របាយការណ៍ស្រាវជ្រាវមួយចុះផ្សាយក្នុងព្រឹត្តិបត្រ Lancet បានបង្ហាញថា កំណើននៃអត្រា ស្លា.ប់ទាំងវ័យក្មេងនៅប្រទេសរុស្ស៊ីបង្កឡើងជា ចម្បងដោយសារការផឹកស្រាច្រើនហួសប្រមាណ ជាពិសេសគឺស្រាល្បី ឈ្មោះរបស់ប្រទេសនេះឈ្មោះ Vodka ។ ២៥ភាគរយនៃបុរសរុស្ស៊ីដែលបានស្លា.ប់មុនអាយុ៥៥ឆ្នាំគឺបង្កដោយគ្រឿងស្រវឹង ។ គ្រឿងស្រវឹងបានបណ្តាលឱ្យបុរសទាំងនោះកើតជំងឺថ្លើម
របាយការណ៍ស្រាវជ្រាវមួយចុះផ្សាយក្នុងព្រឹត្តិបត្រ Lancet បានបង្ហាញថា កំណើននៃអត្រា ស្លាប់ទាំងវ័យក្មេងនៅប្រទេសរុស្ស៊ីបង្កឡើងជា ចម្បងដោយសារការផឹកស្រាច្រើនហួសប្រមាណ ជាពិសេសគឺស្រាល្បី ឈ្មោះរបស់ប្រទេសនេះឈ្មោះ Vodka ។ ២៥ភាគរយនៃបុរសរុស្ស៊ីដែលបានស្លាប់មុនអាយុ៥៥ឆ្នាំគឺបង្កដោយគ្រឿងស្រវឹង ។ គ្រឿងស្រវឹងបានបណ្តាលឱ្យបុរសទាំងនោះកើតជំងឺថ្លើម គ្រោះថ្នាក់ចរាចរណ៍ ស្រវឹងកាប់ចាក់គ្នាឬក៏ពុលស្រាស្លាប់តែម្តង ។
នៅក្នុងការអង្កេតតាមដានលើបុរស១៥ម៉ឺននិង១ពាន់នាក់ក្នុងទីក្រុង៣របស់ប្រទេសរុស្ស៊ីរយៈពេល១០ឆ្នាំ ក្រុមអ្នកស្រាវជ្រាវមកពីមជ្ឈមណ្ឌលជំងឺមហារីករុស្ស៊ី សាកលវិទ្យាល័យ Oxford ចក្រភពអង់គ្លេសនិងភ្នាក់ងារអន្តរជាតិស្រាវជ្រាវពីជំងឺមហារីក ប្រទេសបារាំងបានពិនិត្យឃើញថា ៨ពាន់នាក់ដែលបានស្លាប់អំឡុងចន្លោះពេលអង្កេតតាមដានគឺបង្កដោយការសេពគ្រឿងស្រវឹង ។ នៅក្នុង៤ម៉ឺន៩ពាន់គ្រួសារដែលបានឆ្លើយសំណួររបស់ក្រុមអ្នកស្រាវជ្រាវសុទ្ធតែបានបញ្ជាក់ថា អ្នកជាទីស្រឡាញ់របស់ខ្លួនដែលបានស្លាប់គឺសុទ្ធតែជាអ្នកមានទម្លាប់ផឹកស្រា ។
សាស្ត្រាចារ្យ Sir Richard Petoមកពីសាកលវិទ្យាល័យ Oxford មានប្រសាសន៍ថា ៖«អត្រាស្លាប់របស់បុរសរុស្ស៊ីបានប្រែប្រួលខ្លាំងរយៈពេល៣០ឆ្នាំចុងក្រោយនេះខណៈ ការរឹតបន្តឹងលើការប្រើប្រាស់គ្រឿងស្រវឹង និងលំនឹងសង្គមនៅក្រោមការដឹកនាំរបស់ប្រធានាធិបតី ហ្គ័របាឆេវ យែលស៊ីន និងពូទីន មានការប្រែប្រួល ។ បញ្ហាចម្បងដែលញ៉ាំងឱ្យមានការផ្លាស់ប្តូរ ជាពិសេសកំណើនអត្រាអ្នកស្លាប់មុនអាយុ៥៥ឆ្នាំគឺបណ្តាលមកពីការផឹកស្រា Vodka ច្រើនពេក»។
កាលឆ្នាំ១៩៨៥ មេដឹកនាំសហភាពសូវៀតចុងក្រោយគេគឺលោក មីគែល ហ្គ័របាឆេវបានបញ្ជាឱ្យកាត់បន្ថយការផលិតស្រា Vodka និងបានហាមការលក់ដូរស្រានេះមុនបាយថ្ងៃត្រង់ទៀតផង ។ ក្រុមអ្នកស្រាវជ្រាវថា នៅពេលមានការដាក់កម្រិតបែបនេះ ការប្រើប្រាស់គ្រឿងស្រវឹងបានធ្លាក់ចុះប្រមាណជា ១/៤ ហើយអត្រាស្លាប់ក៏ធ្លាក់ចុះដូចគ្នាដែរ ។ នៅពេលរបបកុម្មុយនីសបានដួលរលំទៅ ជនជាតិរុស្ស៊ីបានចាប់ផឹកស្រាកាន់តែច្រើនជាងមុន ហើយអត្រាស្លាប់ក៏កើនខ្ពស់ផងដែរ ។
លោកសាស្ត្រាចារ្យ Sir Richardបានបន្តថា ៖«ក្នុងរបបលោកប្រធាននាធិបតីបូរីស យែលស៊ីន អត្រាស្លាប់បុរសវ័យក្មេងកើនទ្វេដង ។ នោះជាពេលដែលសង្គមមានការផ្លាស់ប្តូរហើយស្រា Vodka ក៏កាន់តែសម្បូរបែប »។
ស្ថិតិកាលឆ្នាំ២០១១ បង្ហាញថា ក្នុងមួយឆ្នាំៗ បុរសរុស្ស៊ីក្នុងម្នាក់ផឹកគ្រឿងស្រវឹងជាមធ្យមចំណុះប្រហែលជា ១៣លីត្រដោយក្នុងនោះ៨លីត្រគឺស្រា Vodka ។
លោ កសា ស្ត្រាចារ្យ David Zaridzeមកពីមជ្ឈមណ្ឌលស្រាវជ្រាវជំងឺមហារីករុស្ស៊ីបាននិយាយថា ៖«ជាធម្មតាជនជាតិរុស្ស៊ីផឹកស្រាច្រើនណាស់ ។ ពួកគេថា ផឹក ច្រើន គឺដើម្បីទប់នឹងអាកាសធាតុត្រជាក់ ។ ប៉ុន្តែ នេះគ្រាន់តែជាការដោះសាមួយប៉ុណ្ណោះ ។ នេះជាបែបបទរស់នៅដែលចាំបាច់ត្រូវផ្លាស់ប្តូរចោល» ៕
ចែករំលែកព័តមាននេះ