ការទទួលទានស្រាជាប្រចាំនិងទៀងទាត់អាចបង្កើនហានិភ័យកើតមានជំងឺមហារីកស្បែកដ៏គ្រោះថ្នាក់មួយប្រភេទឈ្មោះ Melanoma ដល់ទៅ៥៥ភាគរយ ។ ក្រុមអ្នកស្រាវជ្រាវបានអះអាងថា អ្នកផឹកជាមធ្យមពោលគឺច្រើនជាង១កែវក្នុងមួយថ្ងៃ បង្កើនហានិភ័យកើតមហារីកស្បែក melanoma ដល់២០ភាគរយ ខណៈអ្នកផឹកចាប់ពី៤កែវឡើងទៅក្នុងមួយថ្ងៃ ការប្រឈមឡើងដល់៥៥ភាគរយ ។
ការទទួលទានស្រាជាប្រចាំនិងទៀងទាត់អាចបង្កើនហានិភ័យកើតមានជំងឺមហារីកស្បែកដ៏គ្រោះថ្នាក់មួយប្រភេទឈ្មោះ Melanoma ដល់ទៅ៥៥ភាគរយ ។ ក្រុមអ្នកស្រាវជ្រាវបានអះអាងថា អ្នកផឹកជាមធ្យមពោលគឺច្រើនជាង១កែវក្នុងមួយថ្ងៃ បង្កើនហានិភ័យកើតមហារីកស្បែក melanoma ដល់២០ភាគរយ ខណៈអ្នកផឹកចាប់ពី៤កែវឡើងទៅក្នុងមួយថ្ងៃ ការប្រឈមឡើងដល់៥៥ភាគរយ ។
គ្រឿងស្រវឹងគឺជាកត្តាប្រឈមមួយក្នុងចំណោមកត្តាប្រឈមសំខាន់ៗនិងមានសក្តានុពលដែលនាំឱ្យកើតជំងឺមហារីក ។ ប្រហែលជា ៣,៦ភាគរយនៃអ្នកកើតជំងឺមហារីកគ្រប់ប្រភេទ(បុរស ៥,២ភាគរយនិងស្ត្រី ១,៧ភាគរយ)ទូទាំងពិភពលោកគឺបង្កឡើងដោយការប្រើប្រាស់គ្រឿងស្រវឹង ។
ទោះជាយ៉ាងនេះក្តី មនុស្សជាច្រើនហាក់មិនជឿឬមិនចង់ជឿថា គ្រឿងស្រវឹងអាចនាំឱ្យខូចសុខភាពរបស់ពួកគេនោះទេ ។ ផ្ទុយមកវិញ ពួកគេយល់ថា ការប្រើប្រាស់គ្រឿងស្រវឹងនឹងនាំឱ្យសុខភាពកាន់តែល្អប្រសើរទៅវិញ ។ មូលហេតុ ពីព្រោះ មកទល់នឹងពេលនេះ នៅតែមានអ្នកវិទ្យាសាស្ត្រមួយចំនួនអះអាងថា គ្រឿងស្រវឹងមិនប៉ះពាល់ដល់សុខភាពទេ ល្គឹកណាគេប្រើប្រាស់វាក្នុងកម្រិតមួយសមល្មម ។ ជាក់ស្តែង ការរកឃើញមួយដោយអ្នកវិទ្យាសាស្ត្រសាកលវិទ្យាល័យកាលីហ្វ័រញ៉ា សហរដ្ឋអាមេរិកនិងដែលបានចុះផ្សាយក្នុងព្រឹត្តិបត្រ Vaccineកាលពីពេលថ្មីៗបានបង្ហាញថា ការប្រើប្រាស់គ្រឿងស្រវឹងក្នុងកម្រិតមធ្យម(ប្រហែលជា១កែវ)ជួយជំរុញដល់ប្រព័ន្ធការពាររាងកាយឱ្យកាន់តែរឹងមាំ ជាពិសេសគឺជំរុញសមត្ថភាពរាងកាយក្នុងការប្រឆាំងនឹងជំងឺឆ្លងផ្សេងៗ ។
លោកស្រី Ilhem Messaoudi អ្នកដឹកនាំការស្រាវជ្រាវបានថ្លែងថា ៖« នេះជាការសិក្សាលើកទី១ដែលបង្ហាញថា ប្រើប្រាស់គ្រឿងស្រវឹងជួយជំរុញដល់ការឆ្លើយតបរបស់ប្រព័ន្ធការពាររាងកាយទៅនឹងថ្នាំបង្ការរោគ »៕
ចែករំលែកព័តមាននេះ