កម្ពុជាមានអាកាសធាតុក្តៅសើម ប៉ុន្តែរាល់រដូវប្រាំងម្តងៗ ជាពិសេសដូចជាឆ្នាំនេះ ប្រជាជនតែងតែជួបការលំបាកពីភាពក្តៅនិងស្អុះស្អាប់។ ជាលទ្ធផល មនុស្សគ្រប់រូបចាប់ផ្តើមបើកដំណើរការកង្ហារ ឬម៉ាស៊ីន ត្រជាក់របស់ពួកគេ ដោយស្វ័យប្រវត្តិ។ ដូចអ្វីដែលយើងបានសង្កេតឃើញ…
កម្ពុជាមានអាកាសធាតុក្តៅសើម ប៉ុន្តែរាល់រដូវប្រាំងម្តងៗ ជាពិសេសដូចជាឆ្នាំនេះ ប្រជាជនតែងតែជួបការលំបាកពីភាពក្តៅនិងស្អុះស្អាប់។ ជាលទ្ធផល មនុស្សគ្រប់រូបចាប់ផ្តើមបើកដំណើរការកង្ហារ ឬម៉ាស៊ីន ត្រជាក់របស់ពួកគេ ដោយស្វ័យប្រវត្តិ។
ដូចអ្វីដែលយើងបានសង្កេតឃើញ ការធ្វើដូច្នេះ បានដាក់សម្ពាធដល់ស្ថាប័នផ្គត់ផ្គង់អគ្គសិនីដែលបង្កឲ្យមានការដាច់ភ្លើងនៅពេលខ្លះ។ លើសពីនេះទៅទៀត ថ្លៃភ្លើងតាមផ្ទះនីមួយៗក៏កាន់តែកើនឡើងផងដែរ។
ដូច្នេះដើម្បីកាត់បន្ថយការចាយវាយលើថ្លៃភ្លើងច្រើន តើអ្នកគួរតែធ្វើដូចម្តេច?
១-បិទឧបករណ៍ដែលអ្នកមិនប្រើប្រាស់
គ្រឿងអេឡិចត្រូនិចជាច្រើនដូចជាទូរទស្សន៍ ម៉ាស៊ីនចាក់ឌីស ឬកុំព្យូទ័រនៅតែបន្តប្រើប្រាស់ចរន្តអគ្គសិនីពេលដែលអ្នកមិនប្រើប្រាស់វា។ ដូច្នេះអ្នកគួរតែបិទកុងតាក់ភ្លើងទាំងស្រុងប្រសិនបើអ្នកចង់សន្សំថ្លៃភ្លើង និងជាពិសេសប្រសិនបើអ្នកជាមនុស្សមិនឧស្សាហ៍នៅផ្ទះ។
២- ប្រើកង្ហារពិដាន
ប្រសិនបើអាកាសធាតុក្តៅ អ្នកមិនគួរដើរទៅចុចបើកម៉ាស៊ីនត្រជាក់ភ្លាមៗទេ។ កង្ហារជាប់ពិដានគឺជាឧបករណ៍ដែលមានប្រសិទ្ធភាពមួយដែរក្នុងការជួយបញ្ចុះសីតុណ្ហភាព។
៣-ឧស្សាហ៍លាងសម្អាតម៉ាស៊ីនត្រជាក់
ម៉ាស៊ីនត្រជាក់ភាគច្រើនគឺជាប្រភពដែលប្រើរចន្តភ្លើងច្រើនជាងគេក្នុងផ្ទះនីមួយៗ។ ប្រសិនបើវាខំប្រឹងដំណើរការ វានឹងត្រូវប្រើរចន្តភ្លើងច្រើនដែរហើយ ដូច្នេះម្ចាស់ផ្ទះគួរតែព្យាយាមកាត់បន្ថយឧបសគ្គរបស់វាដើម្បីឲ្យវាដំណើរការបានដោយរលូន ឧទាហរណ៍ដូចជាការសម្អាតជាប្រចាំជាដើម។
៤-ទិញគ្រឿងអេឡិចត្រូនិចដែលប្រើភ្លើងតិច
មនុស្សភាគច្រើនជ្រើសយកគ្រឿងអេឡិចត្រូនិចដែលមានតម្លៃទាបព្រោះគិតថាវាជាជម្រើសល្អក្នុងការសន្សំថវិកា។ ប៉ុន្តែអ្នកគួរដឹងថាវាជួយអ្នកក្នុងរយៈពេលខ្លីប៉ុណ្ណោះព្រោះក្នុងរយៈពេលវែង គ្រឿងអេឡិចត្រូណិចទាំងនោះនឹងធ្វើឲ្យអ្នកចំណាយកាន់តែច្រើនទៀតព្រោះតែវាប្រើចរន្តភ្លើងច្រើន។
ដើម្បីកាត់បន្ថយការចំណាយពិតប្រាកដ អ្នកគួរតែសាកសួរអ្នកផ្គត់ផ្គង់និងជ្រើសយកឧបករណ៍ដែលធានាថាប្រើចរន្តភ្លើងទាបវិញ។ ពេលខ្លះអ្នកត្រូវចំណាយច្រើនជាងឧបករណ៍ទូទៅពិតមែន ប៉ុន្តែអ្នកគួរយល់ថាវាជាអ្វីដែលនឹងជួយអ្នកសន្សំថវិកាក្នុងរយៈពេលយូរ។ (សម្រួលដោយ៖ ស្រីណា)
ចែករំលែកព័តមាននេះ