សារព័ត៌មានបរទេស កាលពីថ្ងៃទី៣០ មករា ២០១៤ ផ្សាយថា លោកលី ស៊ានឡុង នាយករដ្ឋមន្ត្រីសិង្ហបុរី បានជូនពរដល់ពលរដ្ឋនៅក្នុងឱកាសបុណ្យចូលឆ្នាំចិន រួមទាំងជំរុញដល់គូស្វាមី-ភរិយា ដែលទើបរៀបការឱ្យប្រញាប់យកបុត្រ ដើម្បីជំរុញអត្រាកំណើតនៅក្នុងប្រទេសស្របនឹងឆ្នាំថ្មី ឆ្នាំមមី ។
លោកលី ស៊ានឡុង មានកូន៤នាក់ ពីការរៀបការចំនួន២លើក បានទទួលស្គាល់ថា រដ្ឋាភិបាលកំពុងព្យាយាមប្តូរគោលនយោបាយផ្នែកប្រជាសាស្ត្រ ដើម្បីបង្កើនអត្រារៀបការ និងការមានបុត្រ ពិសេសរដ្ឋាភិបាលប្រកាសផ្តល់រង្វាន់ពិសេសដល់ការមានកូនច្រើន ជាការលើកទឹកចិត្តប្រជាពលរដ្ឋ ។
តាមតួលេខស្ថិតិកាលពីឆ្នាំមុនបញ្ជាក់ថា ស្ត្រីសិង្ហបុរី បានផ្តល់កំណើតដល់ទារកក្នុងអត្រា១,១៩ក្នុងម្នាក់ ដោយថយចុះ០,១៩% កាលពីឆ្នាំ២០១២ ប៉ុន្តែបើសិនគណនាតែលើស្ត្រី សិង្ហបុរី ឈាមជ័រចិន អត្រាការផ្តល់កំណើតមានត្រឹមតែ១,០៦ក្នុងមនុស្សម្នាក់ ដោយទាបជាងទិសដៅរបស់រដ្ឋាភិបាលដែលកំណត់ត្រឹម២,១ចំពោះស្ត្រីម្នាក់ ៕
ចែករំលែកព័តមាននេះ