រាជធានីភ្នំពេញ​៖ គណៈកម្មាធិការជាតិ​គ្រប់គ្រងគ្រោះមហន្តរាយ ​បានរៀបចំបើកសិក្ខ​សាលាមួយស្តីពី​ការអនុវត្តគម្រោង​ដល់ដំណើរការរៀបចំ​ផែនការថ្នាក់ក្រោមជាតិ​ ដោយរួមបញ្ចូល​ហានិភ័យ​អាកាសធាតុ​។​

សិក្ខាសាលានេះ​បានប្រព្រឹត្តទៅនៅសណ្ឋាគារហ៊ីម៉ាវ៉ារី​ ក្នុងរាជធានី​ភ្នំពេញនាព្រឹកថ្ងៃទី០៦ ​កុម្ភៈ​ ២០១៤​ ក្រោមអធិបតីភាពលោក ប៉ុន ណារិទ្ឋ​ អគ្គលេខាធិការ​នៃគណៈកម្មាធិការ​ជាតិ​​គ្រប់គ្រង​​គ្រោះ​មហាន្តរាយ ​តំណាងដ៏ខ្ពង់ខ្ពស់​លោកទេសរដ្ឋមន្រ្តី​ ញឹម វណ្ណដា​ អនុប្រធានទី១​នៃគណៈកម្មាធិការជាតិ​គ្រប់គ្រង​គ្រោះមហន្តរាយ ។

បើតាមអ្នកឆ្លើយឆ្លង​ព័ត៌មាន​កោះសន្តិភាព​បានបញ្ជាក់ឲ្យដឹងទៀតថា​ គោលបំណងសំខាន់​នៃសិក្ខាសាលានេះ ​គឺដើម្បីពិភាក្សាជាមួយ​គណៈកម្មការ​គ្រប់គ្រង​គ្រោះមហន្តរាយ​ថ្នាក់ខេត្ត​ និង ​ក្រសួងពាក់ព័ន្ឋ​ស្តីពី​គ្រោះមហន្តរាយ​ថ្នាក់ក្រោមជាតិ ​ដើម្បីធានា​ឲ្យមានតម្លាភាព​ជាមួយ​ថ្នាក់ជាតិ ៕