican Medical Associationនិងដែលបានពិសោធលើស្ត្រីជាង១០ម៉ឺននាក់បានបង្ហាញទៀតថា ការប្រឈមយ៉ាងខ្ពស់ទៅនឹងជំងឺមហារីកដោះត្រូវបានគេមើលឃើញចំពោះបណ្តាស្ត្រីដែលផឹកស្រាក្នុងវ័យចាប់ពី២០ឆ្នាំឡើងទៅឬក៏ចាប់ពី៤០ឆ្នាំឡើងទៅ ។ ការប្រឈមទាំងនេះនឹងមិនថយចុះជាដាច់ខាតបើទោះណាពួកគេបានបោះបង់ទម្លាប់ផឹកវិញក៏ដោយ ។
វេជ្ជបណ្ឌិត Steven Narod មកពីវិទ្យាស្ថាន Women’s College Research Instituteក្រុងតូរ៉ុនតូបាននិយាយថា៖«ពុំមានទិន្នន័យព័ត៌មានណាមួយផ្តល់ការធានាថា បោះបង់ការផឹកស្រានឹងកាត់បន្ថយអត្រាប្រឈមនឹងជំងឺមហារីកដោះនោះទេ»។
បើទោះជាយ៉ាងនេះក្តី បណ្តាអ្នកនិពន្ធការសិក្សាលើកនេះបាននិយាយថា មូលហេតុនៃការកើនឡើងនៃផលគ្រោះថ្នាក់ដោយជំងឺមហារីកដោះស្ថិតនៅមិនច្បាស់លាស់នៅឡើយ ប៉ុន្តែតាមសម្មតិកម្មអះអាងថា វាអាចបណ្តាលមកពីការកើនឡើងនៃអ័រម៉ូនភេទដែលកំពុងធ្វើសកម្មភាពនៅក្នុងប្រព័ន្ធរាងកាយស្ត្រីបន្ទាប់ពីពួកនាងផឹកស្រារួច ៕
ចែករំលែកព័តមាននេះ