រាជធានីភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅព្រឹកថ្ងៃទី០៦ កុម្ភៈ ២០១៤ អញ្ជើញដឹកនំាគណៈប្រតិភូជាន់ខ្ពស់ទៅបំពេញទស្សនកិច្ចនៅសាធារណរដ្ឋប្រជាធិបតេយ្យប្រជាមានិតឡាវ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងថា នៅព្រលានយន្តហោះអន្តរជាតិភ្នំពេញនាម៉ោង៨ព្រឹកនេះដែរ ក៏មានវត្តមានលោក លោកស្រីជាឧបនាយករដ្ឋមន្រ្តី រដ្ឋមន្រ្តី រដ្ឋលេខាធិការ
រាជធានីភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅព្រឹកថ្ងៃទី០៦ កុម្ភៈ ២០១៤ អញ្ជើញដឹកនំាគណៈប្រតិភូជាន់ខ្ពស់ទៅបំពេញទស្សនកិច្ចនៅសាធារណរដ្ឋប្រជាធិបតេយ្យប្រជាមានិតឡាវ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងថា នៅព្រលានយន្តហោះអន្តរជាតិភ្នំពេញនាម៉ោង៨ព្រឹកនេះដែរ ក៏មានវត្តមានលោក លោកស្រីជាឧបនាយករដ្ឋមន្រ្តី រដ្ឋមន្រ្តី រដ្ឋលេខាធិការ និងសមាជិកសមាជិការាជរដ្ឋាភិបាលអាណត្តិទី៥ និង មន្រ្តីស្ថានទូតវៀតណាម ក៏បានអញ្ជើញជូនដំណើរសម្តេចនាយករដ្ឋមន្រ្តីផងដែរ ។
យោងតាមសេចក្តីជូនព័ត៌មានរបស់ក្រសួងការបរទេសនិងសហប្រតិបត្តិការអន្តរជាតិបានបញ្ជាក់ឲ្យដឹងថា នៅក្នុងដំណើរទស្សនកិច្ចដែលធ្វើឡើងតាមការអញ្ជើញរបស់លោកនាយករដ្ឋមន្រ្តីឡាវ ថងស៊ីង ថំាម៉ាវង្សនេះដែរ សម្តេចតេជោ ហ៊ុន សែន និង លោក ថងស៊ីង ថំាម៉ាតីពីវង្ស នឹងជួបពិភាក្សាការងារផ្លូវការ ហើយនឹងអញ្ជើញធ្វើជាអធិបតីក្នុងពិធីចុះហត្ថលេខាលើឯកសារដូចខាងក្រោម ៖
០១-អនុស្សារណៈនៃការយោគយល់គ្នា ស្តីពីកិច្ចសហប្រតិបត្តិការអភិវឌ្ឍន៏វិស័យសុខាភិបាល ។
០២-អនុស្សារណៈនៃការយោគយល់គ្នា ស្តីពីកិច្ចសហប្រតិបត្តិការលើវិស័យច្បាប់ និង យុត្តិធ៌ម ។
០៣-អនុស្សារណៈនៃការយោគយល់គ្នា ស្តីពីកិច្ចសហប្រតិបត្តិការលើវិស័យវប្បធ៌ម និងសិល្បៈសម្រាប់ឆ្នាំ២០១៤-២០១៧ ។
០៤-កិច្ចព្រមព្រៀង ស្តីពីវិស័យអប់រំសម្រាប់ឆ្នាំ២០១៤-២០១៨ ។
០៥-ផែនការកិច្ចសហប្រតិបត្តិការសម្រាប់ឆ្នាំ២០១៤ រវាងក្រសួងមហាផ្ទៃកម្ពុជានិងក្រសួងសន្តិសុខសាធារណៈឡាវ ។
០៦-អនុស្សារណៈនៃការយោគយល់គ្នាស្តីពីការបង្កើតអគ្គកុងស៊ុលរវាងកម្ពុជា និង ឡាវ ។
០៧-កិច្ចព្រមព្រៀង ស្តីពីការបង្កើតចំណងសម្ព័ន្ឋមេត្រីភាពរវាងរាជធានីភ្នំពេញ និងរដ្ឋធានីវៀងចន្ទ័ ។
ក្រៅពីនេះសម្តេចអគ្គមហាសេនាបតីតេជោ ហ៊ុន សែន នឹងជួបសម្តែងការគួរសមដាច់ដោយឡែកជាមួយលោក ជួមម៉ាលី សៃញ៉ាសន ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ និង លោកស្រី ប៉ានី យ៉ាថរទូ ប្រធានសភាជាតិឡាវ ៕
ចែករំលែកព័តមាននេះ