ខេត្តព្រះវិហារ ៖ សពបុរសម្នាក់ត្រូវជនដៃដល់សម្លា.ប់ រួចយកមកប្លុងចោលក្នុងព្រៃចំណុចទួលត្រពាំងកូនង៉ា ស្ថិតក្នុងភូមិសាស្ត្រភូមិគុណភាព ឃុំឆែបពីរ ស្រុកឆែប ត្រូវប្រជាពលរដ្ឋជាអ្នកដើរព្រៃប្រទះឃើញ រួចរាយការណ៍ប្រាប់សមត្ថកិច្ចឱ្យចុះមកពិនិត្យ កាលពីថ្ងៃទី៣១ មករា ២០១៤ ។
ខេត្តព្រះវិហារ ៖ សពបុរសម្នាក់ត្រូវជនដៃដល់សម្លាប់ រួចយកមកប្លុងចោលក្នុងព្រៃចំណុចទួលត្រពាំងកូនង៉ា ស្ថិតក្នុងភូមិសាស្ត្រភូមិគុណភាព ឃុំឆែបពីរ ស្រុកឆែប ត្រូវប្រជាពលរដ្ឋជាអ្នកដើរព្រៃប្រទះឃើញ រួចរាយការណ៍ប្រាប់សមត្ថកិច្ចឱ្យចុះមកពិនិត្យ កាលពីថ្ងៃទី៣១ មករា ២០១៤ ។
ក្រោយពីពិនិត្យធ្វើកោសល្យវិច័យរួច ប៉ូលិសបានធ្វើការសន្និដ្ឋានថា ជនរងគ្រោះត្រូវជនដៃដល់សម្លាប់ រួចយកមកប្លុងចោលនៅក្នុងព្រៃមួយសប្តាហ៍ហើយ ព្រោះសពមានសភាពស្អុយរលួយទៅហើយ។
តាមការឱ្យដឹងពីក្រុមគ្រួសារសពបានឱ្យដឹងថា ជនរងគ្រោះឈ្មោះបុយ គី ភេទប្រុស អាយុ៣២ឆ្នាំ ជាអ្នករត់តាក់ស៊ី រស់នៅភូមិថ្នល់បំបែក ស្រុកកំពង់ស្វាយ ខេត្តកំពង់
ធំ ។ ជនរងគ្រោះបានចេញពីផ្ទះតាំងពីថ្ងៃទី២៤ មករា ២០១៤ ដោយបើករថយន្តម៉ាកកាមរីបាឡែន ពណ៌ស្ករ ពាក់ស្លាកលេខភ្នំពេញ២Q៣០៥៥ ហើយប្រាប់ក្រុមគ្រួសារថាមានគេជួលរថយន្តទៅខេត្តសៀមរាប ស្រាប់តែបាត់រហូតដល់ថ្ងៃទី៣១ មករា ក៏បានដំណឹងពីប៉ូលិសថា ឈ្មោះបុយ គី ត្រូវគេសម្លាប់ រួចយកមកប្លុងចោលក្នុងព្រៃត្រង់ចំណុចខាងលើក៏ប្រញាប់ប្រញាល់នាំគ្នាមកកាន់កន្លែងកើតហេតុបានឃើញសាកសពពិតជាសាច់ញាតិពិតប្រាកដមែន។
ជុំវិញករណីសម្លាប់បុរសម្នាក់ខាងលើនេះ សមត្ថកិច្ចស្រុកឆែបបានបញ្ជាក់ថា ជាករណីប្លន់សម្លាប់ ដែលបច្ចុប្បន្ននេះសមត្ថកិច្ចកំពុងស្រាវជ្រាវរកជនដៃដល់មកផ្តន្ទាទោសតាមច្បាប់៕
ចែករំលែកព័តមាននេះ