រាជធានីភ្នំពេញ ៖ គេហទំព័រកោះសន្តិភាពដែលតែងតែផ្សព្វផ្សាយនូវព័ត៌មានពិត និងពេញនិយមបំផុតនៅកម្ពុជា សូមជូនដំណឹងដល់មិត្តអ្នកអានទាំងអស់ឱ្យបានជ្រាបថា មានជនខិលខូចបានបង្កើតវ៉េបសាយមួយដែលដូចនឹងវ៉េបសាយកោះសន្តិភាព ដោយផ្សាយនូវព័ត៌មានពីការលក់ផលិតផល(ទូរស័ព្ទដៃ) ដែលពួកគេចង់ឱ្យមិត្តអ្នកអានទាំងអស់ចុចទៅលើលីង(Link)នោះ ។
ជាក់ស្តែង ប៉ុន្មានថ្ងៃនេះ គេទំព័រកោះសន្តិភាពដែលក្លែងក្លាយនោះ បានផ្សាយព័ត៌មានលើផលិតផល Apple ដែលមិនមែនជារបស់កោះសន្តិភាពនោះទេ ។ ប្រសិនបើមិត្តអ្នកអានចុចចូល link លើវ៉េប សាយនោះ គឺអាចបង្កផលប៉ះពាល់ហើយ ។ ដូច្នេះ សូមមិត្តអ្នកអានទាំងអស់ កុំភាន់ច្រឡំនិងចាញ់បោក លើវ៉េបសាយក្លែងក្លាយនេះឱ្យសោះ ។
ជាការពិត គេហទំព័រកោះសន្តិភាពក៏បានដឹងនិងកំពុងតាមស្វែងរកប្រភពអ្នក ដែលបានបង្កើតវ៉េបសាយបន្លំនេះហើយ ដើម្បីចាត់ការតាមច្បាប់ ។ កោះសន្តិភាព សូមថ្លែងអំណរអរគុណ ចំពោះមិត្តអ្នកអានទាំងអស់ ដែលមានភាពជឿជាក់និងគាំទ្រសារព័ត៌មានកោះសន្តិភាព ដោយបានជួយប្រាប់ដំណឹងនេះមកក្រុមការងារយើងខ្ញុំវិញផងដែរ ។ (សម្រួលដោយ៖ ស្រីណា)
ចែករំលែកព័តមាននេះ