សារព័ត៌មានបរទេស កាលពីថ្ងៃទី៣១ មករា ២០១៤ បានផ្សាយដោយយោងលើលទ្ធផលស្រាវជ្រាវ របស់មជ្ឈមណ្ឌលស្រាវជ្រាវមហារីករុស្ស៊ី រួមជាមួយមហាវិទ្យាល័យអុកហ្វតរបស់អង់គ្លេស និងស្ថាប័នស្រាវជ្រាវមហារីកអន្តរជាតិរបស់អង្គការសុខភាពពិភពលោក ដែលប្រមូលផ្តុំទិន្នន័យពីក្រុមគំរូ ជាពលរដ្ឋរុស្ស៊ីចំនួន១៥១.០០០នាក់ ក្នុងទីក្រុងចំនួន៣ចន្លោះពីឆ្នាំ១៩៩៩ដល់ឆ្នាំ២០០០ ឃើញថា ក្នុងរយៈពេលនោះមានក្រុមគំរូចំនួន៨.០០០នាក់ស្លាប់ ។ ក្នុងចំណោមនោះមាន១ភាគ៤បានស្លាប់ ខណៈពេលមានអាយុតិចជាង៥៥ឆ្នាំ និងអ្វីដែលគួរឱ្យបារម្ភគឺប្រហែល៣៥% ស្លាប់ដោយផឹកស្រាវ៉ុតកា (Vodka) យ៉ាងតិច៣ដប ឬលើសពីកន្លះលីត្រក្នុងមួយសប្តាហ៍ ។
ទោះបីជាមិនបានបញ្ជាក់ពីចំនួនបុរសដ៏ពិតប្រាកដក៏ដោយ ប៉ុន្តែតួលេខដែលបង្ហាញចាត់ទុកថាខ្ពស់ នៅពេលប្រៀបធៀបនឹងប្រទេសមហាអំណាចដូចជាអង់គ្លេស មានបុរសស្លាប់ខណៈពេលមានអាយុតិចជាង៥៥ឆ្នាំ ប្រហែល៧% និងអាមេរិកស្ថិតក្នុងកម្រិតទាបបំផុតត្រឹមតែ១%ក្នុងអំឡុងពេលដូចគ្នា ៕
ចែករំលែកព័តមាននេះ