សហរដ្ឋអាមេរិក ៖ អភិបាលរដ្ឋកាលីហ្វ័រនីញ៉ាលោក GAVIN NEWSOM កាលពីថ្ងៃទី៣០កក្កដា បានប្រកាសច្បាប់មួយដែលរារាំងលោក ដូណាល់ ត្រាំ មិនឲ្យមានឈ្មោះក្នុងបណ្ដាសន្លឹកឆ្នោតនៃរដ្ឋនោះ សម្រាប់ការបោះឆ្នោតសម្រាំងនៃគណបក្សរបស់លោក សម្រាប់ការបោះប្រធានាធិបតី ប្រសិនបើលោកមិនព្រមចេញផ្សាយការប្រកាសពន្ធរបស់លោកទេនោះ ។
ច្បាប់នោះដែលចូលជាធរមានចាប់ពីថ្ងៃទី៣០ កក្កដា ទៅមិនចែងចំឈ្មោះលោកប្រធានាធិបតី ត្រាំ ដែលលើកលែងមានរឿងអ្វីគួរឲ្យភ្ញាក់ផ្អើល នឹងមិនឈរឈ្មោះដើម្បីបន្តអាណត្តិទី២ ក្នុងការបោះឆ្នោតឆ្នាំ២០២០ឡើយ ។ ទោះបីយ៉ាងណាការបោះឆ្នោតសម្រាំងនៃគណបក្សសាធារណរដ្ឋ ក្នុងដំណាក់កាលនេះមានលទ្ធភាពតិចណាស់ ព្រោះសមាជិកសភាភាគច្រើននៃគណបក្សនោះនៅគាំទ្រលោក ត្រាំ ។
លោក ត្រាំ រហូតមកទល់ពេលនេះនៅតែបដិសេធពុំព្រមលាតត្រដាងការបង់ពន្ធរបស់លោកដូចដែលគ្រប់ប្រធានាធិបតីមុនៗលោកបានធ្វើចាប់តាំងពី៤០ឆ្នាំមកហើយ ខណៈពួកអ្នកប្រជាធិបតេយ្យ តែងស្វែងរកតាមគ្រប់មធ្យោបាយចាប់បង្ខំលោកឲ្យប្រកាសពីការបង់ពន្ធ ។
ច្បាប់នោះរបស់រដ្ឋកាលីហ្វ័រនីញ៉ាចែងថា រាល់បេក្ខជនប្រធានាធិបតី ត្រូវតែប្រកាសការបង់ពន្ធ៥ឆ្នាំរបស់ខ្លួន ដើម្បីអាចចូលរួមក្នុងការបោះឆ្នោត សម្រាប់ជ្រើសរើសបេក្ខជនសម្រាំងនៃគណបក្សមួយនៅកាលីហ្វ័រនីញ៉ា ជារដ្ឋមានប្រជាជនច្រើនជាងគេ ។ ច្បាប់នោះត្រូវបានសភារដ្ឋអនុម័តកាលពីខែមុន៕
កែសម្រួលដោយ ៖ សំណាង
ចែករំលែកព័តមាននេះ