*អាហារបីប្រភេទជួយការពារខួរក្បាល
ខួរក្បាលជាអវយវៈដែលត្រូវធ្វើការងារធ្ងន់គ្រប់ពេល ហើយប្រឈមនឹងការបាត់បង់់ការចងចាំបានយ៉ាងងាយ ដែលនៅក្នុងយុគសម័យនេះ ខួរក្បាលកាន់តែប្រឈមនឹងភាពគ្រោះថ្នាក់ជាង អតីតកាលទៅទៀតព្រោះប្រឈមនឹងបញ្ហាគ្រប់បែបយ៉ាងពិសេសចំពោះ
*អាហារបីប្រភេទជួយការពារខួរក្បាល
ខួរក្បាលជាអវយវៈដែលត្រូវធ្វើការងារធ្ងន់គ្រប់ពេល ហើយប្រឈមនឹងការបាត់បង់់ការចងចាំបានយ៉ាងងាយ ដែលនៅក្នុងយុគសម័យនេះ ខួរក្បាលកាន់តែប្រឈមនឹងភាពគ្រោះថ្នាក់ជាង អតីតកាលទៅទៀតព្រោះប្រឈមនឹងបញ្ហាគ្រប់បែបយ៉ាងពិសេសចំពោះបច្ចេកវិទ្យាទំនើប ។ ប៉ុន្តែសំណាងល្អ យើងមានអាហារបីប្រភេទរង់ចាំជួយសុខភាពខួរក្បាលឱ្យមានដំណើរការល្អដែលអាហារទាំងបីមុខនោះមិនជាការលំបាកស្វែងរកពេកទេដោយគ្រាន់តែចំណាយប្រាក់បន្តិចបន្តួចអាចយកមកបរិភោគបានហើយគឺ ចេក ក្រូច និងផ្លែប៉ោម ។ អាហារទាំងបីប្រភេទនេះ មានគុណសម្បត្តិក្នុងការលាងសម្អាតជាតិពុល ធ្វើឱ្យប្រព័ន្ធប្រសាទបាត់បង់ការចងចាំកាន់តែតិច និងជួយការពារជំងឺភ្លេចភ្លាំងបានច្រើន រួមទាំងជំងឺញ័រផងដែរ ។ ប៉ុន្តែបើចង់បានផលល្អ អ្នកត្រូវទទួលទានចេក ក្រូច និងប៉ោមឱ្យបានជាប្រចាំបន្តបន្ទាប់គ្នា ។
*ប្រភេទអាហារបង្ការជំងឺ
-ផ្ទី ៖ អ្នកដែលមានបញ្ហាភ្នែក គួរទទួលទានបន្លែផ្ទីឱ្យបានច្រើន ព្រោះបន្លែប្រភេទនេះជាប្រភពនៃសារធាតុជួយបន្ថយអាការៈអន់ភ្នែក ជួយសម្រួលការសម្លឹងមើលនិងជួយការពារកាំរស្មីព្រះអាទិត្យមិនឱ្យបំផ្លាញរ៉េទីន របស់ភ្នែកធ្វើឱ្យការសម្លឹងអ្វីក៏មើលឃើញបានល្អ ។
-ប៉េងប៉ោះ ៖ ផ្លែប៉េងប៉ោះពណ៌ក្រហមរឹតតែល្អ ពីព្រោះប៉េងប៉ោះកាន់តែក្រហមកាន់តែមានសារធាតុ ដែលប្រឆាំងនឹងជំងឺមហារីកក្រពេញប្រូស្តាតចំពោះបុរស ។ ក្រៅពីនេះនៅមានវីតាមីនបេ វីតាមីនសេ បេតា-ខារ៉ូទីន ដែលសារធាតុទាំងនេះធ្វើឱ្យដំណើរឈាមរត់បានល្អ ប៉ូវឈាម និងប៉ូវស្បែកឱ្យស្រស់ថ្លាទៀតផង ។
-សណ្តែកសៀង និងផលិតផលពីសណ្តែកសៀង ៖ ផលិតផលពីសណ្តែកដូចជា តៅហ៊ូ ទឹកសណ្តែក ជាអាហារ ដែលសម្បូរដោយសារធាតុដែលអាចបន្ថយអត្រាគ្រោះថ្នាក់នៃការកើតជំងឺបេះដូង ជំងឺភ្លេចភ្លាំងច្រើន និងជំងឺពុកឆ្អឹង ។ ស្ត្រីឋិតក្នុងវ័យអស់រដូវ បើបានទទួលទានទឹកសណ្តែកជាប្រចាំ នឹងបន្ថយអាការៈក្តៅរងា ក្នុងវ័យនេះបានយ៉ាងប្រសើរ ៕
ចែករំលែកព័តមាននេះ