រាជធានីភ្នំពេញ ៖ នៅសាលាប្រជុំខណ្ឌដូនពេញ មានរៀបចំបើកកិច្ចប្រជុំស្តីពីអំពីវិធានការលុបបំបាត់ឱ្យបានចំពោះស្ត្រីរកស៊ីផ្លូវភេទនៅរមណីយដ្ឋានវត្តភ្នំ កាលពីព្រឹកថ្ងៃទី១៩ កុម្ភៈ ២០១៤ នេះ ក្រោមការអញ្ជើញចូលរួមពីលោកសុខ សម្បត្តិ អភិបាលខណ្ឌដូន
ពេញ ។
រាជធានីភ្នំពេញ ៖ នៅសាលាប្រជុំខណ្ឌដូនពេញ មានរៀបចំបើកកិច្ចប្រជុំស្តីពីអំពីវិធានការលុបបំបាត់ឱ្យបានចំពោះស្ត្រីរកស៊ីផ្លូវភេទនៅរមណីយដ្ឋានវត្តភ្នំ កាលពីព្រឹកថ្ងៃទី១៩ កុម្ភៈ ២០១៤ នេះ ក្រោមការអញ្ជើញចូលរួមពីលោកសុខ សម្បត្តិ អភិបាលខណ្ឌដូន
ពេញ ។
លោកអភិបាលខណ្ឌដូនពេញបានថ្លែងថា សង្កាត់ទាំង១១ ត្រូវរួមកម្លំាងគ្នា ដើម្បីធ្វើការកែទម្រង់ឲ្យបានល្អ ក៏ដូចជាផ្តល់សេវាល្អជូនប្រជាពលរដ្ឋ រួមទំាងការរក្សាសណ្តាប់ធ្នាប់ជាដើម ហើយដើម្បីការដឹកនាំល្អ ឆ្ពោះទៅរកកំណែទម្រង់ស៊ីជម្រៅ និងអនុវត្តយុទ្ធសាស្រ្តចតុកោណដំណាក់កាលទី៣របស់រាជរដ្ឋាភិបាលកម្ពុជា ។
ចំណែកបញ្ហាសន្តិសុខសណ្តាប់ធ្នាប់សាធារណៈក្នុងសង្កាត់ទាំង១១ ត្រូវចូលរួមសហការគ្នាបង្កើនសន្តិសុខសុវត្ថិភាពដល់ប្រជាពលរដ្ឋ និងចុះល្បាតជាប្រចាំរហូតដល់ភូមិ និងវាយតម្លៃទីតាំងស្មុគ្រស្មាញ ដែលមានការជួញដូរ និងប្រើប្រាស់គ្រឿងញៀន ជាពិសេសត្រួតពិនិត្យករណីឆក់សម្ភាររបស់ជនបរទេសតាមផ្លូវសាធារណៈដែលកើតមានកន្លងមក ។
ដោយឡែកបញ្ហាសណ្តាប់ធ្នាប់តាមបណ្តោយវិថីសំខាន់ៗត្រូវត្រួតពិនិត្យ និងចាត់វិធានការលុបបំបាត់ការយកចិញ្ចើមផ្លូវតាំងសម្ភារលក់ដូរ និងចំណតរថយន្តផងដែរ ។ ចំណែកភាស៊ីតាមផ្សារវិញ លោកសុខសម្បត្តិ បានណែនាំដល់ប្រធានផ្សារជួយត្រួតពិនិត្យ ការយកភាស៊ីរបស់អ្នកម៉ៅការណា ដែលយកភាស៊ីមិនត្រឹមត្រូវតាមសៀវភៅបន្ទុក និងត្រូវរកឲ្យឃើញអ្នកម៉ៅការចុងក្រោយ ដើម្បីបង្ខំឲ្យយកតម្លៃតាមសៀវភៅបន្ទុក ។
ចែករំលែកព័តមាននេះ