អង្គការយូណេស្កូនិយាយកាលពីថ្ងៃទី៣០ មករា ឆ្នាំ២០១៤ ថា មួយភាគបួននៃកុមារ១ពាន់លាននាក់នៅលើពិភពលោកកំពុងខកខានមិនបានរៀនសូត្រជំនាញមូលដ្ឋានដូចជា ការអាន និងការសរសេរ និងជំនាញគណិតវិទ្យានៅក្នុងវិបត្តិការអប់រំដែលធ្វើឲ្យរដ្ឋាភិបាលខាតបង់ទឹកប្រាក់ប្រមាណ១២៩ពាន់លានដុល្លារក្នុងមួយឆ្នាំ ។
អង្គការយូណេស្កូនិយាយកាលពីថ្ងៃទី៣០ មករា ឆ្នាំ២០១៤ ថា មួយភាគបួននៃកុមារ១ពាន់លាននាក់នៅលើពិភពលោកកំពុងខកខានមិនបានរៀនសូត្រជំនាញមូលដ្ឋានដូចជា ការអាន និងការសរសេរ និងជំនាញគណិតវិទ្យានៅក្នុងវិបត្តិការអប់រំដែលធ្វើឲ្យរដ្ឋាភិបាលខាតបង់ទឹកប្រាក់ប្រមាណ១២៩ពាន់លានដុល្លារក្នុងមួយឆ្នាំ ។
ការបង្រៀនដែលមិនគ្រប់គ្រាន់នៅទូទាំងពិភពលោក បានបន្សល់នូវកេរណែលអនក្ខរជនរីករាលដាលច្រើនជាងការគិតពីមុនទៅទៀត ។ យូណេស្កូនិយាយថា មានមនុស្សម្នាក់ក្នុងចំណោមបួននាក់ នៅក្នុងប្រទេសក្រីក្រមិនអាចអានអក្សរបាន ដោយតួលេខកើនដល់៤០%នៅក្នុងតំបន់ពាក់កណ្តាលវាលខ្សាច់សាហារ៉ារបស់អាហ្វ្រិក ។
អង្គការសហប្រជាជាតិបានកំណត់ពាក្យថាយុវវ័យសំដៅលើមនុស្សដែលមានអាយុចន្លោះពី១៥ទៅ២៤ឆ្នាំ បើទោះបីជាការកំណត់របស់យូណេស្កូប្រែប្រួលតាមតំបន់ក៏ដោយ ។ លោកផូលីន រ៉ូស នាយកផ្នែកអប់រំរបស់យូណេស្កូនិយាយថា តើអ្វីជាអត្ថប្រយោជន៍នៅក្នុងការអប់រំប្រសិនបើ ក្មេងៗចេញពីសាលាដោយមិនមានជំនាញដែលគេត្រូវការ ?
របាយការណ៍របស់យូណេស្កូបានរកឃើញថា នៅក្នុង១/៣នៃប្រទេសដែលបានធ្វើការវិភាគ តិចជាង៣/៤នៃគ្រូបង្រៀនសាលាបឋមសិក្សាដែលមានស្រាប់ត្រូវបានហឹ្វកហាត់តាមស្តង់ដាជាតិ ខណៈដែលកូនសិស្សសាលាបឋមសិក្សា១២០លាននាក់ នៅទូទាំងពិភពលោកបានចូលសាលាខ្លះ ហើយខ្លះទៀតមិនបានចូលសាលា ។ របាយការណ៍និយាយថា ការខាតបង់របស់កុមារពីការរៀនសូត្រថ្នាក់មូលដ្ឋាន គឺស្មើនឹង១២៩ពាន់លានដុល្លារ ឬ១០%នៃការចំណាយលើការអប់រំបឋមសិក្សាទូទាំងពិភពលោក ។
របាយការណ៍ដដែលឲ្យដឹងទៀតថា នៅក្នុងប្រទេសអភិវឌ្ឍន៍រួមមាន អាល្លឺម៉ង់ បារាំង អង់គ្លេស កុមារអន្តោប្រវេសន៍មានដំណើរការអន់ថយបំផុត ពោលគឺស្ថិតនៅពីក្រោយបណ្តាប្រទេសជិតខាងរបស់ខ្លួនបើនិយាយពីគោលដៅរៀនសូត្រអប្បបរមា ។ ចំណែកក្រុមជនជាតិភាគតិចនៅប្រទេសអូស្ត្រាលី និងនូវែលសេឡង់ បានប្រឈមមុខនឹងបញ្ហាដូចគ្នាដែរ ៕
ចែករំលែកព័តមាននេះ