របាយការណ៍នៃការរកឃើញថ្មីមួយបានបង្ហាញថា ទម្លាប់មិនទទួលទានអាហារពេលព្រឹក ឬទទួលទានដែរ ប៉ុន្តែតិចតួចនឹងនាំឱ្យយុវវ័យប្រឈមខ្ពស់នឹងបញ្ហាសុខភាពនានារយៈពេល២០ទៅ៣០ឆ្នាំក្រោយក្នុងជីវិតរបស់ពួកគេ ។
របាយការណ៍នៃការរកឃើញថ្មីមួយបានបង្ហាញថា ទម្លាប់មិនទទួលទានអាហារពេលព្រឹក ឬទទួលទានដែរ ប៉ុន្តែតិចតួចនឹងនាំឱ្យយុវវ័យប្រឈមខ្ពស់នឹងបញ្ហាសុខភាពនានារយៈពេល២០ទៅ៣០ឆ្នាំក្រោយក្នុងជីវិតរបស់ពួកគេ ។
ក្រុមអ្នកស្រាវជ្រាវរបស់ប្រទេសស៊ុយអែតបានរកឃើញថា បុគ្គលដែលទទួលទានអាហារពេលព្រឹកតិចតួចឬក៏មិនទទួលទានសោះតែម្តងអំឡុងពេលពួកគេស្ថិតក្នុងតរុណវ័យ នឹងនាំឱ្យកើតមានជំងឺលើសឈាម ទឹកនោមផ្អែមប្រភេទ-២ និងធាត់ដុះពោះរយៈពេល២៧ឆ្នាំក្រោយ ។ ការ ពិសោធលើសិស្សសាលាមួយចំនួនធំពីសំណាក់ក្រុមអ្នកស្រាវជ្រាវមកពីសាកលវិទ្យាល័យ UmeeUniversity បានរកឃើញថា អ្នកដែលគេចវេះមិនទទួលទានអាហារពេលព្រឹក ឬទទួលទានដែរ ប៉ុន្តែតិចតួចប្រឈមនឹងលក្ខខណ្ឌវេជ្ជសាស្ត្រ Meta- bolic Sydromeដល់ទៅ៦៨ភាគរយធៀបទៅនឹងក្រុមសិស្ស សាលាដែលទទួួលទានអាហារពេលព្រឹកឆ្អែតពេញពោះ ។ Metabolic Sydrome សំដៅទៅលើអ្នកកើតមាន ជំងឺលើសឈាមទឹកនោមផ្អែមប្រភេទ-២ និងធាត់លើសទម្ងន់ក្នុងពេលព្រមគ្នា ។
អ្នកសរសេររបាយការណ៍ពីការរកឃើញ MariaWennbergបាននិយាយថា ៖«ការសិក្សាបន្ថែមទៀតចាំបាច់ត្រូវធ្វើនៅពេលក្រោយដើម្បីស្វែងយល់ឱ្យកាន់តែច្បាស់នូវយន្តការទំនាក់ទំនងគ្នារវាងការមិនទទួលទានអាហារពេលព្រឹកនិង MetabolicSydrome ។ ទោះជាយ៉ាងណា មិនខុសពីការរកឃើញមុនៗនោះទេ ការរកឃើញរបស់យើងលើកនេះគឺបានបញ្ជាក់យ៉ាងច្បាស់ថាអាហារពេលព្រឹកអន់ថយគឺជះឥទ្ធិពលអវិជ្ជមានទៅលើការគ្រប់គ្រងកម្រិតស្ករក្នុងឈាម »។
ដោយឡែក ការសិក្សាមុននេះធ្វើឡើងដោយអ្នកវិទ្យាសាស្ត្រមកពីសាកលវិទ្យាល័យ Tev Avivប្រទេសអុីស្រាអែល បានបង្ហាញថា ទទួលទានអាហារពេលព្រឹកដែល សម្បូរដោយកាឡូរីច្រើនជាងអាហារ២ពេលផ្សេងទៀតអាចកាត់បន្ថយការធាត់ដុះពោះ និងជំងឺទឹកនោមផ្អែមប្រភេទ-២ ។ នេះមានន័យថា ទទួលអាហារពេលព្រឹកឆ្អែត ប៉ុន្តែបន្ថយការទទួលទានអាហារថ្ងៃត្រង់និងពេលល្ងាចគឺអាចបញ្ចុះទម្ងន់ខ្លួនជាមធ្យមបាន៨គីឡូក្រាម ៕
ចែករំលែកព័តមាននេះ