អ្នកវិទ្យាសាស្ត្រអង់គ្លេសបានព្រមានថា ការប្រើប្រាស់ទឹកខ្ពុរមាត់ជាប្រចាំអាចនាំមហន្តរាយដល់សុខភាពដោយបង្កើនហានិភ័យកើតមានជំងឺគាំងបេះដូងនិងដាច់សរសៃឈាមខួរក្បាល ។ នេះក៏ព្រោះ ទឹកខ្ពុរមាត់បានសម្លា.ប់បាក់តេរីល្អដែលមាននាទីជួយសម្រួលសរសៃឈាម ហើយទីបំផុតបណ្តាលឱ្យសម្ពាធឈាមឡើងខ្ពស់ ។
អ្នកវិទ្យាសាស្ត្រអង់គ្លេសបានព្រមានថា ការប្រើប្រាស់ទឹកខ្ពុរមាត់ជាប្រចាំអាចនាំមហន្តរាយដល់សុខភាពដោយបង្កើនហានិភ័យកើតមានជំងឺគាំងបេះដូងនិងដាច់សរសៃឈាមខួរក្បាល ។ នេះក៏ព្រោះ ទឹកខ្ពុរមាត់បានសម្លាប់បាក់តេរីល្អដែលមាននាទីជួយសម្រួលសរសៃឈាម ហើយទីបំផុតបណ្តាលឱ្យសម្ពាធឈាមឡើងខ្ពស់ ។
ការពិសោធលើអ្នកស្ម័គ្រចិត្តបានបង្ហាញថា ទឹកខ្ពុរមាត់ខ្លះដែលផ្ទុកទៅដោយសារធាតុប្រឆាំងនឹងអតិសុខុមប្រាណមានកម្លាំងខ្លាំងលើសលប់ បានធ្វើឱ្យសម្ពាធឈាមឡើងខ្ពស់តែប៉ុន្មានម៉ោងប៉ុណ្ណោះ បន្ទាប់ពីការប្រើប្រាស់រួច ។
អ្នកដឹកនាំការសិក្សា សាស្ត្រាចារ្យ Amrita Ahluwalia មកពីសាកលវិទ្យាល័យ Queen Mary University of Londonបានថ្លែងថា លោកស្រីមិនពេញចិត្តនឹងការរីករាលនៃការប្រើទឹកខ្ពុរមាត់ដែលផ្ទុកដោយសារធាតុប្រឆាំងអតិសុខុមប្រាណខ្លាំងនោះទេ ។ លោកស្រីបន្តថា ៖«ការសម្លាប់អតិសុខុមប្រាណទាំងនេះបន្តិចម្តងៗពីមួយថ្ងៃទៅមួយថ្ងៃគឺជាគ្រោះមហន្តរាយមួយ ។ នៅពេលសម្ពាធឈាមឡើងខ្ពស់ វានឹងធ្វើឱ្យប៉ះពាល់ដល់សុខភាពធ្ងន់ធ្ងរក្នុងនោះ មានដូចជា នាំឱ្យកើតជំងឺគាំងបេះដូង និងដាច់សរសៃឈាមខួរក្បាលជាដើម ។ គ្មានការយកចិត្តទុកដាក់ឱ្យបានគ្រប់គ្រាន់ជំងឺទាំងនេះនឹងសម្លាប់អ្នកបានដោយងាយស្រួល »។ សាស្ត្រាចារ្យរូបនេះបានបន្ថែមថា ៖«យើងមិនចង់ឱ្យអ្នកមានបញ្ហាអញ្ចាញនិងជំងឺមាត់ធ្មេញបញ្ឈប់ការប្រើប្រាស់ទឹកខ្ពុរមាត់នោះទេ ប៉ុន្តែ យើងចង់សួរទៅអ្នកផ្សេងទៀតថា ហេតុអ្វីបានជាពួកគេចង់ប្រើប្រាស់ » ។
យ៉ាងណាក៏ដោយ លទ្ធផលនៃការសិក្សាលើកនេះនៅមិនទាន់បានទទួលស្គាល់ទាំងស្រុងពីសំណាក់ទន្តពេទ្យមួយចំនួននៅប្រទេសអង់គ្លេសនោះទេ ។ ពួកគេបញ្ជាក់ថា វាជាសិក្សាទ្រង់ទ្រាយតូចនៅឡើយហើយថា គេគួរធ្វើការសិក្សាស្រាវជ្រាវបន្ថែមទៀតពាក់ព័ន្ធនឹងប្រធានបទនេះ ៕
ចែករំលែកព័តមាននេះ