បណ្តាភេសជ្ជៈប៉ូវកម្លាំងភាគច្រើនគឺផ្ទុកទៅដោយសារធាតុកាហ្វេអីុននិងស្ករយ៉ាងច្រើនលើសលប់ ។ ការប្រើប្រាស់សារធាតុទាំងនេះជាប្រចាំនឹងផ្តល់គ្រោះថ្នាក់ចំពោះសុខភាពជាមិនខាន ។ គេអាចជៀសវាងការប្រើប្រាស់ភេសជ្ជៈប្រភេទនេះច្រើនលើសលប់ដោយការប្រើប្រាស់ទឹកជាជំនួសនិងការហាត់ប្រាណជាដើម ។ ហេតុអ្វីបានជាអ្នកជំនាញសុខភាពអះអាងថា ប្រើប្រាស់ភេសជ្ជៈប៉ូវកម្លាំងជាប្រចាំប៉ះពាល់ដល់សុខភាព ? នេះក៏ព្រោះ ភេសជ្ជៈនេះ ៖
១- ផ្តល់ផលប៉ះពាល់មួយចំនួនដូចជា
ធ្វើឱ្យចុកទ្រូង ធ្វើឱ្យចិត្តមិនស្ងប់ ញ័រខ្លួន វិលមុខ ធ្វើឱ្យបេះដូងចុះខ្សេោយភ្លាមៗ ដេកពុំលក់និងគាំងបេះដូងជាដើម ។
២- បង្កើនឱកាសកើតជំងឺ Stressនិង កង្វល់ក្នុងចិត្ត ៖
ភេសជ្ជៈប៉ូវកម្លាំងមួយចំនួនផ្ទុកសារធាតុកាហ្វេអុីនច្រើនជាងចំនួនដែលបិទផ្សាយនៅលើសម្បកកំប៉ុង ។ ទទួលទានសារធាតុកាហ្វេអុីនច្រើនពេកអាចបណ្តាលឱ្យញ័រញាក់សាច់ដុំនិងកើតជំងឺ Stressជាប្រចាំ ហើយឈានទៅកើតមានជំងឺបេះដូង ។
៣- ផ្ទុកសារធាតុស្ករច្រើនហួសហេតុ ៖
ក្រៅពីផ្តល់ជាថាមពលសិប្បនិម្មិត ភេសជ្ជៈប៉ូវកម្លាំងផ្ទុកសារធាតុស្ករយ៉ាងច្រើន ដោយភេសជ្ជៈស្លាកយីហោខ្លះផ្ទុកស្ករជាមធ្យមប្រមាណ ១៤ស្លាបព្រាកាហ្វេ ។ ការប្រើប្រាស់សារធាតុស្ករច្រើននាំឱ្យអ្នកបាត់បង់ជាតិទឹក ប៉ះពាល់ដល់ប្រព័ន្ធការពាររាងកាយ បង្កើនការរលាកនិងនាំឱ្យឡើងទម្ងន់ជាដើម ។
៤- ជំរុញឱ្យសរីរាង្គនានាធ្វើការហួសកម្លាំង ៖
សរីរាង្គមានដូច បេះដូង ថ្លើម ខួរក្បាល តម្រងនោមនិងផ្លូវរំលាយអាហារសុទ្ធតែធ្វើការហាក់ដូចជា រាងកាយកំពុងស្ថិតក្នុងស្ថានការណ៍អាសន្ន ហើយបន្ទាប់មកនឿយហត់អស់កម្លាំង លែងចង់បំពេញមុខងារបន្ត ។ នេះគឺជាផលគ្រោះថ្នាក់ដ៏ធំមួយផ្សេងទៀតរបស់ភេសជ្ជៈប៉ូវកម្លាំង ៕
ចែករំលែកព័តមាននេះ