រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា កម្ពុជាបានកំពុងរងឥទ្ធិពលប្រព័ន្ធសម្ភាធទាប និងខ្យល់មូសុងនិរតីខ្លាំងធ្វើឲ្យខេត្តមួយចំនួនរងជំនន់ទឹកភ្លៀង ។ យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយមបានឲ្យដឹងនៅថ្ងៃទី៩ សីហាថាកម្ពុជាបានរងឥទ្ធិពលនៃប្រព័ន្ធសម្ពាធទាប…
រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា កម្ពុជាបានកំពុងរងឥទ្ធិពលប្រព័ន្ធសម្ភាធទាប និងខ្យល់មូសុងនិរតីខ្លាំងធ្វើឲ្យខេត្តមួយចំនួនរងជំនន់ទឹកភ្លៀង ។ យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយមបានឲ្យដឹងនៅថ្ងៃទី៩ សីហាថាកម្ពុជាបានរងឥទ្ធិពលនៃប្រព័ន្ធសម្ពាធទាប និងខ្យល់មូសុងនិរតីខ្លាំងដែលមានឥទ្ធិពលមកលើព្រះ រាជាណាចក្រកម្ពុជា (ដូចដែលក្រសួងបានជូនដំណឹងជាបន្តបន្ទាប់មក) ។
ពិសេសយោងតាមសភាពជាក់ស្តែង យើងឃើញថា មានតំបន់មួយចំនួនបាន និងកំពុងបន្តជួបនូវកង្វះខាតទឹកនៅឡើយដូចនៅភាគពាយព្យប្រទេសមានដូចជា ខេត្តបន្ទាយមានជ័យ ប៉ៃលិន និងខេត្ត ឧត្តរមានជ័យ ។ តែក៏នៅមានខេត្តមួយចំនួនទៀតភ្លៀងបានបន្តធ្លាក់ខ្លាំងយ៉ាងគំហុកដូចជា ៖ ខេត្តព្រះសីហនុ ភ្លៀងធ្លាក់គំហុកជាប់ៗគ្នា ក្នុងកម្រិតខ្លាំងមានបរិមាណជាងរយ មីលីម៉ែត្រជាប់ៗគ្នាស្ទើររៀងរាល់ថ្ងៃ ចាប់តាំងពីថ្ងៃទី១ ខែសីហាមកម្ល៉េះ ។
ប្រភពបានបន្តថា គិតមកទល់ថ្ងៃនេះ បរិមាណភ្លៀងសរុបមានរហូតដល់៨១៥ មីលីម៉ែត្រ និង បន្តធ្លាក់ទៅប៉ុន្មានថ្ងៃខាងមុខទៀត ។ នេះជាហេតុបណ្តាលឲ្យមានជំន ន់ទឹកភ្លៀងធ្ងន់ធ្ងរកើត មានឡើង ។ ទន្ទឹមនឹងស្ថានភាពនេះក្រសួងធនធានទឹក និងឧតុនិយមក៏បាន បញ្ជូនគ្រឿងចក្រធុនធ្ងន់ រួមសហការជាមួយអាជ្ញាធរខេត្តព្រះសីហនុ ដើម្បីជួយអន្តរាគមន៍រំដោះទឹកផងដែរ ។ ក្រសួងបានបន្តថា ខេត្តរតនគីរីតាមរយៈនៃទន្លេស្រែពកដែលផ្ទៃរងទឹកភ្លៀងប្រមាណ៦០ ភាគរយ ស្ថិតក្នុងទឹកដីនៃប្រទេសវៀតណាមធ្វើឲ្យទឹកទន្លេស្រែពកឡើងយ៉ាងគំហុក បណ្តាលឲ្យមានការប៉ះពាល់ដល់ស្រុកចំនួន០២ គឺស្រុកកូនមុំ និងស្រុកលំផាត់ ។
ដូចនេះការលិចលង់ដែលបាន និងកំពុងកើតមានមកនេះ គឺបណ្តាលមកពីបាតុភូតធម្មជាតិ ។ ចំពោះស្ថានភាពបែបនេះមិនមែនមានតែកម្ពុជាយើងនោះទេ សូម្បីតែបណ្តាប្រទេសដែលហៅថាជឿនលឿន និងអភិវឌ្ឍន៍ក៏មិនអាចជៀសរួចផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ