រាជធានីភ្នំពេញ ៖ ក្រសួងយុត្តិធម៌នឹងដាក់ដំណើរការសាលាឧទ្ធរណ៍តំបន់នៅក្នុងខេត្តចំនួន៣ និងតុលាការជំនាញបន្ថែមទៀត នៅឆ្នាំ២០២០ នេះបើតាមការឲ្យពីអ្នកនាំពាក្យក្រសួង យុត្តិធម៌លោកជិន ម៉ាលីន ។ លោកជិន…
រាជធានីភ្នំពេញ ៖ ក្រសួងយុត្តិធម៌នឹងដាក់ដំណើរការសាលាឧទ្ធរណ៍តំបន់នៅក្នុងខេត្តចំនួន៣ និងតុលាការជំនាញបន្ថែមទៀត នៅឆ្នាំ២០២០ នេះបើតាមការឲ្យពីអ្នកនាំពាក្យក្រសួង យុត្តិធម៌លោកជិន ម៉ាលីន ។ លោកជិន ម៉ាលីន បានលើកឡើងថា ក្នុងសន្និសីទសារព័ត៌មានស្តីពី «សមិទ្ធផល១ឆ្នាំ ក្រោយការបោះឆ្នោត» នាព្រឹកថ្ងៃទី០១ សីហានេះ នៅទីស្តីការគណៈរដ្ឋមន្ត្រីយ៉ាងដូច្នេះថា បច្ចុប្បន្ននេះកម្ពុជាមានតែសាលាឧទ្ធរណ៍តែមួយនោះទេ គឺសាលាឧទ្ធរណ៍ភ្នំពេញដែលដោះស្រាយគ្រប់សំណុំរឿងដែលបានបញ្ជូនពីគ្រប់សាលាដំបូងរាជធានីទាំងអស់ ។
លោកបានបញ្ជាក់ថា ៖«អីញ្ចឹងរយៈពេល១ឆ្នាំនេះ យើងបានសាងសង់សាលាឧទ្ធរណ៍តំបន់នេះបានចំនួន៣ខេត្ត គឺនៅខេត្តត្បូងឃ្មុំ ខេត្តបាត់ដំបង់ និងខេត្តព្រះសីហនុ ហើយដំណើរការសាងសង់នេះបាន៨០ភាគរយហើយ និងរំពឹងថា ដាក់ឲ្យដំណើរការនៅឆ្នាំក្រោយនេះ(២០២០)» ។ ជាមួយគ្នានោះដែរ លោក ជិន ម៉ាលីន ក៏បានឲ្យដឹងថា ទាក់ទង និងអង្គការរៀបចំចាត់តាំងតុលាការផងដែរ គឺការដាក់ឲ្យដំណើរតុលាការជំនាញដែលច្បាប់បាន បង្កើតមាន៤ គឺ១-តុលាការព្រហ្មទណ្ឌ ២-តុលាការរដ្ឋប្បវេណី ៣-តុលាការពាណិជ្ជកម្ម និង៤- តុលាការការងារ ។ ប៉ុន្តែមកដល់បច្ចុប្បន្ននេះ តុលាការដែលដំណើរការមានតែ២ គឺ តុលាការព្រហ្មទណ្ឌ និងតុលាការរដ្ឋប្បវេណី ចំណែកតុលាការ២ទៀត កំពុងស្ថិតក្នុងដំណើរសិក្សាការៀបចំធនធាមនុស្ស និងការរៀបចំក្របខណ្ឌច្បាប់ គតិយុត្តិធម៌ ដើម្បីដាក់ឲ្យដំណើរការនៅឆ្នោតក្រោយនៃតុលាការទាំងពីរនេះ (តុលាការពាណិជកម្ម និងតុលាការងារ) ។
ជាមួយគ្នានោះដែរ អ្នកនាំពាក្យក្រសួងយុត្តិធម៌ក៏បានឲ្យដឹងថា ក្រសួងនឹងបង្កើតសាលាដំបូងនៅខេត្តកែបមួយទៀត ដែលបច្ចុប្បន្នមានតែតុលាការដំបូងតែ២៤ ។ ហើយនៅពេលបច្ចុប្បន្ននេះខេត្តកែបបានប្រើប្រាស់តុលាការរួមគ្នាជាមួយតុលាការខេត្តកំពត ។ លោកបញ្ជាក់ថា ៖«អីញ្ចឹងទេអាចដំណើរការនៅឆ្នាំក្រោយ ប្រសិនអ្វីៗ ធ្វើតាមការគ្រោងទុករបស់យើង រួមមានគម្រោងហិរញ្ញវត្ថុធនធានមនុស្ស និងបទដ្ឋានគតិយុត្តិធម៌ យើងអាចបើកការសាងសង់តុលាការដំបូងខេត្តកែបនៅឆ្នាំក្រោយ» ។
លោកជិន ម៉ាលីន ក៏បានលើកពីមូលហេតុដែលបង្កើតស្ថាប័នតុលាការ ព្រមទាំងតុលាការជំនាញនេះ គឺជាគោលការណ៍ការធ្វើកំណែទម្រង់ប្រព័ន្ធយុត្តិធម៌ គឺដើម្បីឲ្យប្រជាពលដ្ឋទទួលបានយុត្តិធម៌នៅក្នុងសង្គមតាមរយៈការលើកតម្កើងការទទួលបានយុត្តិធម៌ ។ ការទទួលបានយុត្តិធម៌ គឺធ្វើយ៉ាងណាឲ្យប្រជាពល រដ្ឋទទួលបានសេវាយុត្តិធម៌មានភាពងាយស្រួល ។ លោកបន្ថែមថា ក្នុងរយៈពេល១ឆ្នាំ នៃអាណត្តិរាជរដ្ឋាភិបាលក្រសួងយុត្តិធម៌បានសម្រេចលទ្ធផលមួយចំនួន ដែលសំខាន់ក្នុងប្រវត្តិសាស្ត្រនោះ គឺក្រសួងយុត្តិធម៌បានបង្កើតអង្គភាពរដ្ឋបាលតុលាការ ។ លោកបញ្ជាក់ថា ៖«អីញ្ចឹងយើងបង្កើតអង្គភាពរដ្ឋាបាលតុលាការនេះ នៅគ្រប់សាលាដំបូងនិងតុលាការគ្រប់ជាន់ថ្នាក់ (សាលាឧទ្ធរណ៍ និងតុលាការកំពូល) ។
អង្គភាពតុលាការ គឺជា ច្រកចេញចូលតែមួយ សម្រាប់សាធារណៈជនធ្វើការទាក់ទង និងតុលាការក៏ដូចជា អ្នកនាំ ពាក្យរបស់តុលាការផងដែរ ។ ក្នុងរយៈ១ឆ្នាំនេះ យើងបានធ្វើទំនើបកម្មដោយបានបំពាក់ប ច្ចេកទេសកុំព្យូទ័រ ដើម្បីគ្រប់គ្រងដំណុំរឿង ។ អីញ្ចឹងមកដល់ពេលនេះតុលាការសាលាដំបូងមាន២៤ ហើយ២១សាលាបំដូង ហើយបានបំពាក់ឧបករណ៍បច្ចេកទេសគ្រប់គ្រងសំណុំរឿងតាមប្រព័ន្ធកុំព្យូទ័រ និងបង្កើតការគ្រប់គ្រងទិន្នន័យតាមរយៈប្រព័ន្ធកុំព្យូទ័រ ហើយឆ្នាំបន្តបន្តាប់នឹងដាក់ឲ្យដំណើរនៅសាលាដំបូងទាំងអស់» ៕ កែសម្រួលដោយ ៖ សុឃាក់
ចែករំលែកព័តមាននេះ