វាជារឿងដែលមនុស្សមួយចំនួនធំកម្រនឹកគិតដល់។ ប៉ុន្តែតាមអ្នកជំនាញថា ការរួមរ័កពិតជាអាចជួយធ្វើឱ្យល្អប្រសើរ ឬកាត់បន្ថយការឈឺចាប់លើរាងកាយបាន ។ យើងធ្លាប់ទទួលព័ត៌មាន និងដឹងជាមុន ហើយ ថា ការរួមរ័កផ្តល់អត្ថប្រយោជន៍ច្រើនយ៉ាងដល់សុខភាព ក្នុងនោះមានដូចជាជួយពង្រឹងប្រព័ន្ធការពាររាងកាយ កាត់បន្ថយភាពតានតឹងក្នុងចិត្ត (Stress) ដុតបំផ្លាញកាឡូរី គ្រប់គ្រងបណ្តាអ័រម៉ូនឱ្យមានរបៀបរៀបរយ និងកែលម្អផ្លូវចិត្តជាដើម ។ នៅពេលនេះ យើងសូមបង្ហាញជូននូវអត្ថប្រយោជន៍មួយផ្នែកទៀតរបស់ការរួមរ័ក នោះគឺប្រសិទ្ធភាពបំបាត់ការឈឺចុកចាប់៖
១-ការរួមរ័ក និងជំងឺឈឺក្បាល៖
ការសិក្សាស្រាវជ្រាវជាច្រើនដែលធ្វើឡើងដោយក្រុមអ្នកវិទ្យាសាស្ត្រផ្សេងៗគ្នា បានរកឃើញថា បុគ្គលដែលមានបញ្ហាឈឺក្បាលខ្លាំងឃើញថា មានការថយចុះច្រើន ក្រោយពីការរួមភេទរួច ។ មិនថា ជាជំងឺឈឺក្បាលប្រភេទណាទេ គឺការរួមរ័កសុទ្ធតែអាចកាត់បន្ថយ ឬធ្វើឱ្យធូរស្រាលបានទាំងអស់ ។ ប្រសិទ្ធភាពបែបនេះ ត្រូវអ្នកវិទ្យាសាស្ត្រពន្យលថា នៅពេលអ្នកណាម្នាក់ធ្វើសកម្មភាពរួមភេទ នោះរាងកាយនឹងបញ្ចេញនូវអ័រម៉ូន endorphins ដែលជាឱសថបំបាត់ការឈឺចុកចាប់ពីធម្មជាតិសម្រាប់រាងកាយ ។
២-ការរួមរ័ក និងការឈឺចុកចាប់៖
ការរួមភេទទៀងទាត់ ហើយតែងឈានដល់ចំណុចកំពូលនឹងជួយបង្កើនដល់តុល្យភាពប្រឆាំងនឹងការឈឺចាប់ ។ បន្ថែមពីនេះទៀត វានឹងជួយកាត់បន្ថយការឈឺចាប់តាមបណ្តាសន្លាក់ នេះព្រោះតែអំឡុងពេលរួមភេទ រាងកាយរបស់មនុស្សបានបញ្ចេញនូវបណ្តាអ័រម៉ូន មានដូចជា Seroton-in endorphins និងអ័រម៉ូន phenyl ethylamine ដែលធ្វើឱ្យ Stress ថយចុះ តែបង្កើនការសប្បាយ ។ ទុក្ខព្រួយទាំងអម្បាលមា៉នរបស់អ្នកនឹងត្រូវបានកាត់បន្ថយ ហើយអ្នកគ្មានពេលគិតពីការឈឺចាប់ ក្នុងពេលកំពុងសប្បាយនឹងការរួមភេទនោះទេ ។
៣-ការរួមភេទនិងការឈឺចាប់ពេលមានរដូវ ៖
ការឈឺចាប់នៅក្នុងស្បូន គឺបង្កឡើងដោយអ័រម៉ូនឈ្មោះ prostaglandin ។ ដូច្នេះការទទួលភាពរីករាយស្រើបស្រាលពេលដល់ចំណុចកំពូល គឺជាមធ្យោបាយមួយប្រឆាំងនឹងការផ្លាស់ប្តូរអ័រម៉ូននេះ ហើយកាត់បន្ថយបាននូវការឈឺចាប់ពេលមករដូវ ៕
ចែករំលែកព័តមាននេះ