រាជធានីភ្នំពេញ៖​ បំពង់ខ្យល់ក្នុង​ទីតំាងសិប្បកម្ម​ផលិតសាច់ប៉ាតេ យីហោ ​៩៩៩​ បានធ្លាយឮសូរសំឡេង​ខ្លំាងបង្កការ​ភ្ញាក់ផ្អើលដល់អ្នកភូមិ​ និងអ្នកធ្វើដំណើរ​ឆ្លងកាត់ ។

ហេតុការណ៏នេះ ​បានកើតឡើងនៅម៉ោង១រសៀលថ្ងៃទី០២​ កុម្ភៈ ២០១៤​ ស្ថិតតាមបណ្តោយផ្លូវ​ ១២ BT ​ក្នុងសង្កាត់បឹងទំពន់ ​ខណ្ឌមានជ័យ ។

បើតាមអ្នកឆ្លើយឆ្លង​ព័ត៌មាន​កោះសន្តិភាព​បានស្រង់សម្តី​កម្មករ​សិប្បកម្ម​បញ្ជាក់ឲ្យដឹងដែរថា ​នៅក្នុងសិប្បកម្មផលិត​សាច់ប៉ាតេ ​៩៩៩នេះ មានឡភ្លើងធំៗចំនួន២ ​ដោយដុតអុសដើម្បីទាញ​យកខ្យល់ ​នៅវេលាកើតហេតុខាងលើ​មិនដឹងយ៉ាងម៉េចស្រាប់​តែធ្លាយបំពង់ខ្យល់នោះ ​បណ្តាលឲ្យកម្មកររត់ជាន់ជើង​គ្នា និងឮសូរសំឡេងខ្លំាង​បង្កការភ្ញាក់ផ្អើលដល់​អ្នកជិតខាង​និងអ្នក​ធ្វើ​ដំណើរឆ្លងកាត់​រាប់រយនាក់ ។

សេចក្តីរាយការណ៏បានបន្តថា​ មកដល់ម៉ោង១និង៣០នាទី​រសៀលថ្ងៃអាទិត្យដដែលនេះ ​សំឡេងខ្យល់បានថមថយ​ឥទ្ឋិពលវិញហើយ​ បន្ទាប់ពីកម្មករបាន​នំាគ្នាពន្លត់ភ្លើង​ ហើយថាក្នុង​ហេតុការណ៏នេះ ក៏មានរថយន្តពន្លត់អគ្គិភ័យមួយ​គ្រឿងនៃស្នងការដ្ឋាននគរបាលរាជធានីភ្នំពេញ ​បានចេញអន្តរាគមន៏ផងដែរ ​តែពេលទៅដល់ឡភ្លើងបានរលត់ និង ខ្យល់ក៏បានថម​ថយ​ឥទ្ឋិពលហើយដែរ ។ ក្នុងហេតុការណ៏នេះដែរ ក៏ពុំមានមនុស្សណាម្នាក់របួស ឬ ស្លាប់នោះទេ ៕