រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់ជិះម៉ូតូទៅលេងផ្ទះម្ដាយក្មេកស្រាប់តែទាក់ដៃចង្កូតជាមួយនឹងម៉ូតូមួយគ្រឿងទៀត បណ្ដាលឱ្យដួលក៏ត្រូវរថយន្តមិនស្គាល់ម៉ាកកិនចំក្បាលធ្លាយខួរស្លាប់ភ្លាមៗនៅកន្លែងកើតហេតុកាលពីម៉ោង៩និង៣០នាទីយប់ ថ្ងៃទី២៧ ខែកក្កដា ឆ្នាំ២០១៩ តាមបណ្ដោយផ្លូវជាតិលេខ២ ក្បែររង្វង់មូលគួស្រូវ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់ជិះម៉ូតូទៅលេងផ្ទះម្ដាយក្មេកស្រាប់តែទាក់ដៃចង្កូតជាមួយនឹងម៉ូតូមួយគ្រឿងទៀត បណ្ដាលឱ្យដួលក៏ត្រូវរថយន្តមិនស្គាល់ម៉ាកកិនចំក្បាលធ្លាយខួរស្លាប់ភ្លាមៗនៅកន្លែងកើតហេតុកាលពីម៉ោង៩និង៣០នាទីយប់ ថ្ងៃទី២៧ ខែកក្កដា ឆ្នាំ២០១៩ តាមបណ្ដោយផ្លូវជាតិលេខ២ ក្បែររង្វង់មូលគួស្រូវ ស្ថិតក្នុងភូមិក្រាំងស្វាយ ក្នុងសង្កាត់ព្រែកកំពឹស។
សពជនរងគ្រោះខាងលើឈ្មោះ ចំណាន វាន់ដេត ភេទប្រុស អាយុ២៦ឆ្នាំ បុគ្គលិកធនាគារ ស្នាក់នៅភូមិជើងកែប ឃុំជើងកែប ស្រុកកណ្ដាលស្ទឹង ខេត្តកណ្ដាល ។
ប្រភពពីកន្លែងកើតហេតុបានដឹងថា មុនកើតហេតុ បុរសរងគ្រោះជិះម៉ូតូម៉ាកហុងដាឌ្រីម ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ ភ្នំពេញ.1CF 6601ទិសដៅពីលិចទៅកើតក្នុងល្បឿនមធ្យម បំណងទៅលេងផ្ទះម្ដាយក្មេក លុះមកដល់ចំណុចកើតហេតុ ស្រាប់តែមានម៉ូតូមួយគ្រឿងទៀតម៉ាកហុងដាគុប មិនចាំស្លាកលេខបើកជែងក៏ទាក់ដៃចង្កូត បណ្ដាលឱ្យជនរងគ្រោះដួល ស្របពេលនោះក៏មានរថយន្តមិនស្គាល់ម៉ាកបើកមកពីក្រោយកិនចំក្បាលធ្លាយខួរស្លាប់ភ្លាមៗតែម្ដង ចំណែករថយន្តនោះបើករត់គេចបាត់ស្រមោល ដោយឡែកចំណែកម៉ូតូហុងដាគុប ក៏ជិះរត់គេចខ្លួនដូចគ្នាផងដែរ។
ក្រោយពេលកើតហេតុ សមត្ថកិច្ចមូលដ្ឋានចុះមកដល់កន្លែងហេតុ និងបានរាយការណ៍ទៅសមត្ថកិច្ចជំនាញចរាចរណ៍ខណ្ឌចុះមកធ្វើការវាស់វែង រួចធ្វើកំណត់ហេតុប្រគល់សពជនរងគ្រោះទៅឲ្យសាច់ញាតិយកទៅដើម្បីធ្វើបុណ្យតាមប្រពៃណី។ (កែសម្រួលដោយ ៖ បុប្ផា)
ចែករំលែកព័តមាននេះ