ការសិក្សាថ្មីមួយបានអះអាងថា បុរសវ័យចំណាស់ដែលដុះក្បាលពោះប្រឈមនឹងបញ្ហាសុខភាពច្រើនយ៉ាងធៀបទៅនឹងបណ្តាបុរសវ័យដូចគ្នាដែលមិនមានក្បាលពោះធំ ប៉ុន្តែអ័រម៉ូនស្តេរ៉ូអីុដ testosterone របស់ពួកគេមានកម្រិតទាប ។
ក្រុមអ្នកស្រាវជ្រាវបានដឹងជាយូរមកហើយថា ភាពធាត់លើសទម្ងន់ជាប់ពាក់ព័ន្ធទៅនឹងការធ្វើឱ្យថយចុះកម្រិតអ័រម៉ូនស្តេរ៉ូអុីដtestosteroneក្នុងចំណោមបុរស ។ ប៉ុន្តែ តាមលោកស្រីវេជ្ជបណ្ឌិត Marianne Andersen ដែលជាអ្នកដឹកនាំការសិក្សាស្រាវជ្រាវមកពីសាកលវិទ្យាល័យសុខាភិបាល Odense University Hospital ប្រទេសដាណឺម៉ាកបានឱ្យដឹងថា វាមានភាពច្បាស់លាស់តិចតួចចំពោះហេតុផលដែលកត្តាទាំងនោះជាប់ពាក់ព័ន្ធទៅនឹងសុខុមាលភាពរបស់បុរស ។ មួយវិញទៀត ចំពោះបុរសដែលមានសុខភាពល្អមាំមួន ការកើនឡើងនៃទំហំចង្កេះអាចជារឿងសំខាន់ប៉ះពាល់ដល់គុណភាពជីវិតជាជាងការថយចុះកម្រិតអ័រម៉ូន testosterone ។
នៅក្នុងការពិសោធលើបុរសដាណឺម៉ាក៥៩៨នាក់វ័យពី៦០ឆ្នាំទៅ៧៤ឆ្នាំបានរកឃើញថា ទំហំចង្កេះប៉ះពាល់ដល់គុណភាពជីវិតខ្លាំងជាងកត្តាផ្សេងៗទៀត ។ នៅពេលដែលទំហំចង្កេះរីកកាន់តែធំ សុខុមាលភាពរបស់បុរសកាន់តែរួញខ្លីនិងឈានទៅបាត់បង់បន្តិចម្តងៗ ។ឯអ័រម៉ូនស្តេរ៉ូអុីដ testosteroneវិញក៏ប៉ះពាល់ដល់គុណភាពជីវិតផងដែរ តែក្នុងចំនួនមួយតិចតួចបំផុត ៕
ចែករំលែកព័តមាននេះ