រាជធានីភ្នំពេញ ៖ ក្រុមមន្ត្រីក្រសួងពាក់ព័ន្ធវិស័យសំណង់ ព័ត៌មាន បរិស្ថាន និងថាមពល នៅថ្ងៃទី៥ ខែកក្កដា នេះបានប្រកាសពីជំហរបស់ខ្លួនក្នុងការចូលរួមគាំទ្រដល់គណៈកម្មការត្រួតពិនិត្យគុណភាពសំណង់នៅខេត្តព្រះសីហនុចំនួន៨ក្រុម ។…
រាជធានីភ្នំពេញ ៖ ក្រុមមន្ត្រីក្រសួងពាក់ព័ន្ធវិស័យសំណង់ ព័ត៌មាន បរិស្ថាន និងថាមពល នៅថ្ងៃទី៥ ខែកក្កដា នេះបានប្រកាសពីជំហរបស់ខ្លួនក្នុងការចូលរួមគាំទ្រដល់គណៈកម្មការត្រួតពិនិត្យគុណភាពសំណង់នៅខេត្តព្រះសីហនុចំនួន៨ក្រុម ។
ក្រុមការងារទាំង៨ក្រុមមានភារកិច្ចចុះត្រួតពិនិត្យអវត្តមានបទដ្ឋានបច្ចេកទេស បទដ្ឋានគតិយុត្ត ស្តង់ដាសំណង់ ស្តង់ដាសុវត្តិភាពនិងគុណភាពសំណង នៅតាមការដ្ឋានសំណង់នៅខេត្តព្រះសីហនុ ។ ក្រុមមន្ត្រីក្រុមការងារមកពីក្រសួងដែនដីនគរូបនីយ៍កម្មនិងសំណង់ចាប់ពីអនុរដ្ឋលេខាធិការដល់ប្រធាននាយកដ្ឋាន ។
ថ្លែងក្នុងសន្និសីទស្តីពីគោលការណ៍គ្រប់គ្រងបច្ចេកទេសសំណង់នៅកម្ពុជានៅទីស្តីការគណៈរដ្ឋមន្ត្រីលោក ផៃ ស៊ីផាន ប្រធានអង្គភាពអ្នកនាំពាក្យរដ្ឋាភិបាលបានបញ្ជាក់ថា សន្និសីទកាសែតនេះមានគោលបំណងដើម្បីឆ្លើយតបនឹងក្តីកង្វល់របស់ប្រជាពលរដ្ឋ ដែលកំពុងផ្តោតយកចិត្តទុកដាក់លើបញ្ហាសុវត្តិភាពសំណង់ ជាមួយនឹងចំណាត់ការរបស់រាជរដ្ឋាភិបាលក្នុងការគ្រប់គ្រង និងកិច្ចរក្សាសុវត្ថិភាពក្នុងវិស័យសំណង់ជូនប្រជាពលរដ្ឋព្រមទាំងវិធានការជំរុញឲ្យអ្នកសាងសង់គោរពបទដ្ឋានបរិស្ថាន ។
យោងតាមសម្រេចក្នុងការបង្កើតគណៈកម្មការបានបញ្ជាក់ថាក្រុមការងារមានភារកិច្ចចុះត្រួតពិនិត្យលក្ខណៈសម្បត្តិរបស់ក្រុមហ៊ុនទទួលមៅការសាងសង់នៅតាមការដ្ឋានសំណង់ ។ ធ្វើរបាយការណ៍លទ្ធផលជួនគណៈកម្មការត្រួតពិនិត្យគុណភាពសំណង់នៅខេត្តព្រះសីហនុ ។
លោក ផៃ ស៊ីផាន បានបញ្ជាក់ថា នេះចង់បង្ហាញថា រាជរដ្ឋាភិបាលកម្ពុជាតែងតែយកចិត្តទុកដាក់ចំពោះបញ្ហាកើតឡើងនៅខេត្តព្រះសីហនុដោយពេលនោះសម្តេចតេជោ ហ៊ុន សែន នាយករដ្ឋមន្ត្រីបានចុះទៅដល់ទីនោះ និងក្រសួងស្ថាប័នពាក់ព័ន្ធទាំងអស់បានចូលរួម ៕
កែសម្រួលដោយ ៖ សំណាង
ចែករំលែកព័តមាននេះ