Messi និងមិត្តរួមក្រុមត្រូវយកឡានទៅសង Audi វិញទាំងអស់
4 ឆ្នាំ មុន
តាមប្រភពព័ត៌មាន The Sun បានឱ្យដឹងថា ទំនាក់ទំនងឧបត្ថម្ភរវាងក្លិបបាល់ទាត់អ្នកមានបុណ្យ Barcelona និងក្រុមហ៊ុនរថយន្តអាល្លឺម៉ង់ Audi ត្រូវបានបញ្ចប់នៅពេលនេះដែលតម្រូវឱ្យកីឡាករទាំងអស់យករថយន្តប្រគល់ទៅក្រុមហ៊ុនវិញក្នុងរយៈពេល៣សប្តាហ៍ខាងមុខនេះ ។…
តាមប្រភពព័ត៌មាន The Sun បានឱ្យដឹងថា ទំនាក់ទំនងឧបត្ថម្ភរវាងក្លិបបាល់ទាត់អ្នកមានបុណ្យ Barcelona និងក្រុមហ៊ុនរថយន្តអាល្លឺម៉ង់ Audi ត្រូវបានបញ្ចប់នៅពេលនេះដែលតម្រូវឱ្យកីឡាករទាំងអស់យករថយន្តប្រគល់ទៅក្រុមហ៊ុនវិញក្នុងរយៈពេល៣សប្តាហ៍ខាងមុខនេះ ។
ជាច្រើនឆ្នាំកន្លងមកកីឡាករទាំងអស់នៅ Barcelona អាចជ្រើសរើសយករថយន្ត Audi មកជិះលេងក្នុងការធ្វើដំណើរមកកាន់តារាងដោយមិនចាំបាច់ទិញ ។ កីឡាករកាន់តែល្បីនឹងអាចមានសិទ្ធិរើសយករថយន្តកាន់តែថ្លៃ ។ តែនៅពេលនេះពួកគេត្រូវយករថយន្តដែលពួកគេយកពី Audi ទៅសង Audi វិញ ព្រោះតែការឧបត្ថម្ភត្រូវបានចប់ ។
កាលពីរដូវកាលមុន Messi បានជ្រើសរើសយករថយន្ត Audi RS6 Avant ដែលមានតម្លៃដល់ទៅ ១៣ម៉ឺនដុល្លារអាមេរិក (តម្លៃក្រៅស្រុក) ខណៈដែល Ivan Rakitic យករថយន្ត Audi Q7 ដែលមានតម្លៃត្រឹម៦៥០០០ដុល្លារ (តម្លៃក្រៅស្រុក) ៕ កែសម្រួលដោយ ៖ សុឃាក់
ចែករំលែកព័តមាននេះ