បច្ចុប្បន្នទំនាក់ទំនងស្នេហារបស់យុវវ័យសម័យទំនើបដែលជាគូសង្សារនឹងគ្នាហាក់មានការខុសប្លែកជាងកាលពីសម័យចាស់បុរាណ ពោលយុវវ័យមួយចំនួនដែលជាគូសង្សារមានការបើកចំហរពីទំនាក់ទំនងរបស់ពួកគេច្រើនជាងសម័យចាស់បុរាណដែលតែងតែខ្លាចពីការរិះគន់នានា ដោយតែងតែមិនហ៊ានឱ្យនរណាដឹងអំពីទំនាក់ទំនងរបស់ខ្លួន និងគូស្នេហ៍នោះទេ ។
ជាក់ស្តែងបើតាមការយល់ឃើញរបស់ស្រីស្អាតរូបស្រស់កញ្ញា Chea Srey Ry ស្ថិតក្នុងវ័យ២៥ឆ្នាំ បានឱ្យដឹងអំពីគូសង្សារដែលបើកចំហរពីទំនាក់ទំនងរបស់ខ្លួនថា ៖ «សម្រាប់នាងខ្ញុំគឺការបើកចំហរបែបហ្នឹងគឺល្អទាំងសងខាង ការពារគ្នាមិនមានរឿងត្រូវលាក់បាំង សំខាន់យើងនឹងគេប្រាកដថា នឹងដើរទៅមុខជាមួយគ្នាមុននឹងបើកចំហរ ។ ត្រូវរៀនស្វែងយល់ពីគ្នាសិន ទាំងចំណង់ចំណូលចិត្ត ចូលចិត្តអី ស្អប់អី ប្រាប់គ្នាអោយអស់ ។ ការបើកចំហរកាន់តែធ្វើឱ្យយើងមានទំនុកចិត្តរៀងខ្លួន ។ បើទើបតែស្គាល់គ្នាថ្មីៗកុំទាន់បើកចំហរល្អជាង តែបើស្គាល់គ្នាយូរគួរសមហើយអាចបាន» ។
កញ្ញាបានបន្ថែមទៀតថា ៖ «ខ្ញុំសប្បាយចិត្តពេលដែលសង្សាររបស់ខ្ញុំគាត់ណែនាំខ្ញុំអោយបងប្អូន និងមិត្តភក្តិគាត់ស្គាល់ដោយមិនលាក់បាំងពីទំនាក់ទំនងយើងទាំងពីរ ។ កាលហ្នឹងខ្ញុំគិតថា គាត់ច្បាស់លាស់ជាមួយខ្ញុំ បានគាត់ធ្វើចឹង ។ យាយរួមទៅសប្បាយចិត្តហ្មឹង ។ ការដែលណែនាំអោយគ្រួសារស្គាល់ ខាងស្រីគឺកាន់តែមានអារម្មណ៍កក់ក្តៅកាន់តែខ្លាំង ហើយណាមួយគ្រួសារទាំងសងខាងក៏អាចឈ្វែងយល់ពីដៃគូរបស់យើងដែរថា ម្នាក់នោះសម រឺមិនសម?» ។
ដោយឡែកបើតាមការយល់ឃើញរបស់ស្រីស្អាតភ្នែកតូចស្រដៀងកូនកាត់ចិន Lee Kaa យល់ថា ៖ «ចា៎…បើសម្រាប់ខ្ញុំគឺ សប្បាយចិត្ត និងមានក្តីសុខ ។ បើគេជាមនុស្សល្អ ជាសុភាពបុរសទៀត គឺខ្ញុំនឹងខ្លាចជាមនុស្សដែលមានសំណាង រឹតតែសំណាងបំផុតនោះបើសិនជាគ្រួសារទាំងសងខាងពេញចិត្តអោយទាក់ទងគ្នា ទៅណាមកណាមិនចាំបាច់ខ្លាចមុខខ្លាចក្រោយតែប៉ុណ្នឹងឯង» ។
ក្នុងនោះផងដែរក៏មានគូសង្សារមួយចំនួនបានបើកចំហរពីទំនាក់ទំនងរបស់ពួកគេឱ្យមិត្តភក្តិ ឬគ្រួសារបានដឹង និងមានមួយចំនួនទៀតបានលាក់បាំងពីទំនាក់ទំនងរបស់ពួកគេផងដែរ ៕
កែសម្រួលដោយ ៖ សំណាង
ចែករំលែកព័តមាននេះ